الموضوع: مشاكل البيجو 301

بسم الله الرحمن الرحيم

السلام عليكم ورحمه الله وبركاته

الموضوع معمول للمشاكل اللى لاحظتها بعد العشر الاف كيلو وانا عربيتى عامله 11 الاف مش معنى كده ان العربية وحشه وانى بقول عيوبها يبقى كلها عيوب انا عامله علشان ماعنديش وقت اعمل تقرير شامل عن العربية فهقول المشاكل واخواتى ملاك ال 301 يقدروا يضيفوا او ينفوا حاجه مفيش مشكلة بس علشان اللى هيشترى جديد يعرف اية المشاكل اللى ممكن تقابله ويحلها

هبدا بالبسيط بس برده مهم علشان ميحصلش مع الناس زى ماحصل معايا

1-خرطوم المياه ومشكلته وانت بترخص عند رفع البصمة عامل البصمة ممكن يدوس عليه ويغير مكان ويتقرب للمروحه ويتقطع فاى واحد بيرخص ستروين او 301 يخلى باله ان الخرطوم فى مكانه

2-صوت الماتور العالى وده بالنسبة ليا مش عاملى مشكلة لانه بيحفزنى زى الموتسكيلات الريس كده ولو قافل الازاز ومعلى الصوت على 15 نص درجة الصوت بيبقى صوته مش ظاهر وممكن تركب عزل هتلاقى الاخوة متكلمين عليه

3-التكييف اديله 60 % بالنسبة لليابانى بالنسبة للسواق والراكب جنبه كويس مش ممتاز

4-تيل الفرامل بمجرد ماتسمع صوت صفارة روح التوكيل وطالب بتغيره يقولك شوية تراب قوله شيله وخلى صوت الصفارة يروح ومتسبش حقك ومش دى المشكلة الكبيرة

5-سحب العربية اعتبره جيد بالنسبة للى بيحب التسارع الصراحه مجربتش اجرى بيها او اقرص عليها فى الطلعه ادائها راضينى بس من 0 ل100 بحس انه متوسط وللتاكيد مجربتش ادوس كيك دوان او استخدم الوضع الرياضة ولا حتى المانيول ولما اجرب هقول علشان ابقى واضح ومحدش يقولى اديك بتقول الماتور ضعيف انما التسارع من 100 لحد 180 كويس جدا وبيجمع بسرعه

لحد دلوقتى كل المشاكل اللى فوق منقيمش بيها العربية بنسبة كبيرة اهم مشكلتين هما اللى جايين

التوكيل واستهباله اسعار التوكيل واسعار قطع الغيار زيها زى الاكسنت ار بى وفيه حاجات ارخص وتقدر تراجع الموضوع ده
http://www.nilemotors.net/Nile/418448-a.html
انا مكملتش الموضوع لانى لقيت فيه كلام كتير وقلت ماشغلش دماغى خصوصا ان وحوش البيجو موجودين وانا مش فاضى اليومين دول لانى مشغول شوية

نرجع للتوكيل بيستهبل فى اية ؟ يقولك هغيرك كذا مثلا قبل معاده المهم تكون فاهم انت بتعمل اية ومحدش هيقدر يضحك عليك يعنى كان عايز يدفعنى 850 فى صيانه ال 10 الاف ويغيرلى فلاتر دخلت المنتدى وكلمت ابراهيم وسالته وقالى المفيد وخليته ميغيريش حاجة وبعدها فيه سعر مصنعية ماعجبنيش قولتلهم مش هدفع كده يبقى خلصت موضوع التوكيل واعتقد زيه زى غيره من التوكيلات

المشكلة الكبيرة وهى مشكلة النتشة واللى مبتروحش مع السوفت وير واللى هى غالبا مشكلة فى الفتيس بالتفصيل المشكلة بتجيلك على الغيار التانى تحس ان العربية بتنتش نتشة واحده رجة واحده يعنى مفيش تقطيع اكتر من مرة ولما سالته قال كلام ميكانيكا كده ومفهمتش وقالى انت بتدوس بنزين مرة واحده

مشكلتى معاها انى لما بكبس بتيجى على الرابع مثلا ودى بتبقى مشكلة كبيرة لو جت فى عرزة وللاسف جت فى غرزة من يومين وانا على الدائرى بتطلع من عربية ووالعربية بتنقل على التالت نتشت وتحس انها وقفت ورجعت جمعت فى ثوانى وممكن فى وقفتها دى لقدر الله تحصل حادثة ربنا يسترها علينا وعليكوا

كده خلصت يا جماعه تقرير المشاكل واكتر مشكلة معايا النتشة والتيل اللى ان شاء الله هغيره فى الضمات بمشكلة مع التوكيل وهبقى اقولكوا عملت اية ونشوف موضوع النتشة ده هيخلص على اية

مش عايز اكد ان العربية دى عيوبها بس ومش معنى كده انها وحشه او متستهالش لا هى جميلة واحسن من سعرها بس الموضوع معمول للمشاكل بس علشان الجديد يعرف كل حاجة ويحدد وقتها يشترى اية

وفى الاخر برده تانى العربية جميلة وانا عن نفسى راضى عنها غير مشكلة النتشة دى وان شاء الله تتحل

