الموضوع: حد يعرف ازاى اعرف البطيخة حمرة ولا قرعة؟؟من غير فتى كتير

المشاركة الأصلية كتبت بواسطة د.محمود صلاح

https://play.google.com/store/apps/d...onprober&hl=en

جربو ده

يا اخى بالله عليك انا فتحت الرابط ومش فاهم اى حاجة فى اى حاجة ممكن حد يفهمنى للى فتح الرابط بيقول اية؟

المشاركة الأصلية كتبت بواسطة mohabelnegm

الصيف اللى فات شفت موقف عند فكهانى أن واحد دخل و قاله عايز بطيخة عالسكين..الفكهانى فتحله بطيخة و كانت حمرا دم و مرملة كمان و الراجل كان تلم و قاله أدوقها و داقها و بعد ما داقها قاله بمنتهى السماجة أفتحلى غيرها ديه ماسخة!! حصل شد و جذب و شبه خناقة...فجأه الفكهانى اتكلم بمنتهى الهدوء و قاله خليها علينا و راح ماسك البطيخة ورماها على ألأرض و اتفرتكت بشكل انفجار:)) و الموضوع انتهى فى اللحظة ديه و الزبون الرخم خد بعضه و مشى:) عجبنى جدا الفكهانى فى حسم الموقف.

انا كان هيحصل معايا الموقف ده الاسبوع الماضي
انا في السعودية رحت سوق الخضار اشتري بطيخة
وغالبا معظم البياعين من اليمن
المهم وانا ماشي سمعت ناس بتتكلم مصري قلت هو ده اللي هيظبطني
قلتله عايز بطيخة فراح اليمني اللي فارش جانبه قالي تعالى راح المصري اتخانق معاه بجد وكانوا هيمسكو في بعض وقالوا ده ابن مصر
المهم حسبلي البطيخة ب 10 ريال بدل 14 ريال
قلت زي الفل
افتح يا عم البطيخة على السكين لقيتها حمرا جداااااااااا
راح مدوقنا طعمها ماسخ جداااا
راح ابتسم ابتسامة صفراء وقالي حطها في التلاجة ساعة هتلاقي بقت مسكرة

اهبل انا بقى
المهم قلبت وشي عليه لقيت الموضوع هيكبر وبيشوح بالسكينة واليمني بدا يتدخل

سحبت البطيخة وخدت بعضي ومشيف ولحد دلوقتي مرمية في التلاجة مستنى تبقى مسكرة