الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

المشاركة الأصلية كتبت بواسطة ahmedelfeky

الاخ الفاضل شكرا لفطنتك الفظيعه ماشاء الله عليك


مع اني ترددت كتير ان ارد لان ردي مش هيقدم ولا يأخر في طريقه تفكيرك الا اني هسألك سؤال لو حد
من زمايلك ف الشغل قالك انت بتكدب هتسكت ولا هترد عليه وتقوله انا كدبت في ايه ؟؟؟؟؟؟

وبعدين انت متخيل اللي بيشتري عربيه تمنها تقريبا 200 الف قعد يحوش فيهم طول عمره وخلاص داخل
النار وادبس ولبس وكده اكيد لأ يعني وعلي افتراض اني معايا العربيه الواو اللي مش الاسوء هو
حد فينا ضامن طريقه وربنا يكفينا شر الحوداث يارب ؟؟؟

طيب و اشمعنى يعنى الفلوينس اللى حاطينها فى دماغهم ؟ حد يحط الاسوأ فى دماغه برضه ؟ ههههه , الاستاذ محمد هانى منسق قسم التيوتا عامل بنفسه استطلاع بين الكورولا و الفلوينس و الاسترا و السيراتو و الفورد و الهونداو الالنترا , الفلوينس هيه الاولى فى الاستطلاع و الكورولا بعدها , عرفتوا ليه هيه الاسوأ و الناس رمت فلوسها اللى بتوصل 200 الف ؟ ههههههههه

المشاركة الأصلية كتبت بواسطة carrier

ملاحظين ان بتوع الرينو هيتجنوا لما راجل محايد حلل عربيتهم واداها اقل الدرجات

ونزلين مشاركات وعقدت اللى ادبسوا بفلوس كتير فى عربية طلعت هى الاسوء

خدها قاعدة
مش هيدافع عن الاسوء الا اللى ادبس فيه ولبس خلاص

تحية عطرة للسيد ahmed1981 صاحب الموضوع الشيق الحيادى والممتع

ربنا يخليكى يا هوندا

طيب و اشمعنى يعنى الفلوينس اللى حاطينها فى دماغهم ؟ حد يحط الاسوأ فى دماغه برضه ؟ ههههه , الاستاذ محمد هانى منسق قسم التيوتا عامل بنفسه استطلاع بين الكورولا و الفلوينس و الاسترا و السيراتو و الفورد و الهونداو الالنترا , الفلوينس هيه الاولى فى الاستطلاع و الكورولا بعدها , عرفتوا ليه هيه الاسوأ و الناس رمت فلوسها اللى بتوصل 200 الف ؟ ههههههههه

المشاركة الأصلية كتبت بواسطة Mohamed.Hany

فى الكورولا الهاى لاين هتكسب الاتى عن الفلوانس هاى لاين :

1. عدد 7 ايرباج مقابل 6 في الفلوانس
2.نظام الثبات الالكتروني ESP
3. TRC للثبات
4.كاسيت تاتش فى الكورولا وبه نافيجيشن في الكاسيت الجديد
5.كاميرا خلفية
6.خط ضوء ازرق تحت التابلوه كحلية
7.حساسات ركن امامية و جانبية
8.اوتوبارك ,خاصية الركن التلقائي Auto Park
9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
10.خاصية الاوامر الصوتية و التعرف علي الصوت voice recognition
11.سبورت موود بالفتيس
12.تابلوه لونين اسود في بيج
13.نظام ايكو لتوفير البنزين مع امكانية التحكم به
14.سخانات مرايات بزرار منفصل
15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
16.استبن نفس المقاس و جنط سبور مش حديد بعكس الفلوانس
17. وزن العربية 1300 كج مقابل 1258 للفلوانس
18. الوسع الداخلي اوسع عن الفلوانس خصوصا في الخلف .
19. مرايات تعتيم

فى الفلوانس هاى لاين هتكسب الاتى عن الكورولا هاى لاين :

1.وحدات رفع للاربعة زجاج و فتحة السقف مع خاصية Anti pinch , الكورولا في زجاج السائق فقط .
2.ضم و فتح المرايات اوتوماتيك , في الكورولا بزرار في التابلوه .
3.اضاءة زينون
4.فتحة سقف .
5.٣ ستائر مدمجة داخل الابواب الخلفية و الزجاج الخلفى
6.مخرج تكييف خلفى
7.مخرج ١٢ فولت خلفى للركاب الخلفيين
8. شنطة 490 لتر فى الفلوانس مقابل 470 لتر
9.حلية شكمان من النيكل كروم
10.تانك بنزين سعة ٦٠ لتر فى الفلوانس مقابل ٥٥ لتر فى الكورولا
11. 8way audio



