يا شباب ورجالة مازدا

**MAHMOUD MOHAMD** · 13-04-2014 03:37 AM

المشاركة الأصلية كتبت بواسطة medokassem

اكشف علي العربيه اللي معاك حلو مفيش عربيه ماشيه 60 الف وتكون رشه كلها معادا السقف
وتمنها واقع اوي بالنسبه لعربيه 2009 o_o خصوصا السوق رافع اليومين دول اوي
قطع الغيار في الحنين وبقي في تنوع فيها من اول الصيني وانتا طالع لحد اليباني

شكرا لحضرتك انا كشفت على العربيه فى القاهره مره وفى الزقازيق
والحمد لله كويسه جدا
تانى حاجه انا اخدت من صاحبة العربيه دفتر الصيانات وهيا عامله اخر صيانه وهيا المالك الاول

وبالنسبه للرش الخارجى من كلامها العربيه كانت متجرحه وواحد صاحب جوزها هوا اللى خلاهم يروشوها برا ماعدا السقف قال نضافه

بالنسبه للسعر فا والله انا مش كان معايا فى الوقت دا غير المبلغ دا وققولتلهم كدا لان بصراحه مش كان فارق معايا اوى

بس على فكره ناس تقولى غاليه وناس تقولى كتير
بس للصراحه واحد كلمنى انو يشتريها منى ب 80 بس انا مش عاوز ابيعها العربيه جميله اوى
كل اللى مخوفنى الكلام اللى بيتقال على قطع غيارها

**MAHMOUD MOHAMD** · 13-04-2014 03:40 AM

اه واللى جابلى العربيه دى واحد صاحبى اوى بيتاجر فى العربيات ولما وافقوا على السعر قاللى لو مش عاجباك
اخدها

وبجد والله انا معرفش اصلا سعرها فى السوق ايه انا ركبت لانسر بومه 6 سنين وبعدها النترا 2007 ودول اللى ممكن اعرف اسعارهم

**Motaser** · 18-04-2014 08:58 PM

السعر فالتمام هي مظلومه فاسعارها علشان ملعاش سوق مصري و فئه شبابيه فقط و غير عمليه فالشوارع بتاعتنا و مصاريفها كتيير

**Motaser** · 18-04-2014 09:01 PM

سيبك من حكايه فبريكه دي اهم حاجه ان العربيه مش معيوبه يعني شاسيه او نصين او مكنه بايظه او عفشه لاكن رشه بره دا عادي جدا فمصر

**tito32** · 06-05-2014 03:39 PM

المشاركة الأصلية كتبت بواسطة mahmoud mohamd

الله يبارك فيك
العربيه اوتوماتيك بس وفيها 2airbag abs cd changer original وفيها حاجات تانيه بس بصراحه لسه مش استكشفت فيها
بس الرخم انها مفيهاش كشافات شبوره ولو حد يعرف سعرها ياريت

مشكلتى انى مش عارف انبسط بالعربيه ودا مش لعيب فيها بس دا لانى اضطريت ابيع الالنترا لظروف

وبصراحه المازدا تتفوق على الالنترا فى حاجات كتير
اللى مزعلنى برده قله تفاعل اعضاء القسم اللى خلانى اعرف ليه ناس كتير قالولى كنت جبت النترا تانى
انا معنديش مشكله فى البيع لان ليا صاحبى تاجر عربيات بيجبلى اسعار اكتر من اللى دفعتها كفايه انه فى زنقتى باعللى الالنترا بمكسب ومستغلش الظروف وهوا برده اللى قاللى خد العربيه دى

ياريت بس حد يدينى فكره عن اسعار قطع الغيار المستهلكه والصيانات المطلوبه

ربنا يديك خرها ويكفيك شرها وشر عيون الناس
اخبار الثبات بتاع العربيه ايه

ممكن تنزل وتسال على قطع الغيار بنفسك وانت كنت راكب بومه والنترا وانت هتعرف بنفسك اذا كانت غاليه ولا كويسه
يعنى مثلا المساعدين الامامين بكام ل للنسر والمازدا والنتر وشوف

