الموضوع: ▒ طوارئ (حلول وافكار هامه) ▒

الترانزيستور هتخلي وشه ليك ورجليه لتحت
أول رجل في اليمين من الترنزيستور الكبير هتوصلها لخرج مفتاح الإضاءة
الرجل الوسطانية من الترانزيستور الكبير هتوصلها بالرجل الوسطانية من الترانزيستور الصغير وتوصلهم بدخل مفتاح الإضاءة
الرجل الشمال من الترانزيستور الكبير هتوصلها بالرجل الشمال من الترانزيستور الصغير
الرجل اليمين من الترانزيستور هتوصلها بالمكثف والسيلكون
المكثف عبارة عن اسطوانة خارج منها سلكين ---- لو بصيت على جانب الاسطوانة هتلاقي خط أسود عليه علامة (-) السلك اللي قبال علامة السلاب دي هتوصله بالأرضي أما السلك التاني فده اللي هيتوصل بالرجل اليمين بتاع الترانزيستور الصغير ومعاه السيليكون
السيليكون ده برده عبارة عن اسطوانة رمادية صغيرة جدا وخارج منها سلكين ( سلك من كل ناحية)
فيه سلك منهم جنبه خط أبيض ده هيوصل بخرج مفتاح الإضاءة اللي إحنا وصلنا بيه الرجل اليمين بتاع الترانزيستور الكبير أما السلك اللي مش جنبه علاة بيضا فده هيوصل بالرجل اليمين بتاع الترانزيستور الصغير اللي واصل بيها المكثف


كده أول ما تفتح الاضاءة الليلية وتطفيها هتلاقيها مش بتطفي غير بعد مده
المدة دي بيحددها قيمة المكثف يعني 1000 ميكرو فاراد ( لو جبت 2200 المدة هتكون اكبر لكن لو جبت 470 المدة هتكون اقل)


أقصى حمل للدايرة دي 3 أمبير ( يعني لازم تكون اللمبات مجموع الوات بتاعها ميزيدش عن 36 وات)



لو شيلت السيلكون ده وطيت مكانه مقاومة 100 كيلو اوم هتلاقي إن تأخير الإضاء مش هيحصل لو فتحت المفتاح وقفلته مباشرة لازم على الأقل ربع ساعة يعني مش كل ما تفتح المفتاح النور يفضل قايد