الموضوع: موضوع خاص بمشكلة نقص الزيت فى الفلوانس ii.....موضوع مفتوح و متجدد حتى أنتهاء المشكلة

المشاركة الأصلية كتبت بواسطة yasser100

محمد بيه كلامك على عينى وراسى بس انا من الناس اللى مش باحب تعديل فى العربيه بعد ما تنزل من المصنع , همه لو كانوا شايفين انه التعديل ده هايمشى مع مواصفات العربيه و ثباتها من الاول كانوا عملوه زى ما كان فى التيوتا الموديل اللى قبله كان عالى بس ثبات ضعيف , انا شوفت فعلا واحده متعده عند معرض القرش لسه امبارح الفئه تقريبا اللى ب 195 و هو حتى ورانى التعديل و باين قوى ورا , برضه باقول كل العربيات الجديده فيها تكنولوجيا و بتكون على حسابات حاجات تانيه , اه ارتفاع العربيه ده تكنولوجيا لانه مش عارف يوصل لثبات و فى نفس الوقت تكون مرتفعه نسبيا برغم عوامل الثبات اللى نازله معاها , همه يعنى لما عملوا الموديل اللى قبل ده عالى كانوا عاملينه كده مخصوص لمصر ؟ و لا كان نفس المقاس فى كل الدول ؟

استاذ ياسر ، حضرتك مركزتش في الكلام اللي انا قلته.
العربية بتنزل نسختين نسخة اوروبية بارتفاع ١٢.٥ سم و نسخة اسيوية بارتفاع ١٥ سم من المصنع من يوم مقالو يا تويوتا ٢٠١٤ يعني ده التصميم و مجرب بيه الثبات فوق الممتاز بتجربة الناس.
يعني من اول يوم نزلت فيه الكورولا في اسيا و الخليج نازلة عالية ١٥ سم هما مخترعوش و لا لفقو و لا اي كلام له علاقة بالثبات ، العربية ثابتة جدا قبل و بعد التعديل بشهادة كذا واحد امتلكو الاتنين المعدلة و غير المعدلة.
العربية متعدلتش بعد مخرجت من المصنع، العربية بتطلع من المصنع ب ١٥ سم اللي هيتعدل عربيات طلعت من المصنع في فترة معينة من ٨/٢٠١٤ الي ١٢/٢٠١٤ فقط.
حضرتك بتقول لو كانو شايفين انه التعديل ده هايمشي مع مواصفات العربية و ثباتها من الاول كانو عملوه طب مهما عاملينة من ساعة منزلت العربية في النسخة الاسيوية و العربية مجربة و ثابتة وزي الفل ، و في فيديو في روسيا النسخة ال ١٥ سم ممكن اوريه لحضرتك واحد عمال يجيب العربية بسرعة عالية يمين و شمال باقصي سرعة و العربية ثابتة ثبات الافيال ولا الهوا.
العربيات بيبقي فيها كذا نسخة و كل نسخة ممكن تفرق عن التانية في المواصفات و الارتفاع عادي بس في حدود المسموح بما لا يضر الثبات.
حضرتك بتقول

, اه ارتفاع العربيه ده تكنولوجيا لانه مش عارف يوصل لثبات و فى نفس الوقت تكون مرتفعه نسبيا برغم عوامل الثبات اللى نازله معاها.
كلام حضرتك احترمه و اقدره و لكنه غير مبني علي التجربة و هو فقط كلام افتراضي ، اللي يقدر يفصلنا في الموضوع ده حد جرب العربيتين قبل و بعد و ده حصل بالفعل زميل كان معاه قبل التعديل و باعها عشان بتحك و لما نزلو الدفعات الجديدة معدلة اشتراها تاني و عمل تقرير عن الثبات.
وواحد تاني ما شاء الله شاري عربيتين واحد معدلة و التانية مش معدلة و قال نفس الكلام.
انا بدعو حضرتك تشرفنا في مقابلة قسم تويوتا تجرب العربيتين و تقولنا رأيك في الثبات هل فعلا في فرق و لا لأ عشان يبقي حضرتك جربت بنفسك و حاجة عملية علي ارض الواقع و نبقي كمان تشرفنا بمعرفة حضرتك و ده اهم مكسب ليا و مش مهم العربيات المهم الشخصيات اللي بنتعرف عليها عن طريقها.

المشاركة الأصلية كتبت بواسطة تامر.محمد

ممكن لأن ظروف التشغيل القياسية عندهم في اوروبا او في الاسواق الموجهة ليها عربياتهم مش بيبان فيها العيب ده بصورة فجة زي عندنا
ممكن في دول مش حر زي هنا , ممكن مش زحمة زي هنا

للأسف يا تامر بيه بيحصل بنفس المستوى فى كل حته فى العالم و حصل أستدعاءات بالملايين فى الصين و أستراليا و كذا دولة....فى أستراليا عمل حادثة موت و موت قائدة السيارة لما هنج فى مخرج طريق سريع و اللى وراها لبس فيها....

أعتقد كم الأستثمارات اللى أتحطت فيه و أنه قرار أستراتيجى للشركة من مدة طويلة تزامناً مع المواتير ال tsi يجعل من الصعب عليهم التخلى عن هذا المشروع بسهولة....

