الموضوع: اخر كلام

المشاركة الأصلية كتبت بواسطة حووووووده

ايه المشاكل الموجوده فى الاليزيه

فى بعض الاعضاء اشتكوا من البوجيهات و التيل بيخلصوا و بيتغيروا قبل معادهم
و الفتيس فى حاجة زى نتشة صغيرة او احساس بالنقلة ما بين الاول و التانى , بس دى مش مشكلة او عيب لان الفتيس تصميمه كده فا دى مش مشكلة و هتتعالج , بتختفى لو ظبط دوسة رجلك على البنزين بالتعود بتعرف تنقل امتى من غير احساس باى حاجة ..

ده كل اللى واجه الناس فى العربية دى , غير كدا العربية ما شاء كويسة جدا على سعرها من ثبات لفرامل لتقفيل لصاج لوسع الشنطة و الصالون لاسعار قطع غيار واداء .

نصيحة لو هتركب للسوق بلاش الاليزيه , لو هتركب عشان ركوبة محترمة توكل على الله

تحياتى , وانا معاك فى اى استفسار

المشاركة الأصلية كتبت بواسطة j a g u a r

السيتروين كويسه جدا بس مش اعتماديه

حضرتك بتقول مش اعتمادية بناء على ايه ؟ حضرتك جربتها ؟؟

لو حضرتك بتتكلم بناء على موضوع التيل و البوجيهات ( بالمناسبة هو محصلش معايا الى الان و لا تيل و لا بوجيهات )
هل عدم اعتمادية جزئين استهلاكيين زى دول يخلينا نقول ان العربية عموما مش اعتمادية ؟ !!!!!

ولو التوكيل بيركب انواع مش تمام , لو ركبنا نوع تانى جيد غير بتاع التوكيل , هتبقى كده المشكلة اتحلت , يبقى هى كده اتحولت من عربية غير اعتمادية الى عربية اعتمادية فى وجهة نظرك ؟

يا ريت حضرتك تقولى انت تقصد ايه بغير اعتمادية ؟؟ !!!