الموضوع: استفسار عن مشكلة كوردوبا (١٩٩٤-١٤٠٠)

المشاركة الأصلية كتبت بواسطة sala7

معلش يا استاذ أحمد بعد اذنك .. سؤال صغير
حضرتك مدوخ نفسك كدا ليه ؟؟؟
الناس عمالة تقولك اكشف ع الطرمبة الاول .. وانا شايفك مازلت مصمم انك تشترتي حجات تاني خالص بعيدة تماما كل البعد عن كلام الاساتذه
حضرتك الاول قلت انك سمعت كلام فتي كتير و جيت تسأل هنا علشان الناس تساعدك
سمع لهم الاول و جرب بنفسك و بعد كدا ترجع تقول الطرمبة شغلة او مششغاله
بعد كدا ناخد خطوة جديدة

خد بالك من حاجه مهمة ... حتى لو اللي اتقالك هنا غلط .. ده لان احنا بنتكم هنا فقط و بنجاوب على اساس ما بنسمع منك فقط .. كمان احنا مش شايفين عربيتك قصاد عنينا
فا مش مستحب ان حضرتك تتوهنا و ندخل معاك في افتراضات اخرى علشان نقدر نساعدك بسرعة ان شاء الله تعالى

حضرتك عرضت علينا المشكلة .. الاساتذة ردوا على اساس هذه المشكلة .. حضرتك تروح تجرب الاول و بعد كدا نشوف مشكلة الاسبراتير


ارجو ان حضرتك تكون تفهمت مقصدي

أنا مش بتوهكو ولا حاجة انا بالفعل غيرت طرمبة البنزين و فلتر البنزين و كشفت على كل المذكور غيرتها من ٣ شهور تقريبا بعد طرح المشكلة علطول .

المشاركة الأصلية كتبت بواسطة ehab_mansour

و عليكم السلام

لا متركبهوش لأني شفت حالات لعربيات من اعتقادي ان الاسبراتير بتعها متغير بحاجه شبيهه لحالتك و للاسف احترت فيها و مش عايز الار بي ام يتظبط فكان ظني مباشرة ان الاسبراتير مش بتاعها
طب ليه السبب ؟
فيه ثلاث اشياء لابد يكونو متزامنين مع بعض عشان ال timing للعربية يكون مضبوط .. لحظة حدوث الشرارة + لحظة firing او رجوع اشارة من حساس ال hall sensor + حركة البستون وضعه لحظة حدوث السابق
حضرتك وضع الفيشة اللي موجوده في الاسبراتير ده بيقابله مكان تثبيت حساس ال hall sensor لذلك لو تغير مكان الفيشة ده بأي زاوية تغيير هيقابله وضع مختلف تماما لفهم المحرك او كنترول المحرك لوضع ال tdc اللي اتكلم عليه اخونا كريم فوق

من الاخر عشان موجعش دماغك متركبش اسبراتير غير نفس وضع اللي عندك بالضبط عشان متقرفش نفسك في شيء مختلف

انا فيه محاولة ههتأكد منها و اقلك كمان شوية علي بليل وهي هل ينفع مع تغيير تقسيمة سلوكه ام لأ ؟؟؟ هتأكد من شيء في عربيتي و اقلك عشان نتأكد من احتمالية انه ينفع من عدمه

على ما اعتقد مش هينفع يا ايهاب باشا تغير او ترحيل او ضبط الوضعيه الصحيحه
بس ياريت ترجعلنا تاني تقولنا الاحتمالات اللي حضرتك جربت فيها مع الشرح للفايده

أنا الاسبراتير اللي جبته الجديد ركبته هو نفس وضعية القديم ولما اتركب اتحط بنفس شكل القديم بالضبط بس الفيشة بتاعته مش عمودية لفوق داخلة لورا شوية بس الفيشة ركبت فيها و الأداء محستش بفرق كبير لان الطريق كان زحمة اوي و انا راجع بس الكهربائي قالي يومين و تعالالي عشان اوطيه سنة عشان الكربون يتحرق انا مش فاهم كربون ايه ده ؟ و غطاء الاسبراتير ركبت القديم مغيرتش حاجة و سبت الجديد لانو مكنش نفس اللي عندي و قالي اللي عندك احسن.
حاليا بقرأ موضوع رفع الصور عشان ارفع الصور عشان بردو تتيخلو المنظر معايا .
و شكرا جدا للرد السريع .

[QUOTE=ehab_mansour;3875757642]

ايه الوضع اللي اقصده صلاح بيك :- ان حسب فهمي لطريقة العمل و ال timing لابد ان نقطة وضع حساس ال hall sensor تكون مقابلة لتوصيل اشعال البستون الاول من ناحية الاسبراتير و بالفعل لقيت الحساس و فيشته موجوده عند نفس نقطة توصيل اشعال اول بستون من ناحية الاسبراتير

انا عاوز الفت نظرك لحاجه يا بشمهندس ايهاب .. الموضوع مش كهربي اكتر ماهو ميكانيكي بحت .. ليه بقول كدا
بغض النظر عن مدخل الكهربا الداخل على الاسبراتير (distributor) و ايا كان شكل المدخل ده (راسي / افقي)
لو فرضنا جدلا اننا هنغير وضعية تركيبه في مكانه اللي هي وضعية واحده
هل ده هيأثر على توزيعة الشرارة المنتظمه الموزعه timing على كل البستون ؟؟

هتفضل بردو متأيد بتوقيت اول شرارة مع اول شوط في البستون الاول مع دخل الكامة و صباب التغزية .. و هاكذا على كل الاشواط

طب احنا ليه هنعمل كل ده من الاساس ؟؟ علشان نصلح ايه ؟؟؟ ايه الهدف يا بشمهندس ؟؟
ما لو الاسبراتير فيه عطل يتغير في حالة استحالة تصليحه
من وجهة نظري الصغيرة ... انا لا انصح باي تعديل او مجرد التجربه
يا جديد .... يا استيراد
و الجديد يشترى من مواقع الانترنت و مليانه اسبراتيرات اصلية او صناعة المانية
شكرا لك يا صديقي