الارقام لا تعبر عن شئ نهائي , يعني مثلا الفوكاس واخدة اقل رقم هل ده معناها انها اسواء اختيار ؟ كل الارقام دي بتعبر عن الناس اللي في المنتدي وكل واحد معاه عربية هيدخل يختارها عشان كدة لو تلاحظ اني مش بشارك في الاستطلاع خالص و هدفي اعمل المقارنة و اوضح الفروق للتسهيل علي الناس . وانا عمري مهشارك و لا هبين اختياراتي لحد سواء عضو او زائر .
طبعا مش مصدقني هههه, طيب انا هكلمك بأمانة انا في 2 صحابي منهم واحد معايا في الشغل انا اللي اقنعتهم يجيبو الفلوانس اللي بفتحة سقف و قلتله متجيبش كورولا اول فئة .
عادي يعني الاحسن و الاوحش حسب انت عاوز ايه و فلوسك قد ايه , وانا لما سألوني قولتلهم ان ده احسن اختيار ليكم في السعر والامكانيات . لكن لو كان قالي المبلغ اكتر كنت هقواه بلا تردد كورولا الفئة التانية او الهاي لاين مع الفلوانس هاي لاين .
و مع احترامي برضو الاستطلاع بيعبر عن اراء الناس في المنتدي , اما علي ارض الواقع الدنيا بتختلف تماما , يعني مثلا قارن عدد عربيات الفوكاس او الهوندا اللي نازلين من اكتر من سنتين مع الفلوانس وشوف انهي بتشوفها اكتر , او قارن مبيعات الفلوانس اللي بقالها سنتين مع الكورولا اللي بقالها 7 شهور و حجزها 4 شهور واوفر برايس كمان و شوف انهي بتشوفها اكتر .

تحياتي ليك يا ياسر بيك

محمد بيه مصدقك طبعا :) , بس انا عايز اقول لك حاجه مش سبب فرق الفلوس هو اللى بيخلى الناس تشترى الكورولا و لا الفلوينس و قد يكون مؤثر بس بنسبه ضئيله , اللى داخل يشترى فى شريحه سعريه من 180 الف ل 200 الف مش هايفرق معاه كتير 4 او 5 الاف , انا عن نفسى لو كنت شايف انه الكورولا بالنسبه لى مميزه عن الفلوينس كنت دفعتهم عادى و كنت حاطط اختياراتى لغاية الاوكتافيا a7 بس اكيد وصلك مصايب ال dsg , ما عليش الفلوينس الجديده ما لهاش سنتين و لا حاجه نازله مع الكورولا فى نفس التوقيت , اه ممكن يكون قصدك على الشكل القديم و ده برضه اللى كان بينافسوا الكورولا الشكل القديم , و بعدين همه فى الاستطلاع ده مش بعيد عن بعض بنسب فارقه , كل اللى نقدر نقوله انهم فعلا الاتنين فى التوب و بالدليل انه اغلب الناس اللى بتدخل بتسأل سؤال واحد اختار كورولا 2014 و لا فلوينس 2014 , كل واحده نازله بمميزاتها و رونقها و نعترف طبعا و ان كنا بنقاوح :) شويه انه الكورولا فيها ميزة ال esp و ده انا شايفه من غباء التوكيل انه ما نزلش فئات فيها الموضوع ده و ان كان سبب عذره انه هايرفع سعر العربيه بس الغاوى ينقط بطقيته و يسيب الاختيار للمشترين , و ان كان الفلوينس تتفوق فى الاوبشن و الشكل و الرفاهيه شيئا ما , لكن فعلا الاتنين فى التوب و المفاضله بينهم صعبه و الدليل كتر المقارنات بين الاتنين و شعبية الاتنين على الاقل هنا على الموقع و ده شىء اجابى يريح بال ملاك الماركتين . و لو بتتكلم من سنتين لا انا باشوف الفلوينس اكتر من الفوكاس و السيفيك الجديده مش عارف بقالها اد ايه نازله

و اهلا بيك :)

المشاركة الأصلية كتبت بواسطة carrier

ملاحظين ان بتوع الرينو هيتجنوا لما راجل محايد حلل عربيتهم واداها اقل الدرجات

ونزلين مشاركات وعقدت اللى ادبسوا بفلوس كتير فى عربية طلعت هى الاسوء

خدها قاعدة
مش هيدافع عن الاسوء الا اللى ادبس فيه ولبس خلاص

تحية عطرة للسيد ahmed1981 صاحب الموضوع الشيق الحيادى والممتع

ربنا يخليكى يا هوندا

loool

Francophopia ???