من المصرى اليوم زياد اسعار البنزين والسولار اول مايو....

**rompo10** · 22-04-2014 02:33 AM

المشاركة الأصلية كتبت بواسطة omar elgezeiry

يعني لو ال80 هيبقي ب 1.85 جنيه ده معناه انه هيبقي بتمن ال92 قبل ما يغلي دلوقتي انا عايز اعرف هو اللي بيحط ال80 بيقرف نفسه طوابير و انه مش موجود بكثرة زي ال92(في اكتوبر كلها مشفتش غير بنزينة التعاون اللي فيها 80 و في المهندسين كلها مبقتش اشوف بنزين 80خالص)يعني اللي بيحط 80 ده غاوي يقرف نفسه مثلا ولا معاه عربية فارهة و يبحط 80 استخسار و ده بيخسر الدولة مبالغ ماكان يحط 92 و يريح نفسه و خلاص يعني.انا نفسي افهم اللي بياخد قرارات زي دي بيفكر ازاي.
لو عايز تلغي الدعم ماشي مفيش اي مشكلة بس لازم مقابل
اولا زيادة المرتبات عشان تكفي الحاجات اللي هتغلي
ثانيا وسائل مواصلات نضيفة
ثالثا الضريبة متتحددش علي اساس سعة المحرك طالما ان مفيش دعم و كله هيتحاسب بنفس السعر
واسف للاطالة

ياباشا الحكومه ودن من طين وودن من عجين واحد بياخد 3 او 4 مليون في الشهر هايفكر فيك ليه

**moudy88** · 22-04-2014 02:36 AM

كله علشان ماسر !!

**Omar Mahmoud** · 22-04-2014 02:38 AM

المشاركة الأصلية كتبت بواسطة moudy88

كله علشان ماسر !!

انا والله بدأت اكرها

**Omar Mahmoud** · 22-04-2014 02:38 AM

المشاركة الأصلية كتبت بواسطة rompo10

ياباشا الحكومه ودن من طين وودن من عجين واحد بياخد 3 او 4 مليون في الشهر هايفكر فيك ليه

معاك حق

**ahmed hamada** · 22-04-2014 02:46 AM

وكمان اسعار الاكل تغلى لان اسعار توصيل المحاصيل هاتغلى مع غلو البنزين والمواصلات هاتغلى هي كمان

**eslam atia** · 22-04-2014 02:55 AM

منكم لله يا حكومة
حسبي الله ونعم الوكيل فيكم
مبتفكروش في الغلابة خااااااااااالص
يعني عيلة فقيرة معاها128 بتروح بيها الشغل والمدارس والدروس ومشاوير السوق وكل صغيرة وكبيرة لان مش هيستحملوا مصاريف التاكسي طول الشهر
بدل ما يفول التنك ب 90*45 = 40 جنية ، خلتوة يفول بالضعف ، لأ وكمان السولار عاوزين يغلوة
يعني تخيل كدا اي حاجه هتتنقل علي عربية نقل صاحب الحاجه هيدفع مشال الضعف علشان السولار غلي
سواقين ال 504 بين المحافظات ترفع الاجرة علشان البنزين غلي
وكله علي حساب المواطن المطحون
يبقي كدا كل حاجه هتغلي
الكهرباء غليا
الاكل والشرب غالي
البنزين غالي
الدواء غالي
الهدوم غالي
انبوبة البوتجاز غالية ومش بتكفي 10 ايام
وغيرة وغيييييييييييييييييييرة
حسوا بينا شوية يا عديمي الاحساااااس
حسبي الله عليكم

**تامر.محمد** · 22-04-2014 03:03 AM

بصراحة يعني
احصدوا ما زرعتم

ما يغلوه و يسيبوا لنا ال5 لتر في اليوم بتوع السنة اللي فاتت طيب

Sent from my GT-N7000 using Forum Runner

**molla** · 22-04-2014 03:48 AM

المشاركة الأصلية كتبت بواسطة تامر.محمد

بصراحة يعني
احصدوا ما زرعتم

ما يغلوه و يسيبوا لنا ال5 لتر في اليوم بتوع السنة اللي فاتت طيب

sent from my gt-n7000 using forum runner

ما اظنش ان دا وقت شماتة و اعتقد حضرتك هتفول معانا بالاسعار دي فبلاش السعادة دي كلنا ساهمنا في النهاية السودة و اول ناس حطوا ايدهم مع الجيش هما اول ناس الجيش حبسهم من الاخر فكله غلطان و كله بيفكر في مصلحته و دي النتيجة

**rompo10** · 22-04-2014 03:53 AM

الثوره القادمه ثوره جياع وليست حريات وكله هاياكل في بعضه البيه مش عارف يجيب فلوس منين وكل حاجه واقفه ياخد من الناس نفس سياسه مبارك عاوز الناس تتلهي لكن ان شاء الله نهايته قربت اوي منه لله