الموضوع: تعالوا نتعلم مع بعض إزاى نسوق العربيات ال cvt

المشاركة الأصلية كتبت بواسطة mfraig

رغم ان شرح استاذ هاني رائع ومفيد بس حاسس انه خوف الناس اكتر من الفيتيس ده وحسسهم انه محتاج كاتالوج عشان اسوق العربيه
في حين اللانسر بومه من 2006 الناس بتسوقها ومبسوطه بيها جدا وفي ناس ولاكانت تعرف حتى ان فيتيس عربيتها cvt مع ان كمان المفروض اداؤه اقل من الجيل التاني extronic

فعلا لانسر بالفيتيس cvt استجابة التسارع بتتاخر.
بعد الضغط على دواسة الوقود بيعلي rpm وصوت الموتور لحظيا ولكنها تستجيب بعد لحظات وتنطلق وتشعر بالسحبة وبعد ذلك بينزل rpm ويهدا الموتور.

لكن الصراحة في المواقف الصعبة لم أشعر بتتاخر الاستجابة.

أتوبيس على يميني كسر عليا فجأة وكنت في أقصى اليسار وامامي حاجز على سرعة 120 ولما ضغطت على البنزين استجابت السيارة لحظيا وخرجت قبل الحاجز.. اعتقد اني وصلت إلى 140 أو 150 في ثواني.

تقرير رائع يا بشمهندس، بس ليا سؤال لحضرتك: انا الفتيس عندي cvt لما بقف بالعربيه وانقل من d او r الي p وانا ضاغط فرامل اول ماشيل رجلي من علي الفرامل بسمع صوت تكه خفيفه في الفتيس والعربيه بتتحرك حركه خفيفه قدام وورا.. الموضوع ده ساعات يحصل وساعات لا، فهل ده طبيعي؟

موضوع هايل , و شرح جميل ...
و هنا بقى نرجع و نقول , ان افضل و اسرع و احسن استجابة اللسواقين اللي بيعشقوا قمة التحكم في عربياتهم , هي عن طريق الـ Manual لأنها بتعتمد على تقديرك انت و احساسك انت بالعربية .. لكن للأسف مش كل الناس بتحبها و في عربيات كتير جدا جديدة لغيت المانوال خالص من موديلاتها الجديدة ! :(

المشاركة الأصلية كتبت بواسطة osamafayez

تقرير رائع يا بشمهندس، بس ليا سؤال لحضرتك: انا الفتيس عندي cvt لما بقف بالعربيه وانقل من d او r الي p وانا ضاغط فرامل اول ماشيل رجلي من علي الفرامل بسمع صوت تكه خفيفه في الفتيس والعربيه بتتحرك حركه خفيفه قدام وورا.. الموضوع ده ساعات يحصل وساعات لا، فهل ده طبيعي؟

ال p وضع تعشيق للوقوف ما تجيبوش الا و الفرامل شغالة و الا بتخلي الضغط كله على ترس صغير بيعشق العربية للوقوف
لو الارض مايلة اوي ممكن تحصل مشكلة عندك في الفتيس
الصح تقف و تجيب n تشد الهاند بريك للاخر و بعد كده تخطف لل p
عشان اللي يبقى موقف العربية هو الفرامل الخلفية مش الفتيس و مايبقاش في اي حمل عليه و العربية واقفة او مايلة لقدام او ورا

موضوع جميييييل ومفيد..تسلم ايدك