استفسار لخبراء الزيوت ؟؟؟؟؟؟؟

**adelabdo** · 10-04-2014 03:27 AM

انا عربيتى نيسان صنى 2011 اوتوماتيك وعاملة 22 الف كم وكنت باحط زيت موبيل 1 لكن اخر مرة فى صيانة ال20 الف حطيط موبيل xhp . وانا عاوز اغيره فلقيت فى نوع من الزيوت المستوردة مكتوب عليه- 5w 30 وواحد تانى مكتوب عليه 5w- 40 فعايز أعرف هل فيه فرق جامد بينهم ؟ ملحوظة باقى المواصفات تقريبا" زى بعض

**adelabdo** · 10-04-2014 10:27 PM

أيه يا جماعة هو السؤال صعب أوى كــده ؟؟؟؟؟!!!!!!!!!!!!!!

**gadoo30** · 11-04-2014 09:15 AM

5w40

**K.Ossama** · 11-04-2014 09:54 AM

الفرق فى درجة اللزوجة
المهم الإختيار يبقى مبنى على اللى مكتوب فى كتالوج العربية. راجع الكتالوج وشوف اللزوجة الصحيحة المطلوبة

**adelabdo** · 14-04-2014 12:36 AM

المشاركة الأصلية كتبت بواسطة k.ossama

الفرق فى درجة اللزوجة
المهم الإختيار يبقى مبنى على اللى مكتوب فى كتالوج العربية. راجع الكتالوج وشوف اللزوجة الصحيحة المطلوبة

شكرا" لأهتمامك وساراجع الكتالوج .

**أحمد عثمان** · 16-04-2014 02:24 PM

شوف يا باشا,
من الآخر كده هات ال 5w40 لأنه أفضل من ال5w30 أفضل في إيه؟؟؟؟
أفضل في اللزوجة في درجات الحرارة العالية , لأن ال40 أو ال30 هو مقياس لزوجة الزيت في درجات الحرارة العالية , مثل الحرارة في مصر.
و حتى لو لقيت في كاتالوج السيارة إنه بيطلب زيت 5w30 فمفيش مشكلة إنك تحط زيت أعلى في المواصفات لأن دي حيحافظ على الموتور في درجات الحرارة العالية.
أتمنى أكون ساعدتك.

**K.Ossama** · 16-04-2014 05:56 PM

المشاركة الأصلية كتبت بواسطة أحمد عثمان

شوف يا باشا,
من الآخر كده هات ال 5w40 لأنه أفضل من ال5w30 أفضل في إيه؟؟؟؟
أفضل في اللزوجة في درجات الحرارة العالية , لأن ال40 أو ال30 هو مقياس لزوجة الزيت في درجات الحرارة العالية , مثل الحرارة في مصر.
و حتى لو لقيت في كاتالوج السيارة إنه بيطلب زيت 5w30 فمفيش مشكلة إنك تحط زيت أعلى في المواصفات لأن دي حيحافظ على الموتور في درجات الحرارة العالية.
أتمنى أكون ساعدتك.

هو ال40 مش أعلى فى المواصفات، هو أكثر لزوجة. وده ممكن يبقى مضر مش مفيد على حسب متطلبات الموتور.
عموماً اى موتور ليه كذا إختيار من المصنع على حسب درجات الحرارة الخارجية وخاصة الصغرى

**borio1704** · 16-04-2014 09:12 PM

زي ما قالك د. خالد... التزم بالمكتوب في الكتالوج وبالذات في موضوع اللزوجة

وعموما... اللزوجة لما تبقى أعلى بتديك حماية أكتر لأجزاء الموتور... بس أداء الموتور ممكن يكون أقل شوية واستهلاك البنزين يعلى حبتين علشان اللزوجة العالية بتعمل مقاومة داخلية.

في جميع الأحوال.. ما تحطش زيت له لزوجة مختلفة عن اللزوجة المسموح بيها في الكتالوج.

يعني لو الكتالوج بيقول حط زيت 5w-30 أو 10w-30 أو 20w-50 فتقول مثلا إن زيت 5w-50 يمشي علشان مذكورة في الكتالوج...

لا.. ما ينفعش.. التزم باللزوجة زي ما هي مكتوبة بالضبط

بالنسبة للمواصفات التانية وبالذات كود الAPI .. فمفيش مانع إنك تحط زيت كوده أعلى... لإن الكود بيعبر عن مدى تطور الزيت.

على فكرة.. كود الAPI اللي مكتوب في كتالوج عربيتك هو كود أسوأ نوع زيت ممكن تحطه في الموتور

لو عايز معلومات أكتر.. ادخل على ااموضوع ده
http://www.nilemotors.net/Nile/341680-a.html

...