توكيل عز العرب يبيع سياره جديده وهي في الاصل عامله حادث ومرشوشه كمان

**dedi** · 14-04-2014 11:09 AM

اللة يكون فى عونك ربنا ينتقم من كل من شارك فى هذة المهزلة
حاجة فعلا تخوف الناس من شراء سيارة زيرو يعنى وانت رايح تشترى لازم يكون معك ميكانيكى
طبعا و اضح انة جهاز حماية المستهلك طالة ماطال وظايف كتير دة رئيس الجهاز كان اول شئ استدعى الموظف وحقق معة فى انة عاوز يخفس حقك
طيب سؤال هو ازاى القضاء لم ينصفك ولية لم ياخذ بتقرير الكلية هو موش الناس التى عملتة ناس متخصصة و مفروض انها جهة محايدة ولو ينفع ترفع قضية تانية فى دائرة تانية
كدة فعلا الواحد عرف انة لية الوكلاء بيقولو للمستهلك اضرب راسك فى الحيط ذى غبور العامل سيارات مصدية و غيرة

**Abo Yasso** · 14-04-2014 11:12 AM

المشاركة الأصلية كتبت بواسطة speed demon666

انا رأيي من رأي الأستاذ ah-elgendy متسيبهومش لأن ده حقك و انت بتدفع دم قلبك في عربية تريحك مش تطلع مرشوشه ... و بوجهلك نفس العتاب بتاعه

و عندي رأيي تاني إبعت للشركة الأم كل التقارير اللي معاك و إعمل برباجندا جامدة ليهم لأن الأجانب بيخافو على السمعة أكتر من أي حاجة .... إوعى تسيب حقك و تحسبن و خلاص و إلا هيعملوها مع كتيير بعدك

+1111111111111

**A_H_M_A_D** · 14-04-2014 11:24 AM

انا كنت بعمل شوية سمكره على البارد عند واحد في مدينة نصر بيقولي انا كل معارض مدينة نصر بتتعامل معايا , قلتله عربيات مستعمله يعني قالي لأ عربيات زيرو بتجيله يسمكرها و يرشها وترجع تاني تتباع زيرو لا من شاف و لا من دري

**Ramez_Fibo** · 14-04-2014 11:30 AM

خلاصة الكلام و ليس بعده اي كلام

انا كان ليا موقف طويل مع جهاز حماية المستهلك

اولا : اسمه المفروض يكون جهاز حماية الحراميه

ثانيا : هو بيجذبك ليه علشان يضمن انه كل الأمور و الخيوط بقت من خلاله و ف ايده ثم يطيح بكل حقوقك في اقرب قالب زباله

ثالثا : هذا الجهاز هو سبب بلوة مصر في السلع المضروبه و المغشوشه

رابعا : ريحة الشاي بالياسميين في الجهاز ده تكفي ان المهندسين كلها بل القاهرة كلها تكون ريحتها ياسمين

خامسا لو مصر محتاجه تعمل ثورة و تسقط نظام فاسد فيكفي ان تقوم بثورة ضد هذا الجهاز وتسقطه لينصلح حال مصر

**Zing0** · 14-04-2014 11:47 AM

بعيداً عن أى شعارات مشابهه

البلطجه هى الحل (فى حالتك دى بس)
القضاء الشا...خ و جهاز حلاقة المستهلك و لا ليهم أى ثلاتين لازمه
معاك ورق , تخاطب بيه الشركة الأم من خلال الأيميلات و إن شاء الله يقفلوا التوكيل

**mostafa magdy** · 14-04-2014 02:56 PM

لو قلت رأيي هتوقف سنه .. !!
لا حول ولا قوه إلا بالله .. حسبي الله و نعم الوكيل ..

**hagagatc** · 14-04-2014 08:00 PM

المشاركة الأصلية كتبت بواسطة ah-elgendy

لأ حول ولا قوه الا بالله ربنا ينصرك عليهم ان شاء الله وكل واحد شارك فى الجريمه ديه يصرف اضعاف اضعاف الفلوس عليه وع عياله فى مرض ميعرفش هو ايه بس انت متسكتش وابعت للشركه الام وكلمهم وخد راء محامى فى رفع قضيه ع التوكيل واطلب تعويض وحاول توصل مشكلتك للبرامج ع الراديو والتليفزيون بس اللى بلومك عليه ازاى تستلم عربيه زيرو وعدادها عامل 340 كيلو

يا جماعه المضوع انا كاتب انه منقول بس حبيت انقله للافاده والتحزير ويريت الي يرد يقول ربنا يعوض عليه مش يعوض عليا وجزاكم الله كل خير