الموضوع: شوية اسئلة فى السيراتو الجديدة

شكرا ليكو يا جماعة على الترحيب ... الحمد لله رخصتها النهاردة بعد اسبوع من الاستلام

بسبب تأخير الورق .. ولما جه ورحت ارخص طلع فى مشكلة فى الورق فرجعنا تاني والنهاردة الحمد لله رخصت

العربية لسه ماشية 55 كيلو فقط (استملتها ماشية 12 كيلو) فلسه بدري على ما اقدر اكتبلكوا تقرير عنها

لكن فى المجمل .. انا مبسوط الحمد لله

المشاركة الأصلية كتبت بواسطة Mohab555

الف الف الف مبرررروك يا باشا ربنا يديك خيرها و يكفيك شرها و حمد الله على السلامه بنا تانى نورت بيتك يا كبير
شوف ياسيدى بالنسبه لقصه الريموت اعتقد بيركب فى التوكيل بحوالى 900 جنية ... و الباركنج سنسور ركبه برده عادى مفيش منه قلق لانه مفيش قطع فى فيش او سلوك او حاجة بس ركبه عند حد بيفهم و خلاص ... بالنسبه للاريال هو مدمج فى الازاز الخلفى و ملوش مكان اطمن .. حركه سحريه من كيا على الماشى كده .. ..

بلاش تجرى اول 1000 ك اخرك 120 وبعدها انطلق
اهم حاجة بلاش تضحك علينا عاوزين كام صوره حلوة للعروسه جوة و بره و تقريرك الجميل بقه

اولا اشكرك جدا يا مهاب على الرد .. زي ما انا متعود منك دايما :)
ثانيا عندي حبة اسئلة:
1- فى الجو النار ده .. مش هقدر استنى لحد ما اكمل الالف من غير تكييف .. فايه الحل؟؟ هل اروح الصيانة دلوقتى وخلاص؟؟ ولا اغير الزيت بس دلوقتى؟؟ انما من غير تكييف مش هينفع
2- موضوع الريموت ده هشوفه اول فرصة اروح فيها التوكيل ان شاء الله لانه مهم وضروري ..
3- الباركنج سنسور بقه مش عارف هل اركبه ولا اركب كاميرا وشاشه وخلاص؟؟ انا بعد ما ركب كاسيت دي في دي فى الريو قبل ما ابيعها وعاجبنى الموضوع بصراحة .. وبفكر اركبه بس طبعا انا عارف التوكيل هيستهبل ويطلع العربية من الضمان
4- اخيرا بقه .. دلوقتى انا كنت بفكر اركب زينون .. لكن لقيت لمبات ليد مش بتحتاج موديول .. فايه رأيكوا فيها؟؟ هل هتبقى كويسة؟؟ هل هتأثر على الكهربا؟ هل فيها مشكلة؟؟

وشكرا مقدما على الرد

المشاركة الأصلية كتبت بواسطة الجنرال

شكرا ليكو يا جماعة على الترحيب ... الحمد لله رخصتها النهاردة بعد اسبوع من الاستلام

بسبب تأخير الورق .. ولما جه ورحت ارخص طلع فى مشكلة فى الورق فرجعنا تاني والنهاردة الحمد لله رخصت

العربية لسه ماشية 55 كيلو فقط (استملتها ماشية 12 كيلو) فلسه بدري على ما اقدر اكتبلكوا تقرير عنها

