الشكل مهم فى الزواج لدرجة ايه؟

**Bassem Youssef** · 20-04-2014 05:59 AM

مستويات الجمال و الاخلاق انخفضت الي ادني حد في المحروسه

و اللي يغيظك الطلبات العجيبه اللي بتتطلب و كأنك رايح تخطب كيم كارداشيان

نصيحه اخويه لو عايز تتجوز اتجوز بره البلد دي عشان تعيش مرتاح

هذا رأيي الذي يحتمل الصواب و الخطأ

**hitman235** · 20-04-2014 08:49 AM

المشاركة الأصلية كتبت بواسطة shiko85

انا عايز افهم انت بتعمل فنفسك كده ليه ؟؟؟
ايه اللى يغصبك او يجبرك على حاجه انت مش عايزها ؟؟؟
لو انت هتشترى عربيه مش هترضى بأى حاجه رغم انك ممكن تبيع العربيه فأى وقت فأزاى توافق على خطوبه او جواز وانت مش مقتنع 100% بيها ؟؟!!

تفتكر انى ما سألتش الى فى سنى على الموضوع ده بس انت عارف المثل الشائع امشى فى جنازه ولا تمشيش فى جوازه ثانيا محدش فاضى لحد و انا اصدقائى اساسا قليلين شوية

**M R. Z E C O** · 20-04-2014 10:00 AM

نصيحة مني متدورش على عروسه الا لما تشوقها انته ..حلاوة الجواز لما تشوف وحده عجبتك وتروح تطلب ايدها .....مش تبقى مجبر عليها

**hitman235** · 20-04-2014 10:42 AM

المشاركة الأصلية كتبت بواسطة zeco

نصيحة مني متدورش على عروسه الا لما تشوقها انته ..حلاوة الجواز لما تشوف وحده عجبتك وتروح تطلب ايدها .....مش تبقى مجبر عليها

كلامك صح بس التطبيق مش سهل انت هتشوف بنات فين لو انت شغال بره مصر و اجازتك قصيره ممكن ما تصدفش يحصل فيها فرح ولا حاجه ثانيا انا اكتشفت ان البنات الى شكلها مقبول مش بتقعد يعنى بتتخطب من ثانوى او اول سنه كليه و الباقى الى بيستنى لحد التخرج 90% منه بيبقى دون المستوى ...

**Ahmed_Rahem** · 20-04-2014 11:28 AM

المشاركة الأصلية كتبت بواسطة ahmedsamir235

كلامك صح بس التطبيق مش سهل انت هتشوف بنات فين لو انت شغال بره مصر و اجازتك قصيره ممكن ما تصدفش يحصل فيها فرح ولا حاجه ثانيا انا اكتشفت ان البنات الى شكلها مقبول مش بتقعد يعنى بتتخطب من ثانوى او اول سنه كليه و الباقى الى بيستنى لحد التخرج 90% منه بيبقى دون المستوى ...

وجة نظر وللأسف خاطئه تماماً، الجواز قسمة ونصيب فعلاً، انت ممكن تقعد تدور سنين وتتجوز فى يوم وممكن تحب سنين وتتجوز وتطلق. لو انت بتدور على الشكل فقط (بعد الدين) الجوازة هتفشل من الاول، الهدف من الجواز انشاء اسرة مستقرة، علشان كدة المتدينة بتكون افضل - مش شرط ملكة جمال.
ونقطة تانية الجمال نسبى. اعرف واحد مراتة بمقياس كل المعازيم كانت وحشة (عارف الكومبارس لما بيحبوا يطلعوا واحدة وحشة! متفرقش عنهم حاجة) ومع ذلك فى نظرة جميلة وكانت على خلق عالى وشايلاة وعيلتة فوق راسها وكلهم بيحبوها. بيقى الجمال نسبى مش مطلق ومتركزش علية جداً، لو اتقدمت لواحدة اسأل نفسك هتعرف تستحملها واسألها هتعرف تستحملك، لو أة دور على اية جميل فيها واكيد هتلاقى.
وربنا يرزقك بالزوجة الصالحة

**hitman235** · 05-05-2014 11:05 AM

المشاركة الأصلية كتبت بواسطة blazer

هو حضرتك بتشتغل فين؟؟
ما ممكن تدور فى البلد الى انت شغال فيها
ممكن تلاقى سوريات او اردنيات و بيبقوا ستات بيوت 100% و فيهم حلوين كتيير

