إستشارة قبل شراء أوكتافيا مستعمله

**طارق _عبد السلام** · 24-04-2014 12:42 AM

بما ان حضرتك فكرت للتغيير للاوكتافيا فحضرتك احسنت الاختيار فعلا وان شاء الله هتكون مبسوط منها جدا شرط الحاله
الفروق دائما بين الثلاث فئات بتبدأ بالفئه الاولى طاسات والثانيه جنط وحساسات خلفيه والثالثه فتحه سقف مع اوبشنز مريح ساشرحه لحضرتك
الفرق بين الوكيل والخليجى فى الفئه الاولى والثانيه فقط الارتفاع عن الارض لصالح الوكيل والتصفيح اسفل الموتور فيبر فى الخليجى وفولاذ فى الوكيل
الفروق الاعلى لصالح الوكيل فى الهاى لاين اكثر منها فى الفئتين الاولى والثانيه
الوكيل فرش جلد طبيعى كامل - الخليجى نصفين قماش فى جلد
الوكيلجنط 16 برسمه مختلفه - الخليجى جنط 17 بصراحه شكله اشيك على العربيه جدا لكن مينفعش فى الطرق المكسره بينشف العربيه جدا
طبعا الخليجى والوكيل مشتركين فى مرايات ضم وتعتيم -باور كهرباء- 2 تلاجه - تكييف تاتش - بخاخات فوانيس - دركسيون متحرك تليسكوبى - زينون يضبط الكترونيا -كاسيت كبير تاتش
الوكيل مرتفعه عن الارض بشكل مريح عن الخليجى لكن فى موديل 2012 بقوا زى بعض فى الارتفاع
الوكيل تعرفها من اول ماتشوف التابلوه لانه مطعم بالابانوس فقط فى الهاى لاين - لكن مشترك بين الخليجى والوكيل اللون السيلفر فى الفئتين الاولى والثانيه والهاى لاين فى الخليجى ايضا سيلفر
الوكيل 4 ايرباج فى الهاى لاين الخليجى 2 فقط
يعنى ارشح لك الوكيل لانها مناسبه بعض الشىء لطرق مصر المكسره
الاهم والمهم دائما حاله العربيه متشغلش بالك بالكيلو متر لانه بقى رسمى بيتلعب فيه (التجار) لكن لو عربيه زبون اول يد او من تاجر عنده ضمير بتكون كيلواتها الحقيقيه المهم حاله العربيه وفواتير الصيانه وعلى الاقل فاتوره صيانه ال60 الف كيلو
الاسعار تتراوح من 165 الى 230 من موديلات 2010 الى 2013 فى الهاى لاين
طبعا نزل فئه 2013 بفتيس dsg ودى منزلش منها هاى لاين
وتحت امرك فى استفسار

**طارق _عبد السلام** · 24-04-2014 12:46 AM

المشاركة الأصلية كتبت بواسطة omaranes77

حضرتك كدة بتتكلم علي فانتازيا
مافيش فرق في الموديلات
العربية اعتمادية لدرجة خيالية بس تكون متصانة ومعمول صيانتها
الوكيل افضل عشان الضمان بس الكلام دة للزيرو
الخليجي بتبقي جنط 17 وبتبقي واطية شوية وكمان الهاي لاين خليجي فية 2 ايرباج لكن الوكيل فية 4
هما تقريبا تلات فئات
لكن الي يقولك الفرق بينهم
استاذ طارق عبد السلام (عمنا ) هههههههه
واي سؤال تحت امرك

شكرا استاذ عمرو على الثقه ويارب اكون عند حسن ظنك

ومعانا هنا محترفين سكودا وفانتازيا ومعلوماتهم عاليه وبتعلم منهم كلهم

**طارق _عبد السلام** · 24-04-2014 01:07 AM

المشاركة الأصلية كتبت بواسطة omaranes77

العفو يا باشا انت حببيبي والهي
للتوضيح انا اسمي عمر
ويا باشا لما انا ابقي استاذ حضرتك اية يا باشا
وبعدين انا زي ابنك الصغير يا باشا

والله انا بعزك زى ابنى فعلا وعارف انك فى سنه ولانك انسان محترم
لازم اقولك استاذ عمر على فكره انا متعمد ههههههه
ماشى يااستاذ عمر

**omaranes77** · 24-04-2014 02:31 PM

المشاركة الأصلية كتبت بواسطة mo3aser

جزاك الله خير أستاذ طارق .. متشكر جداُ على المعلومات القيمة دي :)

أن نويت إن شاء الله على هاي لاين 2011 أو 2012 فعاوز أعرف متوسط السعر كام للموديلين دول على إعتبار ان حالة العربية ممتازة

ولو هكشف على العربية في التوكيل او مركز صيانة محتاج أتصل بيهم و أد معاد سابق ؟

شكراً لكم

بعد اذنك استاذ طارق
السعر يعمل من 175 ل 190
حسب الحالة طبعا

**ابو ابراهيم** · 24-04-2014 02:47 PM

المشاركة الأصلية كتبت بواسطة omaranes77

100 100
هو دة الكلام
بس بعد 80 الف وحشة مش فاهم وحشة ازاي

شكرا استاذ عمر على متابعتك
بس انا اقصد العربية مش هاتقدر تستمتع بيها . دا بعكس الياباني ( مجرد رأي شخصي )
بارك الله فيك

**omaranes77** · 24-04-2014 03:59 PM

المشاركة الأصلية كتبت بواسطة ابو ابراهيم

شكرا استاذ عمر على متابعتك
بس انا اقصد العربية مش هاتقدر تستمتع بيها . دا بعكس الياباني ( مجرد رأي شخصي )
بارك الله فيك

راي حضرتك علي راسي من فوق يا باشا
بس الياباني هو الي ممتع يعني
واية الي كرة حضرتك في العربية
!!

**myself112** · 24-04-2014 05:45 PM

لسه شايف عربيتيت امبارح وكيل هاي لاين واحدة 2010 طالب فيها 170 الف عاملة 90 الف كيلو و مرمات خفيفة و التانية 2013 ماشية 30 الف كيلو و مطلوب فيها 215 الف :)
و شفت ال a7 الجديدة خليجى فتحة سقف و فرش جلد انا طبعا مش عارف الفروقات ما بينها و بين الوكيل زيرو ب 244 الف

-

-

الموضوع: إستشارة قبل شراء أوكتافيا مستعمله

LinkBack

أدوات الموضوع

عرض

-

-

-

-

-

المواضيع المتشابهه

إستشارة عاجلة لوحوش الكارينز بخصوص شراء كاوتش جديد و مكان الشراء

إستشارة فى شراء نت بوك (لفض الإشتباك)

إستشارة بخصوص شراء اوبل كورسا

إستشارة فنية قبل شراء شيفروليه لانوس 2010-2011

طلب شراء إسكودا فيليشيا وش أوكتافيا

الكلمات الدلالية لهذا الموضوع

المفضلات

المفضلات

ضوابط المشاركة