اخر خطوة قبل شراء الشارك

**Mico_Mico** · 06-04-2014 09:18 AM

اولا اشكر كل الاخوة اللى شاركو باسعار قطع غيار الشارك فالتوكيل بدل مكنت عمال اسمع ارقام فلكية من ناس كتير بتألف
دلوقتى مفيش غير مشكلة واحدة وهى الصيانة - ومن اللى عرفته من كذا مشاركة عالمنتدى ان توكيل دايموندز زبالة الزبالة ( قلة ادب - لطعة - حرامية - مش محترفين ) فكنت بفكر انى اجيب حاجة ضمان خليجى وارخص طالما كده كده مش هعمل الصيانة الدورية فالتوكيل والعربية هتبقى بره الضمان خصوصا ان انا فى اسيوط واعتقد فى اعضاء كتير مش مالقاهرة والسفر مش متاح ليهم باستمرار
ولما تبقى فيه مشكلة كبيرة مش مجرد تغيير تيل فرامل او زيت ساعتها اروح لحد من اللى انتو بتشكرو فيهم ( لاحظت اسم المتخصصون كتير فى مشاركاتكو )
معلش طولت عليكو - عاوز رأيكو فالكلام ده صح ولا لأ وانتو لو مكانى تعملو ايه؟؟؟

**Mico_Mico** · 06-04-2014 01:17 PM

واضح انى كتبت السؤال بطريقة غلط
بالنسبة للناس اللى معاهم لانسر اى نوع واى فئة ايه رأيكو فى صيانة التوكيل ولو كانت سيئة ايه رأيكو فالخليجى بالنسبة لشارك علما بانها ارخص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

**amro0000** · 06-04-2014 05:54 PM

انا معايا لانسر بومة خليجي والعربية ممتازة جدا والخليجي انا افضله علي المصري كمان حتي البوية بتاعة العربية والتكيف بيكونو اقوي واعتقد في وجهة نظري هتكون احسن من المصري بحجات بسيطة

**abogoda** · 06-04-2014 08:23 PM

معايا لانسر بومة 2007 خليجي 1300 وبفضل الله ماشية زي الفل وعمري مارحت التوكيل صيانة عادية فقط وبصراحة ممرمط العربية سفر وشيل وحط ولسة ما غيرتش المساعدين الامامية غيرت الخلفية فقط طقم دبرياج ودورة التبريد ((نظافة)) والصيانة العادية اللي انتو عارفينها

**Mico_Mico** · 06-04-2014 08:35 PM

المشاركة الأصلية كتبت بواسطة abogoda

معايا لانسر بومة 2007 خليجي 1300 وبفضل الله ماشية زي الفل وعمري مارحت التوكيل صيانة عادية فقط وبصراحة ممرمط العربية سفر وشيل وحط ولسة ما غيرتش المساعدين الامامية غيرت الخلفية فقط طقم دبرياج ودورة التبريد ((نظافة)) والصيانة العادية اللي انتو عارفينها

السؤال الخليجى ليه ضمان فى مصر ولا فالدولة اللى جاية منها العربية بس؟؟؟ ولو طلع فيها عيب فنى ايه الحل؟

**tifa2015** · 06-04-2014 09:03 PM

الخليجى ليها ضمان عند الرواس بيديها ضمان من عنده 3 سنوات او 60 الف كيلو وسعرها فعلا اقل من بتاعت الوكيل بس خلى بالك من الكاوتش ساعات بيغيروه والكاسيت مش الاصلى بتاعها وبتنزل فيها اسبويلر والصيانات بقى لسه مجربتش ومبروك مقدما