لكن فى المجمل .. انا مبسوط الحمد لله




اولا اشكرك جدا يا مهاب على الرد .. زي ما انا متعود منك دايما :)
ثانيا عندي حبة اسئلة:
1- فى الجو النار ده .. مش هقدر استنى لحد ما اكمل الالف من غير تكييف .. فايه الحل؟؟ هل اروح الصيانة دلوقتى وخلاص؟؟ ولا اغير الزيت بس دلوقتى؟؟ انما من غير تكييف مش هينفع
2- موضوع الريموت ده هشوفه اول فرصة اروح فيها التوكيل ان شاء الله لانه مهم وضروري ..
3- الباركنج سنسور بقه مش عارف هل اركبه ولا اركب كاميرا وشاشه وخلاص؟؟ انا بعد ما ركب كاسيت دي في دي فى الريو قبل ما ابيعها وعاجبنى الموضوع بصراحة .. وبفكر اركبه بس طبعا انا عارف التوكيل هيستهبل ويطلع العربية من الضمان
4- اخيرا بقه .. دلوقتى انا كنت بفكر اركب زينون .. لكن لقيت لمبات ليد مش بتحتاج موديول .. فايه رأيكوا فيها؟؟ هل هتبقى كويسة؟؟ هل هتأثر على الكهربا؟ هل فيها مشكلة؟؟

وشكرا مقدما على الرد

لو انت حابب عربيتك وخايف عليها اقرا الكتالوج بيقوللك متشغلش تكيف فو التليين وده فى فى اول صفحه - ممكن تاخد طريق اسكندريه رايح جاى تعمللك ٥٠٠ كيلو على مشوار للسخنه - خلاص ياسيدى التليين خلص-
بلاش موضوع الزينون عشان الضمان مايسقطش انا كنت عند aaa وقالوللى بلاش عشات الضفيره حساسه جدا

ركب زينون براحتك انا معايا وكيل بصمه الشكل الجديد مركب زينون في الفوجات بس لازم زينون ضدد التكويد ومكثف وعيش هو انتا بتشتر العربيه علشان تتمتع بيها ولا علشان التوكيل يتحكم فيك

المشاركة الأصلية كتبت بواسطة spidars

ركب زينون براحتك انا معايا وكيل بصمه الشكل الجديد مركب زينون في الفوجات بس لازم زينون ضدد التكويد ومكثف وعيش هو انتا بتشتر العربيه علشان تتمتع بيها ولا علشان التوكيل يتحكم فيك

موافقك جدااااااااااااااااا على الكلام ده
بس بشرط يختار زينون نوع محترم ويركبة عند ناس فاهمة

ونصيحة من اخ
بلاش تلعب في العربية دلوقتي .. اصبر لما تطلع كل اللي عندها
بمعنى اصبر لغاية ما تتاكد ان العربية ما فيهاش عيوب .. وبعد كه العب زي ما انت عايز
تركب شاشة
تركب زينون
تركب طقم صوت
برااااااااحتك

الناس الافاضل اللي بتقول متشغلش التكييف
انا من اول ما استلمت عربيتي من توكيل هيونداي (في السعودية) وانا بشغل المكيف .. وده بعد سؤال مهندس في التوكيل
ومكتوب في لوحة ارشادات في التوكيل نفس الكلام
بس بشرط متزودش عن درجة 2
تقريبا العربيات في السعودية بتكون متلينة .. والله اعلم

اول صفحه فى الكتالوج وانا عربيتى سعودى مكتوب فيها تليين لمده ١٠٠٠ كم او ٦٠٠ ميل وعدم زياده الrbmعن ٣ ومتشغلش تكييف - اللى عايز يقرا

النهاردة رحت التوكيل علشان اعمل صيانة الالف والعربية ماشية 600 كيلو بس

مهندس الاستقبال قالي انت عايز تعملها بدري ليه؟؟

قلتله علشان اشغل التكييف لان الجو حر قوي

قالي وايه المشكلة .. انت معاك لحد 4000 كيلو على فكرة وممكن تشغل التكييف من دلوقتى .. مين اللى قالك كده؟

