طيب ازاي نحافظ علي عربياتنا من التجريح ؟؟

**zakiali** · 09-10-2008 11:06 AM

أعوذ بالله .. بجد الموضوع ده يسمم الدم انا دايما لما بنزل وأكون مش مغطي العربيه الاقيها متخربشه والله حتي في مارينا مش عارف ده نحس ولا ايه مع ان عربيتي فيرنا يعني مش بي ام ولا بورش يعني عاديه مش مثيره للأحقاد اوي بس زيرو ويمكن هو ده السبب ان لما واحد مريض يشوف عربيه جديده كده وبتلمع وفوانسها بتلمع ولانج يروح يعلم عليها عشان يشل صاحبها .. والله بجد الموضوع ده مؤذي فعلا بحس اني انا اللي اتعورت مش العربيه لأني دافع فيها دم قلبي بس الناس مش مقدره كده ... بجد الواحد كل يوم بيكره البلد دي وبيعد الأيام والليالي عشان يطلع منها .. للأسف مهما كان معاك فلوس في مصر برده مش هترتاح فيها أبدا .. شوارع مكسره ناس حاقده موظفين يجيبو السكر زحمه وقرف فقر وبطاله , سرقه ونهب بجد مبقتش بلد يتعاش فيها للأسف .

.

**Goodle** · 10-10-2008 12:34 AM

المشاركة الأصلية كتبت بواسطة amir

لو الكلام هزار و فرفشه من باب قله الحيله يبقي تاخدها معاك البيت و تنيمها في حضنك
اما علي الواقع فده مرير و مفيش فابده
فراعنه اولاد فراعنه و الفرعنه تسري في عروقهم و هوايه الكتابه علي الجدران تطورت لتواكب العصر و تحولت الي الكتابه علي الالواح المتحركه( عربيه سيادتك) و ذلك لجعل الاعمال الفنيه تتمتع بأعلي نسبه مشاهده

ده اسمه الفن المسماري يا أستاذ أمير
يرجى مراجعة الموضوع الموجود في توقيعي للمزيد عن هذا الفن اللعين :)

**hanystar** · 10-10-2008 12:57 AM

المشاركة الأصلية كتبت بواسطة SAbuhashem

ويا بخت أصحاب السيارات القديمة بدون ECU علشان بكل سهوله ممكن يكهرب العربيه ويا ويله اللي يقرب منها لكن للأسف مينفعش في العربيات الحديثه

Thanks
Eng.Sherif Shaker

إيه الـ ECU دة وليه مينفعش فى العربيات الحديثة ؟؟!!!!

**SAbuhashem** · 10-10-2008 04:57 PM

ECU الكنترول يونيت اللي بتتحكم في موتور العربيه من حيث نسب الهواء والبنزين والشراره الكهربائيه ولها وظائف تانيه عديده

Thanks
Eng.Sherif Shaker

**amir** · 10-10-2008 05:00 PM

بما ان الشيء بالشيء يذكر
انا افتكرت حاجه كنت قريتها او سمعتها زمان
سمعت ان في نظام تأمين للعربيات المرسيدس
لو الحرامي اقتحم العربيه القزاز بيقل و العربيه بتحبسه جواها مع سريان تيار كهربائي قوي في جسم العربيه لحبسه بداخلها
ممكن الاعضاء يأكدو او ينفو الموضوع ده
و الله اعلم

**shanodaa** · 11-10-2008 02:06 AM

المكتوب مكتوب
انا ساكن في العاشر والدنيا وسعه
بس الاطفال هما اساس المشكله
بيخربو كل شيئ حتي فوانيس نور الشوارع بيلعبو عليها نشان واللي يكسر الفانوس هو الكسبان

**Dr. Elsaadani** · 11-10-2008 08:28 AM

الحل معروف يا جماعة وبدون حرق دم

نبيع العربيات كلها خالص للى متعودين يخربشوا ونبدا احنا نخربش لهم ونشوف هما حيعملوا ايه ساعتها وبعدين نرجع العربيات ونعمل اللى هما حيعملوه

ههههههههههههههههههههههههه ههههههههههههههههههههههههه ه

**Yarisawy** · 13-10-2008 02:43 PM

انا رأى

- استعمال غطاء محترم للعربيه يكون سميك ولا يلم تراب ويغطيها كلهاوان تغطيها فى اى حته ولا تكسل
- يكون فيها جهاز انذار
- استعمل قطعه قماش طريه لعدم جرح العربيه عند تنظيفها ,
- لا تجعل السايس ينظف بالقماش اللى معاه اشترى انت واحده "فى انواع فى كارفور كويسه " جلد غزال
- لما تكون العربيه متربه لا تمسح بالقماشه حاول تذيل التراب بالمياه اولا "ولو الغطاء نوعه كويس فده هايمنع التراب"

**ahmad7610** · 13-10-2008 03:11 PM

تغطيها ولما تركن بالليل تغطيها فى جراج .. يعنى اختيار 1 و 2 مع بعض
.....وبكده يبقى حتقلل الخدوش ... لكن ماينفعش ما تتخدش ده انت فى مصر .....
-----

مشاهدة نتائج الإستطلاع: كيف تحمي سيارتك من التجريح و الخدوش

الموضوع: طيب ازاي نحافظ علي عربياتنا من التجريح ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

تعالوا نعرف ازاي نغير تيل و طنابير الفرامل و ازاي نحافظ ع الفرامل

تعالوا نعرف مع بعض ازاى نحافظ على عربياتنا

الكبالن .... ازاي نحافظ عليها؟

نحافظ على عربياتنا شويه ازاى؟؟؟

ازاي نحافظ علي الفتبس الاتومتيك

الكلمات الدلالية لهذا الموضوع

المفضلات

المفضلات

ضوابط المشاركة