الموضوع: تقرير سفر بالفلوانس فيس ليفت

سلام عليكم

بما ان دي اول مرة اسافر بالعربية مسافة كبيرة فطبعا كنت مركز مع كل حاجة تقريبا

العربية ماشي بيها طريق اسكندرية القاهرة على سرعة 120كم -السخنة الجديد 150كم- و طريق الغردقة 180 كم (كلهم بتشغيل مثبت السرعة) و كنا 3 عربيات و تقريبا كنا ماشيين بسرعات متقاربة جدا مع بعض
1- فلوانس فيس ليفت 2014 (4 افراد +شنطهم)
2- فلوانس 2012 (4 افراد + شنطهم)
3- نيسان قشقاي 2014 (فردين + شنطهم)

نبدا بالثبات:
الثبات على ال3 سرعات اكثر من رائع بكل ما تعنيه الكلمة و طبعا في منحنيات كتيرة في طريق الغردقة كنت باخدها 140 ولا في اي حاجة العربية مكلبشة في الارض حرفيا !

ال3 عربيات هنا تقريبا كلنا كنا حاسين بنفس الثبات و الغريب ان القشقاي كمان كان بياخد معانا المنحنيات بنفس السرعة و كان ثابت مع انها cross over !

استهلاك البنزين:
طبعا استهلاك اسكندرية القاهرة هو الافضل بمعدل تقريبي 12.2km/L اما بقى السرعات التانية كانت سيئة بمعدل تقريبي 9كم/L و اعتقد مش وحش اوي بالنسبة للحرق اللي بيتم

الفلوينس2012 كان استهلاكها مع السرعات العالية 8كم/L
القشقاي كان تقريبي 9كم/لتر يعني زي الفيس ليفت

التسارع:
التسارع تحت 130 معقول جدا لو ضغطت شوية عليها و اتبعت الطريقة -الغريبة شويتين- الخاصة بالCVT لكن من بعد130 بيبقى طبعا اقل لكن مجمله معقول جدا

الفلوينس2012 هي افضل في الجزء ده بصراحة الى حد ما لكن مش بفارق ضخم
القشقاي اسوا تسارع ممكن اكون قابلته لدرجة ان اللي سايقها كان مبيصدق يجيب 160 و يحاول يتفادي اي حاجة عشان ميفرملش لأنه على ما يلحقنا تاني بنكون سافرنا تقريبا :D

المجمل ان في رأيي الفلوينس فيس ليفت عملت خليط رائع بين متطلبات السيارة العائلية مع ملاحظتي ان مش اي حد ممكن يتعود بسهولة على الموتور CVT و الى الان لازلت افضل الموتور السرعات.

المشاركة الأصلية كتبت بواسطة amroelras

تقصد ايه يا باشا بكلمه لو اتعودت علي الطريقه الغريبه في السحب

طبيعة سواقة ال cvt مختلفة شوية عن السرعات العادي يعني مثلا بتحتاج انك تشيل رجلك و تحطها تاني عشان توصل لسرعة اعلى بوقت اقصر و عدد لفات موتور اقل

المشاركة الأصلية كتبت بواسطة hany saad

عديت ال 3000 كم الأولانيين و لا لسه؟
علشان الأداء بيفرق جداً بعدهم و كمان هل كان فيه هوا جامد فى وشك على الطريق؟

الحاجة التانية بالنسبة للقشقاى هى نفس خلطة الفلوانس فيس ليفت كموتور و فتيس و لكن طبعاً علشان حجمها و مقاومة الهوا العالية ليها فالأداء بيختلف جامد

أستمتع يا كبير

تحياتى

هاني باشا ,, طبعا انا حاليا وصلت 5900كم عايز لسة اروح اعمل صيانة ال5000كم ان شاء الله

هو اكيد كان في هوا جامد بس مش عارف كان في اتجاهي او عكسه لكن الملاحظات دي حسيتها سواء طريق الذهاب او العودة

المشاركة الأصلية كتبت بواسطة s o p h o s

تقرير جميل
ربنا يبارك

تسلم ربنا يخليك