▒ طوارئ (حلول وافكار هامه) ▒

**samaty** · 27-04-2014 10:26 PM

دا فيديو للدايرة اللي يتخلي النور يفضل مدة وبعدين يطفي واحدة واحدة
أنا استخدمت الشاحن بدل البطارية وقست الفولت عليه كان 14 فولت
وصلت سلك اللمبة لمدة ثانية واحدة ( كأنك فتحت النور وطفيته على طول)
هنلاحظ إن اللمبة فضلت قايدة لكن بقياس الفولت الواصل للمبة هنلاقيه بينزل تدريجيا واللمبة نورها بيضعف سنة بسنة لغاية ما اللمبة هتطفي في الآخر
https://www.youtube.com/watch?v=8_44...yer_detailpage

**samaty** · 27-04-2014 10:46 PM

المشاركة الأصلية كتبت بواسطة mohamed-adly

بص يافنان انا عايز الآتي

1- افتح العربية من الريموت نور العربية ينور النور الصغير ورا وقدام مش الإشارات " عايز اعمل حاجة مختلفة عن الناس"+نور الصالون

2- لما اقفل العربية بالريموت مثلا سايب كل نور العالي شغال والنور الصغير مش لازم اقفل من المفتاح لكن عاوز كل الانوار تقفل بمجرد ماقفل بالريموت

ملحوظة :

هل ده هيأثر علي ان لو قفل النور مع الريموت هيبقي مفتاح النور علي وضع تشغيله هيأثر سلبياً ع البطارية؟؟؟

بس هو ده الي انا عايز وقولي التكلفة ونتفق تبعتهملي شحن سهلة

بص يا باشا
دلوقتي أنا هعمللك دايرة تعمل الآتي
تقفل العربية بالريموت هيفصل كل النور بتاع العربية عالي وواطي وصغير ( هنفصل الكهرباء عن المفتاح اللي بيشغل الأنوار وبالتالي مش ممكن النور يشتغل إلا لو فتحت الريموت أو شديت دراع التقليب اللي بترعش منه النور) وده ولا له اي دخل مع البطارية

هتفتح العربية بالريموت هيوصل الكهرباء تاني لمفتاح النور ولو المفتاح مطفي النور هيكون مطفي اما لو المفتاح مفتوح فالنور هينور
بكل الأحوال أول ما تفتح الريموت النور الصغير هيقيد لمدة دقيقة سواء كنت فاتح المفتاح أو طافيه ومعاه نور الصالون
ماشي الحال؟
فكر معايا في المظهر اما يتعمل إزاي فسيبها عليا

**samaty** · 27-04-2014 11:25 PM

المظهر يعني اللي ظاهر للعين
يعني تقوللي أنا عايز الريموت يبطل العربية لو شغالة
تقولي أنا عايز التكييف يشتغل باللمس
لو عربيتك اتوماتيك تقوللي انا عايز الغي عصاية الفتيس واعمل مكانها زراير تاتش
تقوللي أنا عايز المارش يدور بزرار لمس
تقوللي أنا عايز أعمل الإزاز تاتش ( بس دي ما تنفعش معاك لان صعب تلغي مفاتيحك اللي في الباب)
دي تنفع بتاع فكترا ايه (يعمل الزجاج اللي ورا باللمس)
كده يعني
صداع انا مش كده؟

**samaty** · 28-04-2014 01:06 AM

أنا ممكن اركبلك دايرة ريموت تانية وأخليها تشغل الموتور من غير المفتاح كمان
لإن طبعا مينفعش نزود زرار في الريموت بتاعك
أما إنها هتدي فلاش دي فلو عايزها تدي 50 فلاش مفيش مشكلة
بكرة تكون الدايرة جاهزة

**FAR!D** · 28-04-2014 12:02 PM

الله ينور عليك والله واول ما اخلص من الشغل حبقى اشتري و اشتغل و انت طبغا معايا
بس لو انت من المنصوره و بعتلك حد تديله دواير ممكن ولا ايه؟

**samaty** · 28-04-2014 12:24 PM

المشاركة الأصلية كتبت بواسطة sherif moneer

حضرتك منين يا باشا

أنا من نوسا الغيط
تطلع من سندوب كأنك رايح أجا
هيقابلك
منية سندوب
نقيطة
سلكا
نوسا الغيط
في نوسا إسأل عن الشيخ إبراهيم السمطي
الناس كلها هتدلك على البيت
وممكن تكلمني
01004943985