انا كنت فى قطر و دلوقتى فى السعودية
و السعودية زى ما انت عارف هههه
ثانيا اغلب المغتربات بيبقوا جايين مع ازواجهم مافيش سناجل

**hitman235** · 05-05-2014 12:15 PM

ملخص حوار يومى مع النفس

الجواز حظ و قسمه و نصيب و رزق
بس برضه انا ليا حريه الاختيارليه ارضى بواحده مش ماليه عينى او حتى اقل منى انا شخصيا فى الشكل الى انا الراجل مش هقولك هقارنها ببنات تانيين ؟!!!
ليه ارضى بواحده تفكيرها وثقافتها دون المستوى...
ليه ارضى بواحده مستواها الاجتماعى منخفض او اهلها مش راقيين ...
ممكن تكون مع كل الى فوق طيبه و شخصيتها حلوه و مرحه و متفاهمه ( بس اكيد فى شخصيها عيوب برضه لأن مافيش حد كامل) بس لا مستوى اجتماعى مناسب و لا تعليم ولا شكل سوبر... مع كل ده تفتكر لو هتكمل هتكون مستريح؟...
طيب ايه الى يجبرك
انك مش مظبط حد او تعرف حد و مالكش قرايب مناسبين و مسافر بره مصر و كون انك تلاقى بنت تقبل تسافر معاك يبقى المفروض تحمد ربنا حتى لو مافيهاش ولا صفه من الصفات الى انت عايزها.....
طيب هل انا طالب المستحيل و مواصفات مش موجوده فى حد ..
.لأ انا شوفت حوالى 25 بنت 5 بس عجبنى شكلهم و ماعجبنيش باقى الصفات فيهم كتعليم و شخصيه ( هتقولى بتحكم على الشكل هقولك ده اول انطباع بيجيلك و يا تكمل ما تفركش و انا بفركش ) طيب هل ده طبيعى اعتقد لأ لأنك لو اخدت عينه عشوائيه فيها 25 بنت ماشيه فى الشارع هتلاقى فيهم على الاقل 10 كويسين احسن من الى اتعرضوا عليا كلهم..
طيب ايه البديل
البديل انك تشيل موضوع الجواز من دماغك ....

طيب لما تحس انك مجبر يا تاخد حاجه مش عجباك يا ما تخدش خالص ايه يكون احساسك
حاله قرف عامه و عصبيه شديده ويأس و اكتئاب و رغبه فى الطفشان من الدنيا
طيب ما تستنى و تصبر يمكن تلاقى الى انت بتدور عليه
كل ما بتكبر فى السن اختيارتك بتقل الى هى اصلا قليله ....
طيب ما تفكك من الشكل الشكل مش بيدوم و تاخد الطيبه الى تستحملك ........
. طيب هى هتستحملنى لكن انا لو مش قابل شكلها او تفكيرها سطحى او اهلها مش راقيين انا هستحملها ازاى ...
انت مكبر و الموضوع و مدقق فى تفاصيل و محدش بيتجوز بيعمل زيك كده ...
انا من اسره متوسطه و محدش ساعدنى بمليم و تعبت و اتبهدلت فى الغربه علشان احسن من مستوايا الاجتماعى و افر تمن الشقة التمليك و العربيه و الفرش و الفرح و باقى الهجص المطلوب فمن حقى ادقق فى الى هتيجى تعيش مستريحه على الجاهز...
طيب ما كل الشباب بيتعبوا علشان يوفروا الحاجات الى انت بتقول عليها دى و محدش بيشتكى زيك...
مشكلتى مش انى تعبت فى الحوارات دى مشكتلى تعبت قبل ما الاقى الى اتعب علشانه و بعد ما انتهى مارثون توفير مستلزمات المعيشه بقت مشكلتى انى الاقى الى يستاهل التعب ده ....
طيب ما تنزل مصر نهائى و تدور براحتك يمكن فرصك تزيد ...
مبحبش اعيش فى العصر الحجرى و الميه و الكهربا مقطوعين اغلب اليوم ....