**matawfeek** · 07-05-2014 01:02 PM

يا جماعة انا محتاج نصيحة و مساعدة مستعجلة
المفروض انى كنت رايح دلوقتى اتفرج على مازدا 3 ايرو 2007 رشة برة كله و مغيرة الكبوت فى التوكيل و محتاجة حاليا كوبلين و فى كسر فى الصدر نتيجة لخبطة صغيرة هو سايبها عشان اشوفها بنفسى و بيقوللى الصدر كله بيتغير و مافيش مشكلة
و ماشية 135 الف كيلو

هو كان طالب 85 و قاللى من الاخر 78 الف جنيه

انا كنت رايح اكشف دلوقتى و ادفع عربون كمان بس فى حاجتين خوفونى حاليا
اولا ان حضرتك بتقول عربيتك ب 75 و ماشية 60 الف بس و مافيهاش المصاريف دى

ثانيا انى سألت على الكوبلين لقيته فى سمارت كار ب 3000 جنيه الواحد ده غير ان الصدر ب 1100 مثلا مش ب 300 زى ما صاحبها قاللى
و انا كنت فاهم ان سعرها 85 و لما اخدها ب 78 تبقى لقطة

انا محتاج مساعدتكم جداااااااا و ياريت اللى يشوف الرسالة دى يكلمنى على طول على 01004794446 او 01205048024
الله يخليكم بسرعة و يا ريت الاستاذ محمود محمد يكلمنى عشان هايفدنى كتير و اى حد معاه مازدا يا جماعة يكلمنى بعد اذنكوا عشان انا اول مرة اشترى عربية فى حياتى و ماسوقتش غير عربية والدى رحمة الله عليه الهوندا السيفيك 1997 و بيعتها من ايام و بشترى حاليا

ارجو المساعدة لأنى مش هابقى على الكمبيوتر و رايح دلوقتى اتفرج على العربية و اى مكالمة هاتفرق معايا جدا
تعاطفكوا لوحده مش كفاية :(

سلام عليكم

مهندس محمد توفيق

**matawfeek** · 07-05-2014 04:02 PM

يا جماعة انا روحت شوفت العربية و لقيت فيها الاتى
هى مبدأيا واضح انها كانت اخدة خبطة محترمة من قدام فى النص بالظبط بس الراجل بيأكدلى ان كل اللى رفعوا العربية و شافوها قالوا ان الشاسيه ماتأثرش
بس اللى اتأث اولا الصدر البلاستيك عاوز يتغير
ثانيا و ده الاهم العارضة الحديد او الصلب اللى تحت الصدر و اللى المفروض قبل الصدر مخبوطة و داخلة لجوة جامد و دى لا تتعدل بزرجينة لا تتفك و تتغير برده بس دى بقى بتترش

الكابوت فى تطبيقة و فى فرق جامد بينه و بين الرفرفين
بخلاف كل ده كان زمان بعد ما اشتراها زيرو الكابوت اتفتح و هو ماشى فغير الازاز الامامى و الكابوت و رش اول عشرين سم من السقف الجزء اللى قبل فتحة السقف
و فتحة السقف مش شغالة
و محتاجة كوبلن
و طبعا الاكصدامات عاوزة تترش و حتت بسيطة فى الجناب

الايجابيات بقى انه شاريلها شوية حاجات عشان كان ناوى يصلحها
شارى 2 فانوس جداد لسة ماركبوش
و شارى 2 قواعد بلاستيك ابيض اللى بيركب عليهم الاكصدام الامامى
و شارى الكارتيرة اللى تحت الموتور و اللى برده بيتثبت عليها الاكصدام الامامى
و شارى اربع كارتيرات اللى فوق الكاوتش

و مطلوب نهائى 77500 ايه رأيكوا؟