يا جماعة انا شايف فى ناس بتقول شعب 30 يونيو واخوان ومش عارف ايه
احب اقلكم كل الانظمة لحد دلوقتى فاشلة مفيهاش نظام كويس وخايف على الشعب واللى بيقول فى عهد الاخوان فى معرفش ايه احب اقلو موضوع البنزين 85 وموضوع اسعار البنزين دى بنسمع عنها من ايام مرسى وبنفس الاسعار اللى بنسمعها دلوقتى واللى بيقول كل دا بسبب شعب 30 يونيو احب اقله فى عهد الاخوان رفعو الاسعار كلها مرة وحدة وبطريقة استفزت الشعب لكن لقى الشعب كله هيقوم عليه قام موقف تنفيذ القرار لشهر 7 فى الميزانية الجديدة وقال بالمرة على ما يكون فى مجلس شعب وحكومة مش مؤقتة عشان محدش يكون ليه اى حجة.
فبلاش بتوع الاخوان يعايرو بتوع 30 يونيو وبلاش بتوع 30 يونيو يعايرو غيرهم وزى ما قلت كل الانظمة لحد دلوقتى فاشلة وسياساتها فاشلة بلا استثناء واذا كنتو عايزين تترحمو فيبقى نترحم على عهد مبارك على الاقل فى امن وامان ومش معنى كلامى انى بترحم على مبارك لان اللى بيروح عمرو ما هيرجع لمبارك راجع ولا مرسى راجع والسيسى لو مسك واتشال مش هيرجع فريحو دماغكو لكن انا بضرب مثل مش اكتر.
واتمنى القرار دا يكون ملوش اى اساس من الصحة لان غلاء البنزين والوقود هيرفع اسعار حاجات كتير معاه زى المواصلات ونقل البضائع وبالنسبة للشعب الغلبان ليه ربنا مش هينفعة اخوان ولا غير اخوان كلنا فى الهوا سوا ولنا الله
المفضلات