بس بلدك ليها حق عليك و واجب عليك تستحملها شوية ايه يعنى الميه و الكهربا تقطع
بلدى خدت حقها ناشف بزياده بسنه من الخدمه العسكرية اشتعلت فيها كمهندس لحساب الجيش بدون مقابل
مالهاش فوق كده الا الجزمة القديمة

**prof2013** · 05-05-2014 11:06 PM

المشاركة الأصلية كتبت بواسطة ahmedsamir235

ملخص حوار يومى مع النفس

الجواز حظ و قسمه و نصيب و رزق
بس برضه انا ليا حريه الاختيارليه ارضى بواحده مش ماليه عينى او حتى اقل منى انا شخصيا فى الشكل الى انا الراجل مش هقولك هقارنها ببنات تانيين ؟!!!
ليه ارضى بواحده تفكيرها وثقافتها دون المستوى...
ليه ارضى بواحده مستواها الاجتماعى منخفض او اهلها مش راقيين ...
ممكن تكون مع كل الى فوق طيبه و شخصيتها حلوه و مرحه و متفاهمه ( بس اكيد فى شخصيها عيوب برضه لأن مافيش حد كامل) بس لا مستوى اجتماعى مناسب و لا تعليم ولا شكل سوبر... مع كل ده تفتكر لو هتكمل هتكون مستريح؟...
طيب ايه الى يجبرك
انك مش مظبط حد او تعرف حد و مالكش قرايب مناسبين و مسافر بره مصر و كون انك تلاقى بنت تقبل تسافر معاك يبقى المفروض تحمد ربنا حتى لو مافيهاش ولا صفه من الصفات الى انت عايزها.....
طيب هل انا طالب المستحيل و مواصفات مش موجوده فى حد ..
.لأ انا شوفت حوالى 25 بنت 5 بس عجبنى شكلهم و ماعجبنيش باقى الصفات فيهم كتعليم و شخصيه ( هتقولى بتحكم على الشكل هقولك ده اول انطباع بيجيلك و يا تكمل ما تفركش و انا بفركش ) طيب هل ده طبيعى اعتقد لأ لأنك لو اخدت عينه عشوائيه فيها 25 بنت ماشيه فى الشارع هتلاقى فيهم على الاقل 10 كويسين احسن من الى اتعرضوا عليا كلهم..
طيب ايه البديل
البديل انك تشيل موضوع الجواز من دماغك ....

طيب لما تحس انك مجبر يا تاخد حاجه مش عجباك يا ما تخدش خالص ايه يكون احساسك
حاله قرف عامه و عصبيه شديده ويأس و اكتئاب و رغبه فى الطفشان من الدنيا
طيب ما تستنى و تصبر يمكن تلاقى الى انت بتدور عليه
كل ما بتكبر فى السن اختيارتك بتقل الى هى اصلا قليله ....
طيب ما تفكك من الشكل الشكل مش بيدوم و تاخد الطيبه الى تستحملك ........
. طيب هى هتستحملنى لكن انا لو مش قابل شكلها او تفكيرها سطحى او اهلها مش راقيين انا هستحملها ازاى ...
انت مكبر و الموضوع و مدقق فى تفاصيل و محدش بيتجوز بيعمل زيك كده ...
انا من اسره متوسطه و محدش ساعدنى بمليم و تعبت و اتبهدلت فى الغربه علشان احسن من مستوايا الاجتماعى و افر تمن الشقة التمليك و العربيه و الفرش و الفرح و باقى الهجص المطلوب فمن حقى ادقق فى الى هتيجى تعيش مستريحه على الجاهز...
طيب ما كل الشباب بيتعبوا علشان يوفروا الحاجات الى انت بتقول عليها دى و محدش بيشتكى زيك...
مشكلتى مش انى تعبت فى الحوارات دى مشكتلى تعبت قبل ما الاقى الى اتعب علشانه و بعد ما انتهى مارثون توفير مستلزمات المعيشه بقت مشكلتى انى الاقى الى يستاهل التعب ده ....
طيب ما تنزل مصر نهائى و تدور براحتك يمكن فرصك تزيد ...
مبحبش اعيش فى العصر الحجرى و الميه و الكهربا مقطوعين اغلب اليوم ....

بس بلدك ليها حق عليك و واجب عليك تستحملها شوية

ايه يعنى الميه و الكهربا تقطع
بلدى خدت حقها ناشف بزياده بسنه من الخدمه العسكرية اشتعلت فيها كمهندس لحساب الجيش بدون مقابل
مالهاش فوق كده الا الجزمة القديمة

ربنا يرزقك ويرزقنا بالزوجه الصالحه عاجلا غير اجلا