الموضوع: تعالوا نتعلم مع بعض إزاى نسوق العربيات ال cvt

المشاركة الأصلية كتبت بواسطة hany saad

* مميزاته:
- نسب التعشيق اللانهائية و ده بيطلع أحسن عزم للموتور عند النسبة المظبوطة
- الموتور مستريح و مش دايماً بيلف عند أقصى طاقة له (ممكن توضيح لهذة النقطة يا هندسة )
- توفير جيد للبنزين
- نقلات فى منتهى السلاسة






نيجى بقى للأهم....نسوق إزاى؟

لما حضرتك بتدوس جامد على بدال البنزين....الموتور بيستجيب لحظياً و بيعلى صوته و عدد لفاته.....مشكلة الفتيس ال cvt أنه معندوش تروس ثابتة و لكنه بيحدد نسب تعشيقه على حسب دوستك و هنا تكمن مشكلة التأخير
طول ما أنت بتكبس طول ما هو بيغير بأستمرار لغاية لما يعرف قيمة العزم اللى أنت عايزه و ده اللى بيخليه يتأخر فى التقدير و التسارع....
يبقى الحل أن حضرتك تكبس و تثبت رجلك لحظياً....كده بتديله فرصة أنه يفهم بسرعة الموقف و يظبط نفسة و هتلاقى الموتور هدى و لفاته ارتاحت... و بعدين تكبس تانى يقوم يظبط نفسه تانى بناء على الكبسة الجديدة

يعنى بالبلدى بدل لما تنزل بدال البنزين للأخر فى كبسة واحدة و هنا الموتور هيعلى معاك دون أستجابة سريعة من الفتيس....لأ أكبس على مراحل علشان الفتيس يقدر يتابع معاك مراحل التسارع و تلاقى أستجابته أسرع و زمن تحضيره أقل مع طبعاً صوت موتور أهدى

يعنى بدل ما تخليه ينقل من الأول للسادس فى نفس واحد بفرض أنهم 6 نقلات (و هذا غير حقيقى و لكنه مثال فقط) و تخليه يتأخر لغاية لما يعدى على ال6 نقلات ورا بعض....لأ خليه يطلع للنقلة التالتة الأول عن طريق أول كبسة و بعدين منها للسادس عن طريق تانى كبسة
بكده هتلاقى صوت الموتور أنعم....عدد اللفات أقل.....أستجابة أسرع بكتير للفتيس

أرجو أنى أكون قدرت أوضح فكرتى

تحياتى للجميع

تحياتى لك يا هندسة ... ولكن بخصوص نقطة تأخير استجابة الفتيس عند الضغط المفاجئ على دواسة التسارع حضرتك تقول أن هذا بسبب عدم وجود نقلات محددة للفتيس ولكن من الممكن تواجد كنترول ذكى يستوعب سرعة السيارة ومقدار التخفيض المناسب لمدى سرعة ومشوار دواسة التسارع المعبرة عن رغبة القائد فى جو معين من التسارع وبناءاُ عليه يحدد نسبة التخفيض المناسبة ليس لهذه الضغطة فقط ولكن تزامناً مع سرعة السيارة أيضاً

أنا لا أعتقد أن الفتيس يعمل بمثل هذا الوصف بالضبط ولو صح فهو فتيس غبى وأداؤه كارثى فى المواقف الصعبة فأى سائق إذا ضاق عليه الطريق عند تخطى سيارة أمامه من السيارة المقابلة تجده يضغط دواسة التسارع بأقصى سرعة ولن تستطيع التحكم فى أعصابك للضغط عليها مرة ثم تنظر ومرة أخرى وتنتظر وتلبس فى المقابل
سمعت كثيراً عن موضوع النقلات اللا نهائية للفتيس وأنا لم أكلف نفسى حتى الآن عناء البحث لمعرفة نظام عمل الفتيس .... ولكن إذا كان الأمر مقتصراً على البكرتين والسيرين هذا ليس معناه أن النقل لا نهائى فالبكرتين لهما قطران محددان وبالتالى نسب التخفيض محددة وليست نهائية !!