تحياتى

المشاركة الأصلية كتبت بواسطة yasser100

محمد بيه انا يحصلى الشرف انه اتعرف على حضرتك و كل الشخصيات المحترمه فى قسمك :) , يعنى غلطة الوكيل فى انه نزل version مش مناسب لنا , لا ياخدها كلها على بعضها و يغيرها و لا يعدل فيها هنا , معليش مع احترامى الكامل لكلام حضرتك طبعا , الارتفاع اللى بينزل الخليج هو نفس الارتفاع لاوروبا , هاينزلها لهم مرتفعه ليه ؟ ده طرقهم احسن من طرق اوروبا , ده احنا نفسنا بنخاف نشترى الخليجى لارتفاعه المنخفض و على فكره مع كامل احترامى لمعلومات حضرتك و باقولها كامل احترامى :) ما فيش حاجه عند تصميم العربيه اسمها يصممها بارتفاعين , هو ارتفاع واحد استاندر و استاندر مع بقية مواصفات العربيه اللى منها بيدخل معامل النسيابيه مع تيارات الهوا مع ارتفاع العربيه ووزنها , لكن عايزه يعليها لك و ماله طالما هاتبيع كويس .
عايز اديلك مثل بسيط , الاوكتافيا اللى بتنزل مصر هيه نفس الارتفاع بتاع اوروبا استاندر و ثابته لا معموله علشان مصر بس او للخليج بس , برضه كذلك البيجو و الرينو حتى فى المواصفات اللى مكتوبه فى مواقعهم و فى البروشور بتاعهم مش كاتبين ارتفاعين :) و لا حتى فى الكورولا كاتبين ارتفاعين او انه فيه اكتر من نسخه عكس مواصفات المواتير اللى بيكون مكتوب اكتر من سعه .
شاكر لك سعة صدرك بس الامر كله انا مش باخص الكورولا بحاجه , انا باقول بس انه فيه مشاكل فى كذا ماركه ما فيش حاجه كامله

ياسر باشا , الارتفاع اللى بينزل الخليج مش هو نفس الارتفاع لاوروبا , و في حاجه اسمها تصميم العربيه بارتفاعين عادي جدا .
ردي بأختصار لان مش ده المكان المناسب لنناقش , هذا الموضوع يتلخص في صورتين وفيديو.

الصورتين واحدة قايسها بنفسي لعربيتي النسخة المصرية 12.5 سم والعلبة الصفيح دي 13 سم بالضبط يعني الارتفاع من اوطي نقطة 12.5 سم و صورة لواحد روسي بيقيس العربية من نفس المكان و هو ده الارتفاع الجديد من اوطي نقطة 15 سم عشان اثبت لحضرتك صحة كلامي انها بتنزل برة كدة من زمان :





وده الفيديو بيبين ارتفاع الكورولا و حضرتك عينيك دقيقة جدا تقدر تميز دي اللي بتنزل مصر ب 12.5 ولا 15 سم , بيتهيألي اني بكدة اثبت مما لا يدع اي مجال للشك لحضرتك كلامي انها بتنزل في اسيا عالية عن مصر واوروبا و ان في كذا نسخة , ولو حضرتك عندك اي اختلاف في وجهات النظر انا احترمها جدا بس الاثبات العملي هو الاقرب للحقيقة ولو عند حضرتك مايثبت عكس ذلك هبقي سعيد جدا لو شاركتني انا و الزملاء بيه .

[youtube]https://www.youtube.com/watch?v=X2aOpQ2EZW0&feature=youtu.be[/youtube]

المشاركة الأصلية كتبت بواسطة mostafa magdy

اللي حصل العبد لله راح التوكيل الصبح .. إستلموا العربيه و أدوني عربيه فلوينس قديمه ..
" إحنا في توكيل رينو بناخد منك الفلوينس الجديده .. و نديك بدالها فلوينس قديمه .. و ده قمه الإعجاز العملي "
كان معايا المحترم و المبجل بدوي باشا .. و أيمن حنفي العزيز علي قلبي هناك ..
و قالولي اللي هيحصل إن هنتابع عربيتك مع رينو فرنسا .. و اللي هتقول عليه هنعمله عشان نحافظ علي حقك و حقنا ..
و هم كشفوا و بعتوا لهم في المرتين اللي فاتوا .. و حللوا العادم و ملاقوش حاجه .. و هيضطروا يفكوا بقا و يستكشفوا بس ربنا يكرم و ميكونوش هيفكوا حاجه في الموتور ..
قالولي الموضوع ممكن ياخد في حيز الإسبوع ..
و شكرا لكل واحد وقف معايا أو تعاطف حتي .. نقف معاكوا في الأفراح أكماحه .. تحياتي

طيب الحمد لله انه مش صباع كفته :):)
المهم ايه اخبار الاسبويلر....مش مشكلة العربية المهم الاسبويلر :):)
ان شاء الله تتحل المشكلة نهائى و تستلم على خير
و خد ديه من اخوك هانى: انت هتستلم ان شاء على خير و كله هيبقى لوز العنب....عايزك بقى و علشان المشكلة دى تطلب يمدولك الضمان على الموتور فقط ل 100 الف كيلو غير محددة المدة و يتكتب الكلام ده بوضوح فى الكتالوج و يتختم جنبه eim
و متنساش تدعى لأخوك هانى
تحياتى