قلتله فى الكتالوج بتاع العربية مكتوب اني مشغلش العربية لحد الالف

المهم قالي براحتك .. وانا قلتله خلينا نعملها وخلاص

المهم:
1- العربية محتاجة تغير التيل والطنابير .. قالي انهم شغالين نص يوم (علشان يوم اجازة) اضافة الى ان قطع الغيار اصلا مش موجودة .. فقالي هنستنى 10 ايام تيجي قطع الغيار وهيكلمني علشان اروح اغيرهم .. اللى مخوفني انه مدانيش اي ورقة تثبت كده .. انا عارف انهم مش هيتصلوا وانا اللى هجري وراهم .. بس ايه اللى يثبت ان ده عيب صناعة؟؟ يعني لو رحتلهم بعد عشر ايام مش ممكن يغيروا كلامهم ويقولولي ده عيب استخدام؟
ثانيا: هل في خطورة امشي بالعربية دلوقتى وهيا محتاجة تغير التيل والطنابير؟ هو قالي لا مفيش اي خطر خالص .. فايه رأيكو؟

2- سألته على تركيب مفتاح ريموت قالي لا بنركب انذار بريموت ... وهحتاج احجزه قبلها علشان اروح اركبه .. ان شاء الله لما اروح للتيل والطنابير هبقى اركبه
3- سألته عن شاشة الدي في دي والكاميرا .. فقالي التوكيل معندهوش .. قلتله هجيبه من بره وتركبهولي علشان الضمان .. قالي لا ملناش دعوة ومش بنركب حاجة مش معروفة بالنسبة لينا
فغالبا هركبه مع نفسي بره التوكيل .. بس هصبر شوية على العربية الاول

اتمنى الناس تساعدني فى موضوع التيل والطنابير دي (نقطة رقم 1)

وشكرا

المشاركة الأصلية كتبت بواسطة الجنرال

النهاردة رحت التوكيل علشان اعمل صيانة الالف والعربية ماشية 600 كيلو بس

مهندس الاستقبال قالي انت عايز تعملها بدري ليه؟؟

قلتله علشان اشغل التكييف لان الجو حر قوي

قالي وايه المشكلة .. انت معاك لحد 4000 كيلو على فكرة وممكن تشغل التكييف من دلوقتى .. مين اللى قالك كده؟

قلتله فى الكتالوج بتاع العربية مكتوب اني مشغلش العربية لحد الالف

المهم قالي براحتك .. وانا قلتله خلينا نعملها وخلاص

المهم:
1- العربية محتاجة تغير التيل والطنابير .. قالي انهم شغالين نص يوم (علشان يوم اجازة) اضافة الى ان قطع الغيار اصلا مش موجودة .. فقالي هنستنى 10 ايام تيجي قطع الغيار وهيكلمني علشان اروح اغيرهم .. اللى مخوفني انه مدانيش اي ورقة تثبت كده .. انا عارف انهم مش هيتصلوا وانا اللى هجري وراهم .. بس ايه اللى يثبت ان ده عيب صناعة؟؟ يعني لو رحتلهم بعد عشر ايام مش ممكن يغيروا كلامهم ويقولولي ده عيب استخدام؟
ثانيا: هل في خطورة امشي بالعربية دلوقتى وهيا محتاجة تغير التيل والطنابير؟ هو قالي لا مفيش اي خطر خالص .. فايه رأيكو؟

2- سألته على تركيب مفتاح ريموت قالي لا بنركب انذار بريموت ... وهحتاج احجزه قبلها علشان اروح اركبه .. ان شاء الله لما اروح للتيل والطنابير هبقى اركبه
3- سألته عن شاشة الدي في دي والكاميرا .. فقالي التوكيل معندهوش .. قلتله هجيبه من بره وتركبهولي علشان الضمان .. قالي لا ملناش دعوة ومش بنركب حاجة مش معروفة بالنسبة لينا
فغالبا هركبه مع نفسي بره التوكيل .. بس هصبر شوية على العربية الاول

اتمنى الناس تساعدني فى موضوع التيل والطنابير دي (نقطة رقم 1)

وشكرا

واية ياباشا اللي حضرتك حسيت بة في الفرامل علشان قدرت تعرف ان الطنابير والتيل فيهم مشكلة دة انت يادوب 600 كيلو !!!!!!!!!!