بعض المشاكل للوجان خوفتنى منها جدا

**ahadelba** · 09-04-2014 10:41 PM

اولا : مشكلة الطبلة بتاعت الشنطة اتكسرت و عشان اجيب واحده جديده لقتها ب 850 جنية برقم الشاسية بتيجى و ده سعر اهبل
ثانيا: دراع الكلاكس فجاه لقيت الكلاكس فصل رحت التوكيل صلحوه و قالى لو باظ تانى هنضطر نغيره و ده بكام يا عم الحاج ب 1200 جنيه
ثالثا : مشكلة البوابة الى بيتكلموا عليها دى كمان كارثه انا عربيتى عاملة 50000 كيلو يعنى العيب ده قرب يظهر و التوكيل بيغير البوابه كلها ب 2000 جنيه
رابعا : الفتيس الى تقل على الاول و التانى كل يوم الصبح لما اتحرك بيها بيكون الاول و التانى تقال جدا فى النقلات
خامسا : و دى اجدد حاجه فى نتشه على التانى لما بكون ماشى سلنسيه و ابدا ادوس للعربيه بنزين عشان اجرى بلاقى نتشه غريبه و الموضوع ده بيتكرر لما بكون على غيار مش مناسب للسرعه بتاعة العربيه تقعد العربيه تنتش لغاية لما اوصل لسرعة الغيار تتظبط
قولولى بعد كل ده ابيعها و اسمع كلام اخويا الى قالى من الاول هات لانوس ولا فيرنا حتى لو فيها عيوب قطع غيرها مرطرطه و كل فاهم فيها

افيدونى جزاكم الله خير انا المفروض هرخص العربيه فى شهر 7 و قلقت منها و بقول ابيعها ولا ايه

**mk3** · 09-04-2014 11:41 PM

معلش ايه هى الطبله اللى برقم الشاسيه دى

**mrmohamedragab** · 09-04-2014 11:45 PM

بخصوص النتشة كانت عندى و لما غيرت البوجيهات راحت مع انى كنت مركبهم فى التوكيل بس كانوا رابطينها غلط
بالنسبه للباقى لسه مقابلتنيش حاجه من دى لحد دالوقتى

**ahadelba** · 09-04-2014 11:52 PM

انا كل صيانات العربية فى التوكيل لغاية دلوقتى و البوجيهات مركبها فى التوكيل برضه بس خايف من العيوب دى كلها تندمنى على انى اشتريت العربية

**ahadelba** · 09-04-2014 11:55 PM

طبلة الشنطة الكالون بتاع الشنطة

**adel_edrees** · 10-04-2014 12:21 AM

مشكلة طبلة الشنطة كان في لقى لها حل هنا في المنتدى راجع الموضوعات القديمة
الكلاكس المفتاح عليه حمل جامد جدا نور و كلاكس و العيب ده كان موجود في البيجو بتاعة زمان و ده خطأ في التصميم و كلنا مقرين به
البوابة ممكن لو ظهرت عندك المشكلة دى بتروح لأى مركز خدمة معتمد مش التوكيل وبتقوللهم نضفوا لى الببوابة كويس وشوف حساس الأيدل لو كان عايز يتغير غيره ده له معدل أستخدام مركز خدمة معتمد فرنش موتورز
التقل بتاع الفتيس ممكن يكون زيت الفتيس عايز يتغير
النتشة ممكن البوجيهات تتفك وتتنضف وتركب تانى
حتبيع عربية علشان مشاكل أستخدام عادية جدا ؟ وبعدين ما كلنا كنا عارفين أنها عربية مش كتير بيشتغلوا فيها أن قطع غيارها غالية

**ahadelba** · 11-04-2014 01:54 AM

شكرا على اهتمامك يا استاذ عادل

**adel_edrees** · 11-04-2014 08:41 AM

المهم ماتشكرنيش لا شكر على واجب و أنا هنا بنساعد بعض لأن في جزء كبير مننا لما بيتعرض لمشاكل قطع الغيار و غلو تمنها و أ حيانا ندرتها بيقوللى ياريتنى كنت جبت فيرنا أو لانوس لكن بصراحة ربنا نرجع نقول اللوجان حاجة و الفيرنا و اللانوس حاجة تانية خالص
أنا لما حد بيقابلنى و يقوللى أيه رايك في العربية دى و قطع غيارها أخبارها أيه بحس أن كل اللى مقلقه من ناحية العربية هو الموضوع ده بالذات المهم
قوللى عملت أيه و حتعمل أيه ياريت حضرتك توضح لنا أيه الحلول لو حضرتك كنت حليت المشاكل دى