شراء سيارة معاقين من بور سعيد أو إستيرادها من الخارج خطوة خطوة (للسادة المعاقين)

**ahmed1981** · 26-10-2008 11:32 PM

خطوات شراء سيارة معاقين من بور سعيد أو إستيرادها من الخارج (للسادة المعاقين)

سأوضح الخطوات بإختصار:
- 1 - الذهاب للتأمين الصحي بجوار قبر سعد زغلول متفرع من شارع القصر العيني
- 2 - دفع الرسوم المقررة للكشف
- 3 - الرسوم تساوي 250 للكشف العادي ممكن بعد ستة أشهر أو 500 جنيه للكشف المستعجل بعد يومين أو ثلاثة
- 4 - تحديد موعد الكشف
- 5 - تحديد مكان الكشف (بالقمسيون بشارع متفرع من القصر العيني )
- 6 - الذهاب للكشف للنظر والعظام
- 7 - التعرف على موعد النتيجة
- 8 - الذهاب لنفس المكان لمعرفة النتيجة
- 9 - ستعرف النتيجة لكنك لن تأخذ أوراق لأن الأوراق سيتم إرسالها إلى جمارك بور سعيد بمدينة بور سعيد
- 10 - في حالة الشراء من المنطقة الحرة ببور سعيد سيقوم البائع بعمل جميع الأوراق معك حتى يسلمك السيارة ومعها جواب الجمارك
- 11 - الأسعار ببور سعيد أو بمصر عموماً غالية لكن يميزها أن السيارات أمام عينك
- 12 - في حال الشراء من الخارج يتم إستيراد السيارة بإسم المعاق من أي مكان في العالم
- 13 - يفضل أن تشتري من بلد يكون أحد معارفك بها ليختار السيارة ويفحصها جيداً ويشحنها لمصر
- 14 - في جميع الأحوال بعد التخليص الجمركي وخروجك بالسيارة بدون نمر حتى تحت بيتك (إتصرف بنمر تجارية أو إمشي رش شاي)
- 15 - سيكون معك رقم صادر لملف السيارة تتابع به في مرور الدراسة (تقريباً الدراسة)
- 16 - بعدها سيخرج برقم صادر آخر للمرور الخاص بمحل سكنك
- 17 - بعد وصول الملف للمرور ستذهب بالسيارة وتركب عليها الجهاز ويمتحن عليها المعاق ليحصل على الرخصة (وهذا في حالة أنه لا يملك رخصة من قبل)
- 18 - تذهب لترخص السيارة بالمرور وتعلق النمر
- 19 - يكون على السيارة حظر بيع لمدة خمس سنوات
- 20 - لو فكرت في البيع قبل ذلك عليك بفك الحظر بدفع مبلغ 9600 جنيه مصري
- 21 - بعد فك الحظر يمكنك بيع السيارة كما يحلوا لك
- 22 - يوجد ما يسمى بالإسترداد وهي قضية يرفعها المعاق لإسترداد قيمة ضريبة المبيعات تقريباً ولابد من توكيل محامي ورفع القضية للحصول على هذا المبلغ
- 23 - بعد رفع القضية أحياناً يتم الحكم لك لتسترد الضريبة أو لا يحكم لك فلا تأخذ شيء (تخرج من المولد بلا حمص)
- 24 - مسألة كسب القضية يتوقف على أمرين : * الدائرة التي سترفع فيها القضية هل سبق من قبل أن حكمت بالرد * كمية الضريبة المستردة فغالباً عندما تكون كبيرة لا يتم الحكم بردها
- 25 - الإجراءات السابقة تستغرق الكثير من الوقت (عدة شهور)

والحقيقة أن سيارات المعاقين حق أصيل للمعاق ويحقق منها ربح جيد بإذن الله وبارك الله له
أما غير المعاق الذي يشتريها بواسطة معاق فإن جدواها تكون ضعيفة كما وضحت من قبل في الموضوع التالي:وضع سيارات المعاقين لغير المعاقين

في النهاية أتمنى أن أكون أحطت بأغلب جوانب الموضوع
وقد تكون الذاكرة خانتني في أحد الجوانب فسامحوني وليصحح لي الخبراء مشكورين
وبعض الزملاء الأعضاء هنا أكثر خبرة مني في هذا الأمر أتمنى أن يدلو بدلوهم لتعم الفائدة