فبناءاً على هذا الكلام الفتيس له نسب تخفيض مختلفة مثله مثل فتيس التروس الأوتو العادى ولكن فكرة النقل مختلفة لا أكثر ولا أقل ونظام العمل فى الأساس واحد بين العضو القائد والمنقاد فى كل صناديق التروس

وهذا الكلام أيضاً أثار انتباهى :
يعنى بدل ما تخليه ينقل من الأول للسادس فى نفس واحد بفرض أنهم 6 نقلات (و هذا غير حقيقى و لكنه مثال فقط) و تخليه يتأخر لغاية لما يعدى على ال6 نقلات ورا بعض....لأ خليه يطلع للنقلة التالتة الأول عن طريق أول كبسة و بعدين منها للسادس عن طريق تانى كبسة
بكده هتلاقى صوت الموتور أنعم....عدد اللفات أقل.....أستجابة أسرع بكتير للفتيس

فلنفرض مثلاً أن الفتيس له 6 نقلات أو 6 نسب تخفيض للسرعات الأمامية

هل معنى كلام حضرتك أنك لو على سرعة 40كم/س على الغيار الثالث وقمت بالضغط الفجائى لآخر مشوار دواسة التسارع سيقوم الفتيس بالصعود إلى النقلة السادسة !
علمياً كلام خاطئ ....الطبيعى أنه يقوم بالنزول إلى النقلة الأقل ليحقق لك تسارع أفضل أى الغيار الثالث أى تتغير نسب أقطار البكر مع السير كى تعطى نسبة الغيار الثانى وليس السادس مثل ما يحدث فى الفتيس ذو النقلات الترسية العادى

فما بالك لو كنت على سرعة 10 كم وقام الفتيس بالنقل إلى السادس !
كلام حضرتك يدل على تأخر استجابة الفتيس وفهمه الخاطئ لما تريد ولا أعتقد أبداً أن هذا الكلام هو طريقة عمل الفتيس

لأن معروف أنك إذا أردت تسارع يجب التغيير لنسبة تخفيض أعلى أى نقلة أقل وليس العكس بغض النظر عن نوع الفتيس
وكما قلت سابقاً تغيير النقلات فى السيارات الحديثة متناسب ليس فقط مع الضغط على دواسة البنزين ولكن أيضاً مع سرعة السيارة

فلنفرض انك واقف تماما وقمت بالضغط الفجائى على دواسة البنزين وأخذ الفتيس وضع النقلة السادسة من المفترض أن محرك السيارة سيبطل عمله أو تتحرك ببطء شديد السلحفاة أو تقف مكانها ! ولن يفرك العجل على الأرض هل فى الواقع يحدث هذا ؟ أعتقد لا طبعاً

أما موضوع التأخير فى الاستجابة قد يرجع لسببين لا ثالث لهم ... إما إمكانيات وحدة التحكم فى الفتيس محدودة وهذا احتمال بعيد ...... أو نظام الفتيس الميكانيكى مدة استجابته للوحدة الإلكترونية طويلة نسبياً مقارنة بالفتيس الأوتو العادى
وأتوقع ذلك التأخير بسبب أن هذا الفتيس لا يتحمل العزوم العالية والتعشيق المفاجئ من نقلة أعلى إلى نقلة أقل لأن ذلك قد يؤثر على السير نفسه ويؤدى إلرى زحلقته أو قطعه
مثلاً ... إذا كنت تسير بهدوء على الغيار الخامس على سرعة 60 كم س وقمت بالضغط المفاجئ فيقوم الفتيس بتغيير نسبة التخفيض جزئياً على مراحل حتى يصل إلى النسبة التى تريدها وتجد السيارة تنتقل
هذه هى وجهة نظرى فقط تخمين لا اكثر ولا أقل لأنى سمعت أن هذا الفتيس غير مصمم الأداء العالى وقد يحدث انزلاق للسير عند العزوم العالية

تحليل مشوق جدا
متابع