الموضوع: بحس ان فى زى ضرضره وانا بطلع على الاولنى

المشاركة الأصلية كتبت بواسطة abanobsamy

تقريبا ده ادق تحليل لانى النهارده بطلع بيه بطلع عادى جداااا ومفيش اى مشاكل وفى نص اليوم ممكن تعماله خمس ست مرات وحاسس انها من الفتيس حاسس ان فيه سنة بوش اروح للمكانيكى يقولى زى الفل مهيه تمام لمه العيب يظهر تعالى ايه الحل

مش عايزين نستبعد الدبرياج من الموضوع لان لو في نص اليوم زي ما بتقول يبقى معنى كدة الاسطوانة بتسخن ودى تعمل الرجة في الطلعة اللى بتقول عليها
عشان تتأكد من الموضوع ده هتعمل حاجتين ، هتمشى في طرق سالكة لفترة طويلة والمفروض العيب ما يظهرش معاك في اي طلعة طالما ما بقتش تستعمل الدبرياج كتير
او بنفس نمط الطرق بتاعتك هتقلل استخدام الدبرياج بدرجة كبيرة يعنى في الزحمة تمشى ع الاولانى سلانسيه وتسيب وتزود بالبنزين بس واول ما الدنيا تقف تمور على طول وهكذا
المفروض برضه لو المشكلة من الدبرياج تحس بتحسن كبير وعامة ده افضل طريقة لسواقة المانيوال اريح لرجلك وللعربية ، عيبها لو حد راكب معاك ممكن يصدع خصوصا لو رجلك تقيلة على البنزين في الدوسة والتخفيف والعربية بتنتش منك

المكانيكى ظبطة الكهربا وبقت تمام الضرضره ديه او الرجه هو بيقول نقص بنزين فى الطلعه يعنى بسيب دبرياج فقط وانا اقتنعت بكلموا

هو الميكانيكى قصده يعنى ان ده عيب سواقة وانك بترفع رجلك من ع الدبرياج بسرعة لحد ما السلانسيه ينزل والعربية ترعش في الطلعة
عامة انت ادرى باللى عندك بس انت بتقول ان العربية بتبقى كويسة في اول اليوم

انا كان معايا اونو بمجرد متسيب دبرياج فقط العربيه بتجرى انما فى الفلشيا لزم اظلط رجاليه ومن الواضح انى رجليه بتوجعنى فمش بظبط الطلعه ف بتجرجر احساس مش عارف