الموضوع: الفلوينس الشكل القديم و الفيس ليفت ( تقرير مصور )

السلام عليكم .. أهل رينو و فلوينس و المنتدي الجميل
تحياتي لكم جميعا ..
بعد ما التوكيل خد مني الفلوينس الفيس ليفت و أداني بدالها الفلوينس الشكل القديم .. و ده قمه الإغجاز العلمي ..
قلت أعمل مقارنه بين الأتنين و أكون بكده ببص لنص الكوبايه المليان ..

أولا الشكل الخارجي :

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

التغيير اللي حصل في النسخه الجديده يتمثل في المقدمه .. الإكصدام الأمامي كله أتغير .. بقي أكثر جائبيه ..
بإضاءات نهاريه بتدي العربيه طابع مميز ..
شكل علامه رينو الكبيره في المقدمه .. بيديها طبيعه خجوميه ..
الحليه الامعه حول علامه رينو في النسخه الجديده تحفه فنيه ..
شكل الشبكه الأماميه .. أروع ..

الحليه الامعه دي و الشبكه - للأمانه - تبان أكتر و تبقي اشيك في الألوان الفاتحه زي صوره ال Offwhite اللي فوق و في الفضي .. و البرونزي و السماوي ..

الجنوط كمان شكلها إتغير في النسخه الجديده .. بقي عصري أكتر .. و لايق علي التغييرات اللي حصلت ..
شكل العربيه من الخلف .. لا تغيير .. و في رأيي كان محتاج تعديل .. بحيث يلائم شكل العربيه من قدام ..
و إن كان الإسبويلر الخلفي بيظبط شكلها تماما .. وواضح في صوره مرفقه .. و في تقرير مفصل لتركيب سبويلر خلفي في اللون الموكا و الفضي و الأويستر جراي

[IMG][/IMG]

الشكل الداخلي :

[IMG][/IMG]

[IMG][/IMG]

[IMG][/IMG]

[IMG][/IMG]


[IMG][/IMG]
[IMG][/IMG]

هنبدأ بأول دخول للعربيتين ..
في العاديه .. بيني و بينكم عربيه عاديه ..
الفيس ليفت أول ما تفتح كده و التابلوه ينور .. و العدادات الديجتال هتحس إن نفسك مفتوحه علي السواقه ..
الحته البلاك بيانو اللي في التابلوه الجديد .. عامله شغل عالي ..
الحليات اللامعه برده علي فتحات التكييف وهميه ..
..
ده كله حضرتك فتحت الباب .. و بتبص ..
هنبدأ ندخل بقا و نقعد علي الكراسي ..
الكرسي أريح بكتير .. في الشكل الجديد .. التطريز الجلد في الشكل الجديد .. وهمي مقارنه بالقديم .. الخياطه ال Offwhite بالخيط في الجلد الأسود رائعه .. حتي تطريز عجله القياده و يد الفتيس .. ما شاء الله في الجديده تحفه ..
قعدت و إستريحت و إستمخيت في الكرسي ..
هنبدأ ندور بقا .. العربيه .. الصوت في الفيس ليفت .. عالي أوي في أول كام ثانيه مقارنه بالجديده .. نظرا لإختلاف الموتور .. و السير الجنزير في الجديده مقارنه بالسير الكاوتش في القديمه ..
بعد كده الصوت بيبقي هادي في الإتنين .. بس لسه برده في القديمه أهدي ..

هنشغل بقا الكاسيت و نخلي الناس تتبسط
الsound System الجديد ال 3D ولا أروع ! حقيقي محترم مقارنه بالقديم .. اللي هو مش سئ
بس إختلاف جذري و نوعي و كمي في الجديده .. و عشان تعمله لوحده كده معتقدش هيكلفك اقل من 4 الالاف و مش هيكون بنفس الجوده دي ..
ال Multi-function قي القجيمه أحلي بكتييييييييييييييييييير منها في الجديده .. يعني في الجديده مثلا مفيش زرار OKI .. القديمه فيها ..
بتقلب في موبايل من ال Multi في القديمه .. الجديده لأ مفيش تقليب ولا بتاع !
بس مع إحترامي .. مش مشكله قصاد ال Sound System المرعب ده .. و الأعضاء الكرام هيلاقوا له حل إنش اء الله بالتواصل مع ARKYEMS المصنعه للكاسيت
القديمه مفيهاش مكان لل USB ! شكل الكاسيت كله متغير.. في الجديد .. و أنا في رأيي الشخصي الكاسيت الجديد جميل و سعيد

خلاص 30 ثانيه فاتوا .. هنبتدي نتحرك بقا بالعربيه الوقتي .. حتي حركه يد الفتيس في الجديده أنعم و أسلس بكتير .. .. مسكه اليد نفسها حتي أجمل من القديمه نظرا لوجود طبقه ملساء لامعه عليه بيخلي مسكته أحسن بكتير ..
جبنا علي ال D و بدأنا .. لو حضرتك راكب الشكل القديم هتحس ببطئ شديد في التحرك الأول ..
لو راكب الشكل الجديد .. بطئ نسبي .. أو حتي مش موجود .. طلعه عاديه يعني بالنسبه لكل الأوروبي ..
الفتيس الجديد طبعا مختلف تماما عن القديم .. مش عارف القديم كان إيه بصراحه .. بس الجديد اللي هو ال CVT ناعم أوي أوي أوي في النقلات .. مش بتحس بحاجه
مقارنه بنتشه باينه أوي في الشكل القديم ..
الفتيس الجديد محتاج تعامل خاص .. و إلا هتلاقي نفسك بتعلي بال Rpm إلي 4000 لفه بسهوله أوي .. و الموتور يبدأ يعلي بصوته أوي .. علو مستفز الصراحه ..
القديمه .. صوتها أخف .. بس برده في نعره كده في صوت الموتور .. لما تعمل Kick Down

الجو هتلاقيه حر أوي ..
نشغل التكييف بقا ..
المفروض إن الجديد بمكبس ياباني مطور من نيسان .. زيه زي الفتيس و الموتور ..
اللي حسيته أنا شخصيا .. التكييف القديم جامد جدا .. و كان ظابط الأداء مفيش أي مشاكل فيه الكلام ده في درجه حراره 35 .. و كنت ظبطه علي 18 إلي 20 و الحياه كانت بمبي بمبي بمبي ..
الجديد التكييف فيها 100 100 برده .. بس مش عارف ليه لوهله كده حسيت إن القديم أحسن !
صوت تزييق رهيب بيحصل و إنت سايق الشكليين القديم و الجديد .. و ده اللي مجنني .. مش عارف ده سوء تقفيل ولا في إيه ..
ال Interior Materials البلاستيك زي المقابل في الأبواب سيئه للغايه في الإتنين ..
التزييق أكتر في القديمه .. بس حتي نكون منصفين .. العربيه الفيس ليفت معايا عامله 7000 الشكل القديم اللي معايا عامل 40000 !
و حضرتك ماشي بالعربيه .. و تحب تشد بيها .. الجديده أجمل بكتييييير في الشد و الغرز .. و أنعم كعفشه يعني .. الجديده أثبت بفرق مش قليل !
العربيتين أصلا مش بتوع شد و جذب نهائي .. عايزين سواقه متزنه ..

أماكن التخزين هي هي .. الإختلافات في رأيي جوهريه .. الموتور و الإكصدام و الجنوط و الفتيس .. و النظام الصوتي .. و باقي الفروق اللي عرضناها ..
أسف للإطاله بس حبيت أفيد ..
و أتمني أكون أفدت ..
تحياتي لكم جميعا ..