الموضوع: ماذا تفعل أذا أضطرتك الظروف لخناقة مع سواق ميكروباص

المشاركة الأصلية كتبت بواسطة amgomaa

هعمل نفسي مش واخد بالي متنزلش لمستوى سواقين الميكروباص
Sent from my GT-S5282 using Forum Runner

المشاركة الأصلية كتبت بواسطة smsm199

كبر دماغك و سيبك الخناق مش هيفيد غير بمصايب

المشاركة الأصلية كتبت بواسطة Ahmed.Essam

هو الموضوع لو ضرب بس وخناقة واشتباك بالايد كده ده امره سهل لان اغلب سواقين الميكروباص تقريبا من اول بوكس هيقع في الارض بس مش دي المشكلة

الناس اللي من النوع ده اجبن مما تتخيل بس هما بيعملوا كده لانهم عارفين انهم مسنودين من اهل المنطقة اللي هما فيها او من زميله اللي معاه او لان معاه مطوة او سنجة او او او

وغير كده هو شايف حضرتك شكلك مش بتاع مشاكل وزوجتك معاك فأكيد مش هيبقى عندك استعداد تنزل تأذيه او تعمل معاه مشكلة
عشان كده انا متوقع هو قال لحضرتك ايه وعمل ايه وهو عمل كده بقلب جامد لانه جبان وعارف ان حضرتك مش هينفع ترد عليه لاي سبب من اللي كلنا عارفينهم

يعني بقدر الامكان المفروض اننا نتجنب الناس دي اصلا حتى لو عارف ان في امكانك ترد عليه حتى لو بالشتيمة ودي مفيش اسهل منها بس احنا كناس محترمة بنخاف على شكلنا ومعندناش موهبة الشتيمة وسط الشارع جدا بعلو الصوت

الإجابة النموذجية لسؤالك هى مجموع الإجابات الثلاثة السابقة .. وهذا هو رأيى الشخصى أيضا
وربنا يكفينى ويكفيكم جميعا شر سواقين الميكروباص

وتقبل تحياتى ،،،

السلام عليكم
بص أسهل حاجة إنك تنزل تزعق وتتخانق معاه وتشتم بس حتكون ساعتها زيك زيه والناس حتتفرج عليكم بهدلة وقلة قيمة.... أحسن حل تكبر دماغك وتتجاهل الأشكال دية

ملاحظة لو زودها أوي أو المشكلة اتفرضت عليك فرض ومينفعش تكبر يبقى تنزل وتمسح بيه الأسفلت

المشاركة الأصلية كتبت بواسطة د.أبونضال

اتعرضت لموقف مشابه قبل كده
مش عايز أقولك كانت المشكلة وأنا في قلب الموقف إزاي أدخل حماتي ومراتي العربية علشان أمشي بيهم لأن أول ما الراجل ابتدى يضرب فيا والناس بدأت تتلم من بعيد حماتي نزلت تحوش عني ومراتي قعدت ترقع بالصوت .كان جزار من جزارين الطريق ما عجبوش إني وقفت عنده واللحمة ما عجبتنيش ومشيت من غير ما اشتري... الكلام ده كان قبل الثورة بكام شهر كده..ندمت بعدها إني ما اشتريتش كيلو ولا اثنين ..إيه يعني 100 جنيه طالما قليت عقلي ووقفت ... الحقيقة حماتي هي اللي كانت عايزة تشتري مش أنا وهي اللي ما عجبهاش اللحمة ...كنت اشتريت أنا وخلاص بدل العلقة اللي أكلتها.

تصدق فعلا انا اكتر حاجة بكره اشتريها هى اللحمه من عند الجزار
وبحب اشتريها من كارفور ولا هايبر مع انها بتيقى اغلى من الجزارين بس بتكون حاجة كويسة وبتتعامل مع ناس كويسة
معرفش الجزارين ليه دايما تلاقى الواحد فيهم عامل زى الحيطة وكرشه قدامه متر
بس حضرتك معملتش محضر او تقرير طبى ضد الجزار
الموضوع خلص ازاى