طلب نصيحة من الاخر

**emadelmahdy** · 14-04-2014 03:24 PM

الله يخليكم نازل اشترى مروحة الريداتير وبيض لادا 2107 موديل 2009 وكنت عايز اروح فين وبكام السعر ودى اول مرة اغيرهم عايز اجيب حاجة شبه الاصل البيض عشان ابدديت اسمع طقطق من اقدام والميكانيكى قالى اعمل حسابك فى بيض ورحت اربط عفشة قلت منها برضوة نفس الصوت اقلت اروح اشحمهم نفس الكلام لا جديد مش عارف المهم قررت انزل اشترى

**emadelmahdy** · 14-04-2014 04:11 PM

ياريت حد يرد علية عشان نازل انهاردة ادور فى شارع رمسيس والتوفيقية ياريت حد يقولى عشان ادور على النوع والسعر على طول

**emadelmahdy** · 14-04-2014 04:49 PM

اين انتم يا اصحاب الخبرة

**abokoko** · 14-04-2014 05:04 PM

البيض القسم مليان موضوعات عنه
وهو نوعين
نوع له مشاحم
ونوع من غير مشاحم
فيما بعد هتلاقى كلام مفصل
المهم - اننى ممن يفضل النوع اللى من غير مشاحم -
هيكون اغلى - واقل فى العمر الاغتراضى
هات البلغارى اللى فى علبه صفراء
وهيكون من غير مشاحم ومكتوب على العلب علوى وسفلى 2 و2
طبعا لو لقيت الاربعه سفلى يبقي ممتازين - بس صعب يبوظ الطقم -
المهم انهم يكون نوعين سفلي وعلوى
وهيقعدوا باذن الله 3 سنوات كمتوسط عمر
بس انعم واحسن من باقى البيض

المروحة مفيش عندى معلومه
غير انها ممكن تتبدل بمروحة الشاهين بتكون اعلى فى الاداء
خلي بالك من
طبعا قطر المروحة علشان القفص

**emadelmahdy** · 14-04-2014 05:15 PM

تمام السعر بيكون كام العلبة الصفراء واعرف ازاى انه بلغارى والروسى اخبارة اية فى البيض

**محمود سيد محمو** · 15-04-2014 11:26 AM

انزل المركز الروسى فى التوفيقية
وبالنسبة للاسعار اتصل بيهم واسألهم
تليفون 25766680

وعندك كمان محل جلال اللى فى الكيت كات ناس محترمة جدا وبيخافوا ربنا واسعارهم م الاخر
تليفون 01223633336

**abokoko** · 15-04-2014 04:29 PM

http://www.nilemotors.net/Nile/415797-a.html

جايز يكون الكلام صح

**hassanin_lada** · 18-04-2014 03:35 AM

كله كويس ياباشا البلغاري الروسي التركي

بس ناس كتير بتفضل التركي علي اساسا جوته كويسه بالنسبه لسعره و زي مازكر العضو الكريم يتغير كل حوالي 3 سنين والطقم علو وسفلي لو عاوز سفلي بس مافيش مشاكل

لان اساسا البيض اللي بيملص السفلي بس لان الحمل 70% عليه
وناس كتير من الصنيعية اللي فاهمة المعلموة دي بيخليك تغير السفلي بس للامان (بس طبعا بيبقي في طقطقه في العلوي)

انا عن نفسي بخلي السفلي يتغير كل 3 سنين ام العلوي كل 6 يعني مره ومره
وطبعا دي حاجه ترجع ليك

**abokoko** · 18-04-2014 04:21 PM

عن نفسي
لادا مصري 2007

البيض الاساسي - روسي بمشاحم
غيرته فى 2010 تقريبا
بنوع بولندى بدون مشاحم
وغيرت البولندى بالخطأ لانى سمعت كلام عفشجى افتى بان النوع ده مضروب ومش كويس
وتبعته وعند التغيير لقينا البيض سليم وحالته كويسه - بس كنا فكينا - فغيرت بالجديد
ورقم 3 كان البلغارى وبدون مشاحم ايضا فى علبه صفراء ب185 تقريبا
وغيرته على سبيل تفادى الاحتمالات والتجربه لتلاشي تكه - وغيرت معاها حاجات لتجديد العفشة -عموما غيرته على سنتان ونصف وكان كويس فى فى بدايه خفيفه لبوش فى احدى البيضات السفليه - لكن مكنش ابدا سبب التكه
حاليا اللى راكب نوع - كورى - وبدون مشاحم ب260 بكرر ب260 جنيه ولو اتكرر الامر مش هجيبه ابدا علشان سعره بس هو الى الان شغال وكويس

ملاحظه
الناس بتتكلم على البيض
هو فعلا مهم - لكن -
العفشه مرتبطه ببعضها والعفشه بيض ومقصات وميزان وجلب وووو
عفشه ال لادا قطع كتير ومرتبطه ببعض
وكلها لاتحتمل التطنيش

**k123456789m** · 25-04-2014 10:25 PM

الاخ الفاضل
أحسن بيض مقصات للادا هو البلغارى أبو علبة صفراء وهو بسعر حوالى 230 جنيها وكما قال الاخ السابق 2 علوى و2 سفلى بطبة لمنع ملص البيض 00 أما عن موضوع المروخة وعن تجربة يتم تركيب مروخة الشاهين دايركت مع الماتور مع تركيب طمبورة فطر صغير لزيادة عدد لفات المروحةوامام الريدياتر وبين الشبكة الامامية يتم تركيب مروحة كهرباء صغيرة بترموستات على الريدياتر فى أعلى درجات الحرارة وغند وصول الامبير لدرجة 90 تشتغل أتوماتيك وذلك كعامل مساعد