من المصرى اليوم زياد اسعار البنزين والسولار اول مايو....

**ah-elgendy** · 22-04-2014 05:17 PM

انا مع الدعم انه يتشال من ع المنتجات بس مش بالطريقه ديه يكون تتدريجى بس قبل ده يحقق العداله الاجتماعيه ويشوف البهوات اللى فى الحكومه ومرتبتهم خمسين ضعف الموظف العادى ويشوف انديه الجيش والبترول والشرطه بتصرف كام فى السنه من فلوسنا يشوف المنتجات التافه واللى مش عارفين نصنعها هنا وبندفع فيها دولارات والخ..........
ديه وجهه نظرى اللى شايف بيها بلدى بس الله اعلم فى ايه هما شايفينه واحنا منعرفوش لانهم اكيد بسمعوا الكلام ده
وبالنسبه للناس اللى فرحانه وبتشمت فى احوال البلد لو كان الاخوان هما اللى بيفكروا كده كنت هتعارض ولا هتقول ديه ظروف البلد وحسنى خربها مرسى هيعمل ايه ؟

**sas5** · 22-04-2014 05:52 PM

طيب لما هى النيه متجهه لرفع الاسعار مادور كارد البنزين الان

**ahmedeg1** · 22-04-2014 05:58 PM

(من اعمالكم سلط عليكم)
ارحمنا يا رب من الأيام القادمه
اللهم رحماك بمصر و فقرائها اللهم اغفر لنا خطايانا
لا حول و لا قوة الا بالله
اللهم لا تسلط علينا بذنوبنا من لا يخافك و لا يرحمنا

**hossam_elwani** · 22-04-2014 06:45 PM

المشاركة الأصلية كتبت بواسطة toty_305

-خطوة صحيحة في سبيل تحقيق العدالة اﻹجتماعية و تعليم المواطن الحفاظ على مصادر الطاقة الغير متجددة.

ياراجل ههههههههههههههههه

ده على اساس انه فيه سياسات اصلاحيه فى اى منحى او جانب من جوانب الدوله الاقتصاديه !!!!!!!!!!!!!!!!

ده الحد الاقصى لم يطبق ياعزيزى فعن اى عداله تتحدث اه نسيت عدالة الطرف الواحد عدالة علية القوم الحراميه الى بيقبضو بالملايين شهريا

**hossam_elwani** · 22-04-2014 06:46 PM

المشاركة الأصلية كتبت بواسطة Elawany13

فعلا خطوة صحيحه للبهوات اللى بيقبضوا آلاف وملايين
علشان محدش يقربلهم ويقولهم حد اقصى وكلام فارغ من ده
احنا اللى لازم ندفع الثمن ونتمرمط
فعلا ونعم العدالة الإجتماعية
وتسلم الايادى

Sent from my GT-S6500D using Forum Runner

فعلا ويل للمطففين

**hossam_elwani** · 22-04-2014 06:47 PM

المشاركة الأصلية كتبت بواسطة strikebaby

هههههههه وانا طلبت من حضرتك حاجه
وثانيا هو احنا اساسا لو نزلنا اى حته فى مصر حضرتك مقتنع ان ممكن حد يستجيب ليك?
ياباشا مطالب 25 يناير لم تحقق حتى الان وشكلها كدة لن تحقق ابدا

اسأل شعب يونيو الى غرزنا فى الوحل

**hossam_elwani** · 22-04-2014 06:48 PM

المشاركة الأصلية كتبت بواسطة محمد يوسف

زيادة سعر الغاز من يومين
وكمان كام يوم زيادة سعر البنزين والسولار والكهرباء
وطبعا الزيادات دى كلها لها توابع متضاعفة من زيادة أسعار الموصلات والنقل والتخزين والايجارات..وبالتالى فى النهاية زيادة أسعار السلع على الناس
وكل ده كلفتة قبل نهاية مايو
عشان لما يشرف الباشا يقول لنا : أنا ما زودتش حاجة.. أنا مستلمها كده ... انتوا ماتعرفوش انكم نور عينيا ولا ايه؟
والله العظيم الواحد عايز يطفش من البلد دى بصاروخ