**madoo** · 27-10-2008 12:04 AM

مجهود عظيم
شكرا

**Ahmed_Elkhateb** · 27-10-2008 03:18 AM

يا استاذ احمد بص انا ابن عمتى راح وعمل كل ده ماشى بس الجواب جالو بنسبة الأعاقه 75% ماشى بس هو المشكله فى عينو عينو اليمين مش بيشوف بيها غير طشاش وهو مش بيلبس نظاره بس عينو الشمال 6/6 ماشى فا هو لما راح يجيب الجواب لقهم هيعملولو كش تانى على عنيه بالنظاره لو عدى هيروح يستلم عربيه فا احان شم عارفين نعمل ايه هو راح وحدد معاد انو يكشف بالنظاره يوم الحد اللى جاى اللى هو 2/11 وبردو عمل نظاره وبردو مش بيشوف بيها اوووووووى هو يعمل اييييييه والعربيه ديه هتفرق معه اووووووى وشكرا يا حوبى على الموضوع الجميل ده

**Mido80** · 27-10-2008 08:21 AM

تسلم ايدك علي المجهود الرائع دة والله انا كنت طرحت الموضوع دة من فترة في المنتدي عشان كنت عاوز اعرف اية الاجراءات اللازمة لكي انزل سيارة من الخارج لمصر والحمد لله انت حليت لي المشكلة بس عندي شوية استفسارات لو مفيهاش ازعاج لحضرتك:-

1- انا عايش في قطر واخويا طلب مني انزلة عربية ماتريكس موديل 2005 او 2006 لمصر. طبعا انا هاشتري العربية من اي حد هنا في قطر (طب اشتريها بأسمي انا ولا اشتريها باسم المعوق اللي هايستلمها في مصر مباشرة ؟)
2- بعد الشراء، اية الاجراءات المتبعة حتي تصل السيارة للمعاق في مصر؟
3- هل بيندفع ليها جمارك او اي شئ من هذا القبيل؟

في انتظار الرد....

**ahmed1981** · 27-10-2008 09:24 PM

المشاركة الأصلية كتبت بواسطة toteman

يا استاذ احمد بص انا ابن عمتى راح وعمل كل ده ماشى بس الجواب جالو بنسبة الأعاقه 75% ماشى بس هو المشكله فى عينو عينو اليمين مش بيشوف بيها غير طشاش وهو مش بيلبس نظاره بس عينو الشمال 6/6 ماشى فا هو لما راح يجيب الجواب لقهم هيعملولو كش تانى على عنيه بالنظاره لو عدى هيروح يستلم عربيه فا احان شم عارفين نعمل ايه هو راح وحدد معاد انو يكشف بالنظاره يوم الحد اللى جاى اللى هو 2/11 وبردو عمل نظاره وبردو مش بيشوف بيها اوووووووى هو يعمل اييييييه والعربيه ديه هتفرق معه اووووووى وشكرا يا حوبى على الموضوع الجميل ده

موضوع الكشف مثل إمتحان ثانوية عامة
محدش يعرف يتدخل فيه
حاول تعمل نظارة كويسة عشان تنجح في الكشف
وربنا يكرمك ويوفقك

**ahmed1981** · 27-10-2008 09:29 PM

المشاركة الأصلية كتبت بواسطة Mido80

1- انا عايش في قطر واخويا طلب مني انزلة عربية ماتريكس موديل 2005 او 2006 لمصر. طبعا انا هاشتري العربية من اي حد هنا في قطر (طب اشتريها بأسمي انا ولا اشتريها باسم المعوق اللي هايستلمها في مصر مباشرة ؟)
2- بعد الشراء، اية الاجراءات المتبعة حتي تصل السيارة للمعاق في مصر؟
3- هل بيندفع ليها جمارك او اي شئ من هذا القبيل؟.

