الموضوع: إستشارة قبل شراء أوكتافيا مستعمله

شكرا استاذ omaranes77 على اهتمامك :)

المشاركة الأصلية كتبت بواسطة طارق _عبد السلام

ربنا ييسر لك الامور وتلاقى حاجه محترمه

هو الاسعار طبعا فيها استهبال جامد جدا واولما هتسمع فى 2011 هتسمع 185 طبعا متشتريش
صديقى لى اشترى هاى لاين خليجى ابيض ب 172 الف عربيه حلوه واللون ده بيميز الفانتازيا جدا جدا
و2012 هتسمع فيها فوق ال200 بس ده صاحبها معذور شويه لان فعلا الموديل ده كان بيتباع جديد اعلى من سعره الرسمى لانه كانه اخر حاجه فى الشكل القديم وعليه اقبال لان الناس كانت خايفه من ال a7 علشان الفتيس فممكن 195 لل2012 يمشى الحال
وطبعا الكشف لازم باتصال مسبق بس 2012 مش محتاجه كشف صراحه لو من زبون المهم تتاكد ان العربيه مفيهاش دهانات لو فبريكه اشتغل فيها بدون كشف بس يكون معاك واحد فريز عربيات لو مش متاح اكشف على العربيه فى اى مركز صيانه ثقه جدا

شكراً استاذ طارق .. طب صاحبك ما بيبعش العربيه بتاعته :D ... ربنا ييسر الحال ونلاقي حاجه مناسبه ان شاء الله

خالص التحيه

المشاركة الأصلية كتبت بواسطة omaranes77

اول حاجة لازم الكشف في مركز او التوكيل ان امكن
العربية ممتازة احنا معانا 98
واي سؤال تحت امرك ولو عايزني ارشحلك مركز صيانة محترم وفني
بردو تحت امرك
تحياتي

استاذ omaranes77 شكرا لسرعة ردك
واسف على التأخير ولاكن ظروف العمل تحكمنى بشدة .
فعلا السيارة ممتازة جدا وسعرها هو اللى كان مخلينى محتار وفعلا الخوف كان فى محلة ومفيش نصيب .
شكرا مرة اخرى لك ولكل اعضاء نايل موتورز المحترمين اللى بستفيد منهم جدا جدا .