الموضوع: سؤال بخصوص ال صيانة لل بي واى دى

المشاركة الأصلية كتبت بواسطة mohhassan

عايزين كلام موثوق من حد عمل كده فعلا

أنا عملت كدة فعلاً

المشاركة الأصلية كتبت بواسطة moh_rag_abd

احكلكم تجربتي في تغير الزيت
في صيانة الالف غيرت زيت موبيل من عندهم ومكنشي فيه مشكلة
في صيانة ال5000 الاف جبت زيت توتال تخليقي 5w~40
ورحت التوكيل كلمت اللي هياخد امر الشغل قالي مينفعشي نغير زيت بره التوكيل
وخد بالك من دية قالي اهم حاجة يكون موبيل حتي لو جبته من برة هنحطهولك
المهم شديت معاه شوية دخلني للبشمهندس حسين (فرع القطامية)
قالي لو عايز تحط الزيت الموتور هيكون خارج الضمان
بعد الشد والجذب وبيقنعني ان الشركة قٌتلت بحثا في موضوع الزيت ولقت انسب زيت للعربية زيت موبيل
طبعا مش مقتنع بالكلام اللي ملهوش اي لازمة ده لان المهم المواصفات بتاعت الزيت وليس ماركة الزيت
المهم في الاخر بعد مناقشات وافق ان يغير الزيت بس قالي لازم تغيرو في صيانة ال 10000 بزيت موبيل من عندهم ( المفروض يتغير في صيانة 150000) المهم وافقت علشان اخلص من الموضوع ده

اللي انا شايفو انو بيكون فيه اتفاق بين التوكيلات وشركات الزيت فلازم يعمل كدا علشان الموضوع مينتشرشي وكل ملاك السيارة يجيبو زيت من برة (دي الزتونة بتاعت الموضوع) فيهددو بموضوع الضمان

بالنسبة لي أنا أكدت على المهندس (وكان أدام الناس كلها عشان اتجمّعوا) هل هيخرج المحرك من الضمان؟ فقال لأ فأكدت عليه تاني عشان أسمّعهم وتالت.. خليته يقولها أدامهم 3 مرات عشان الناس تعرف إن مفيش خوف من تغيير نوع الزيت.. وعموماً أوافقك بشدة إنه إتفاق فعلاً بين التوكيلات وشركات الزيوت المحلية.

المشاركة الأصلية كتبت بواسطة mohhassan

طيب انا داخل على صيانة 5000 كم هل اغامر بضمان ااموتور حتى لو كان من باب التهديد مع ان صوت الموتور عالى وحابب اغير لزيت تخليقى زى وولفر ،،، افيدونا ياقوم

هو في حد في الدنيا يحط زيت زي موبيل وان اللي درجته 20-50 لموتور زيرو؟؟؟؟؟؟؟؟؟؟؟؟؟؟؟ ده عقل؟؟؟.. ده كدة بتفحت الموتور وعاوز تجيب أجله قريب.. طب أقسم بالله لقيت مرة في مزيتة علبة موبيل دلفاك بتاعة مواتير الجاز مرسوم عليها التريلا الكبيرة دي ودرجته برضه 20-50..
يا باشا استخير وتوكل على الله، أنا غيرت لوولف 40-5 بعد صيانة الـ5000 على طول. وبصراحة فرق لا تتخيله.. قبل كدة كنت حاسس إني سايق كراكة زراعية وصوت الموتور على 2.5 rpm كان بيخليني أنقل عشان عاااااااااااااااااااالي أوي..

دلوقتي مبسمعش صوت الموتور غير بعد الـ 3 rpm وبيفضل صوته مريح لحد 4 كمان..

المشاركة الأصلية كتبت بواسطة hossam165

غير ولا تقلق شرط الالتزام بالمواصفات الموجودة بكتالوج السيارة
مافيش زيت هيتسبب في تعطيل موتور واذا حدث لن يحدث فجأة اكيد هيكون فيه مقدمات
توكل علي الله 90%من الاعضاء القدام في المنتدي غيرو زيت التوكيل بزيت اخر من بعد صيانة الاف

وأنا واحد منهم

المشاركة الأصلية كتبت بواسطة moh_rag_abd

محستش باي فارق يذكر ولسه صوت الموتور عالي بعد 100
توتال مش كتير بيشكرو فيه بس انا كنت تهت في موضوع الزيوت ده
فكنت في مشوار وقلت اول بنزينة هقابلها هشتري منها الزيت وقبلتني توتال فاشتريتو وريحت دماغي
بس اللي بيشكرو فيه فعلا زيت شل بس اهم حاجة تخلي بالك من المضروب

زيت توتال ب 290 جنية التخليقي

خسارة يا باشا.. لو تتعب نفسك شوية وتقرأ عن الزيوت هنا في المنتدى هترتاح كتير بعدها وانت سايق.. مبدأياً إبعد عن الزيوت المحلية لسهولة الغش فيها، خليك في المستورد (وولف، وولفر، فالفولين،..) ومن وكيله المعتمد لضمان عدم الغش إن شاء الله، ثم اختار الدرجة المناسبة (5-40 أو 5-30) زي ما الكتالوج بيقول وغير وشوف بنفسك. سعر وولف كان 300ج ولو كنت قلتله أنا تبع نايل موتورز كان حسبهولي بـ 290ج

المشاركة الأصلية كتبت بواسطة mohhassan

طيب انت عارف او قرئت مواصفات الزيت في الكتاولوج وهل مطابق لتوتال؟
انا او غيرت لولفر بس علشان الصوت لانه بصراحه عاملى ازعاج وحاسس ان الموتور مش مستريح !! اللى بقي هيجننى ان كتير من الاعضاء بيقولك الصوت هاااااااااادى

بص هو من ناحية إن صوت الموتور بيرتفع إبتداءً من 100كم وحتى 120كم ثم يعاود الإنخفاض تاني مع زيادة السرعة فوق 120كم ويبقى في معدله الطبيعي؛ ده حاجة موجودة في كل البي واي دي اللي بموتور 1600، وقتلت بحثاً ولها أسباب كتيرة خلاصتها (لا تسأل كيف إنها إرادة الله) لكن القصة إنك لما بتحط زيت كويس ودرجته مناسبة للموتور الصوت بيهدى خاااااالص وبتحس فعلاً إن الموتور مستريح، وحتى لما توصل لسرعة 120كم والصوت يعلى مبيبقاش مزعج ولا ملفت للنظر زي قبل كدة (ده عن تجربة)..

المشاركة الأصلية كتبت بواسطة moh_rag_abd

والصوت العالي مش مقياس لكفاءة الزيت

كلام سليم فعلاً، لكنه من العوامل اللي بتقدر تحدد بيها حالة الزيت في المكنة ومدى راحة المكنة معاه.