اومال انت متعرفش انه تخصص تمثيل وضحك على الناس وخصوصا شعب يونيو

**hossam_elwani** · 22-04-2014 06:48 PM

المشاركة الأصلية كتبت بواسطة lanos2004

حتى لو بقى 10 جنيه اللتر دة خبر هايل وخطوة صحيحه وربنا يدوم النعمه والمعروف وعاشت ثورة 30 فيسكو
والمهم ان ما فيش نقطه سولار توصل لغزة الارهابيين ولا متر غاز
ثروة بلادى لصفوة بلادى
واحنا نركب حمير -ما فيش اكتر منهم -لدرجه انهم بقوا اضافه اساسيه لصنع الحواوشى وطواجن اللحمه

اساسى ده تمامهم

**hossam_elwani** · 22-04-2014 06:52 PM

المشاركة الأصلية كتبت بواسطة ah-elgendy

انا مع الدعم انه يتشال من ع المنتجات بس مش بالطريقه ديه يكون تتدريجى بس قبل ده يحقق العداله الاجتماعيه ويشوف البهوات اللى فى الحكومه ومرتبتهم خمسين ضعف الموظف العادى ويشوف انديه الجيش والبترول والشرطه بتصرف كام فى السنه من فلوسنا يشوف المنتجات التافه واللى مش عارفين نصنعها هنا وبندفع فيها دولارات والخ..........
ديه وجهه نظرى اللى شايف بيها بلدى بس الله اعلم فى ايه هما شايفينه واحنا منعرفوش لانهم اكيد بسمعوا الكلام ده
وبالنسبه للناس اللى فرحانه وبتشمت فى احوال البلد لو كان الاخوان هما اللى بيفكروا كده كنت هتعارض ولا هتقول ديه ظروف البلد وحسنى خربها مرسى هيعمل ايه ؟

لو كان فيه سياسات اصلاحيه متوازيه كنا قلنا ماشى وماله لكن لما تكون السياسات كلها جبايه وقروض وشحاته وسلف تبقى سياسيه الفشل والانهيار .... الاخوان كان عندهم خطوط اقتصاديه متوازيه فحدثنى عن سياسات حكومات الانقلاب والى اين ذاهبه خلاف طريق الجبايه والشحاته والسلف

**hossam_elwani** · 22-04-2014 06:53 PM

المشاركة الأصلية كتبت بواسطة bassemali

كل المشاركات طبعا بترفض القرار الأهبل ده .. ادي أول حاجه إتفقنا عليها والحمد لله .. تاني حاجه .. إن معارضي القرار (وإن كنا كلنا معارضين ) بتختلف دوافعهم وأسبابهم .. في اللي بيستغل القرار عشان يثبت إن اللي جاي أيام سوده .. وإن أيام الإرهابيين هيا اللي كانت بيضا (وده طبعا ف المشمش) ومقضيها تريقه وشماته وبكره تشوفوا ماسر والجو ده .. وده انا بسقطه من حساباتي خالص لإنه لو نزلوا خبر بكره ف نفس الجرنال إنهم هيوزعوا البنزين ع الشعب ببلاش .. برضه هيقعد يتريق ويقولك وإنتوا بتصدقوا الكلام ده برضه ومش هنخلص .. وفي اللي بيتكلم بعقلانيه وبيقولك أدفع زياده منين وهو أنا مرتبي زاد ؟ وحتى لو زاد هو هيزيد عشان يغطي زيادة أسعار البنزين ولا الأكل ولا الدوا ولامدارس العيال ولا أيه بالضبط ؟ هو ده بقى اللي نتناقش معاه وناخد وندي ...
الكارثه بقى في اللي مش شايف إنها مشكله وإننا لازم ندفع عشان نور عينينا(اللي بيقطع كل يوم أساسا) مايزعلش !!!! وإن كان ماحدش كتب الكلام ده ولكن في أراء ف البلد (وكتير على فكره ) بيقولوا كده .
طبعا واضح إن الخبر اللي ناشراه جريدة المصري اليوم ماهو إلا بالونة إختبار عشان يشوفوا ردود الفعل عند الناس كنوع من أنواع دراسة القرارات المتبع ف مصر دائما .. أبشروا مافيش زياده ف أسعار البنزين (ع الأقل ف الوقت الحالي) ولو عملنا سيرش ف المنتدى هنا هنلاقي موضوع زيادة أسعار البنزين ده إتنشر ف 100 جرنال قبل كده من ساعة الثوره لغاية النهارده 100 مره ... ومافيش حاجه حصلت بإستثناء زيادة سعر البنزين ال 95 فقط .. عموما ..ربنا يستر ... .

ياسلام على الانصاف !!!!