* تشتري السيارة في قطر بإسمك
* وتشحنها لمصر تصدير بإسم أخوك عادي جداً
* هتدفع ثمن الشحن فقط
* أخوك هيستلم السيارة من مصر (هي واصلة مصر بإسمه طبعاً)
* وسيقوم بالتخليص عادي جداً كما وضحت فوق في الخطوات في بداية الموضوع

**mohamed_88sk** · 06-11-2008 07:26 PM

ألف شكر لحضرتك فعلا

أصل انا بفكر أنزل أوبترا يوزد من الكويت والدي يبعتها ,,
ونشوف معاق هنا ندخلها بإسمه وناخد عليه وصل امانه ..
أيه راي حضرتك؟

وأيه اللازم عشان نبعتها لهنا؟ ايه اللي بيحصل
لنفترض ان والدي اشتراها ايه اللي يحصل بعد كده .. زوهل لازم يكون صاحبها في الكويت معاق لاقدر الله عشان يعرف يشحنها لمعاق هنا؟.

**shanodaa** · 06-11-2008 10:20 PM

المشاركة الأصلية كتبت بواسطة mohamed_88sk

ألف شكر لحضرتك فعلا

أصل انا بفكر أنزل أوبترا يوزد من الكويت والدي يبعتها ,,
ونشوف معاق هنا ندخلها بإسمه وناخد عليه وصل امانه ..
أيه راي حضرتك؟

وأيه اللازم عشان نبعتها لهنا؟ ايه اللي بيحصل
لنفترض ان والدي اشتراها ايه اللي يحصل بعد كده .. زوهل لازم يكون صاحبها في الكويت معاق لاقدر الله عشان يعرف يشحنها لمعاق هنا؟.

لا طبعا مش لازم صاحبها يكون معاق

**mohamed_88sk** · 06-11-2008 11:28 PM

ألف شكر يا أستاذ شنوده ,,

طيب معلش سؤال تاني ,, هي لازم تتشحن ؟؟ ماينفعش أني انا مثلا أنزل بيها جمرك وأدخل بيها مصر (لسه بأسمنا يعني) وبعدين كأنه هو عاوز يشتريها مني وأنقلها بأسمها معاقين ؟؟ ولا لازم تتشحن من بلدها عليه بأسمه؟

**ahmed1981** · 07-11-2008 12:20 AM

المشاركة الأصلية كتبت بواسطة mohamed_88sk

وأيه اللازم عشان نبعتها لهنا؟ ايه اللي بيحصل.

ولا حاجة
بتشحنها لمصر بإسم المعاق الذي ستشتريها عن طريقه

المشاركة الأصلية كتبت بواسطة mohamed_88sk

لنفترض ان والدي اشتراها ايه اللي يحصل بعد كده ..
هل لازم يكون صاحبها في الكويت معاق لاقدر الله عشان يعرف يشحنها لمعاق هنا
؟.

هيشتريها بإسمه
ويقوم بشحنها لمصر بإسم المعاق
وصاحبها في الكويت ليس له أدنى علاقة

الخلاصة أن يتم شحنها لمصر بإسم المعاق
ثم يتم إتباع الإجراءات في أول الموضوع

المشاركة الأصلية كتبت بواسطة mohamed_88sk

هي لازم تتشحن ؟؟ ماينفعش أني انا مثلا أنزل بيها جمرك وأدخل بيها مصر (لسه بأسمنا يعني) وبعدين كأنه هو عاوز يشتريها مني وأنقلها بأسمها معاقين ؟؟ ولا لازم تتشحن من بلدها عليه بأسمه؟

منطقيا ممكن
لكن لازم تسأل الأول كويس بدل ما تنزل بيها وبعدين تضطر ترجعها تاني

الموضوع: شراء سيارة معاقين من بور سعيد أو إستيرادها من الخارج خطوة خطوة (للسادة المعاقين)

LinkBack

أدوات الموضوع

عرض

شراء سيارة معاقين من بور سعيد أو إستيرادها من الخارج خطوة خطوة (للسادة المعاقين) - انشر الموضوع فى :

-

-

-

-

-

-

-

-

المواضيع المتشابهه

بالتفصيل والصور: كيف تقوي نور الفوانيس الامامية وتركب كتاوت خطوة خطوة (جميع السيارات)

شراء شاهين 1400 زيرو من معرض شيرين موتورز بشارع صلاح سالم خطوة خطوة

فك وتنظيف الردياتير وتغيير المبرد - خطوة خطوة بالصور

فك وتنظيف حساس الماب (الأير-ماس) خطوة خطوة - بالصور

خطوة خطوة بالصور : تغيير وحدة صوت النيو سيراتو سي دي بوحدة 6 اسطوانات

الكلمات الدلالية لهذا الموضوع

المفضلات

المفضلات

ضوابط المشاركة