مشكلتى معاها انى لما بكبس بتيجى على الرابع مثلا ودى بتبقى مشكلة كبيرة لو جت فى عرزة وللاسف جت فى غرزة من يومين وانا على الدائرى بتطلع من عربية ووالعربية بتنقل على التالت نتشت وتحس انها وقفت ورجعت جمعت فى ثوانى وممكن فى وقفتها دى لقدر الله تحصل حادثة ربنا يسترها علينا وعليكما

هو ده العيب الوحيد عندي في العربية

المشاركة الأصلية كتبت بواسطة ابو هنا

مشكلتى معاها انى لما بكبس بتيجى على الرابع مثلا ودى بتبقى مشكلة كبيرة لو جت فى عرزة وللاسف جت فى غرزة من يومين وانا على الدائرى بتطلع من عربية ووالعربية بتنقل على التالت نتشت وتحس انها وقفت ورجعت جمعت فى ثوانى وممكن فى وقفتها دى لقدر الله تحصل حادثة ربنا يسترها علينا وعليكما

هو ده العيب الوحيد عندي في العربية

يعنى انت عندك نفس مشكلة النتشة وبتجيلك على الرابغ؟

المشاركة الأصلية كتبت بواسطة Ahmed Amin

متدوسش كيك داون,
الأفضل أنك تنقل علي الاستيب ترونيك علي طول, وأدي عصاية الفتيس زقة ناحية ال (-)
وهتلاقيها جابت تالت لو كنت رابع,, أو هتجيب تاني لو كنت عال تالت.

ودوس هتطير بيك,, وبعد ما تخلص الحاجة اللي كنت بتعديها أنقلها عال d تاني
وهيا هتاخد رابع أو الغيار المناسب بالنسبة للسرعة اللي ماشية عليها في لحظتها.

يعنى عادى انقل مانيول وانا ماشى بال d ولو نقل هينقل على الاول ولا هييجيب الرابع

ونفس السوال فى الوضع الرياضى لازم اتحرك بيه من اول مادور ولا ينفع فى وانا ماشى بيها وازاى اعرف انه شغال ومش شغال

المشاركة الأصلية كتبت بواسطة Ahmed Amin

عادي جداً ممكن تنقل من أوتوماتيك D للمانيوال M في أي وقت,
ومن المانيوال M للأوتوماتيك D في أي وقت برضه.
لأن المانيوال مش وضع ولا غيار مختلف عشان يأثر علي الفتيس أو يضره في حاجة.
كدا كدا الفتيس الأوتو 4 سرعات, ولما أنت بتحطها علي D هيا بتجيب أول وبعدين تنقل تاني وتالت ورابع لوحدها علي حسب كل ما سرعتك تزيد وعلي حسب دوسة رجيلك ممكن هيا تأخر النقلة شوية لو دايس جامد عشان تديك سرعة أعلي, أو تخلي النقلة بدري عشان توفر في البنزين.
فانت لما بتطلع بيها D وبتنقلها علي M أنت بتثبتها علي غيار واحد أو بتنقل الغيارات براحتك أنت.
ومفهاش أي ضرر ولا تأثير علي الفتيس لأن دا وضح بيتيح لك أختيار الغيار بس, بدل ما العربية تختار هيا أوتوماتيك.

بللنسبة لسؤالك لو نقلت للمانيوال هتنقل علي الرابع لو كنت ماشي علي ٨٠ مثلاً لأنها هتكون واخدة رابع.
وممكن تجيب وضع الاسبورت قبل ما تتحرك, أو وهيا ماشي عادية.
وتفصله برضه في أي وقت عادي.

أنا كنت كاتب شرح لسواقة الفتيس من الالف للياء بالموضوع دا,
http://www.nilemotors.net/Nile/37413...post3875140869
مش عارف أنت قريته ولا لأ.

أقراه لو كنت لسه مقرأتهوش,,

ودا رد في موضوع تاني كنت شارح فيه طريقة التعامل مع الفتيس بشكل أفضل, عشان تاخد منه أعلي أداء,
http://www.nilemotors.net/Nile/38710...post3875267061

ولو لسه في أي حاجة مش فاهمها أو حابب تتوضح لك أبعت لي وأنا تحت أمرك.

حبيبى يا ابو امين منك بنتعلم يا كبير انا هقراء الموضوع واجربه عملى واقول اية اللى حصل بس مشكلة النتشة معايا فعلا بس نشوف باقى الاوضاع لانى لحد دلوقتى مجربتش ولا مانيول ولا وضع السبورت ونشوف سحب العربية واحاول اجريها شوية

بس قولى انت مش ناوى على ال 2008 انا من اول ماشوفت صورتها وانا مشدود ليها يا راجل انا فاكرت ابيع ال 301 واجيبها بس قلقت لواالدى يقولى كلام وحش

نفسى اعرف تكييف بيجو 301 هل هو وحش ولا يبرد السيارة خصوصا مع دخول الصيف والجو بدا يحرر هل التكييف بيخنئ فعلا العربية ياريت اللى يرد اللى جرب التكييف فعلا

المشاركة الأصلية كتبت بواسطة mohamed_301

التكييف على 1 بليل ممكن يسقعك
التكيف ع 2 الصبح هتشغله تلت ساعه هتبقى عايز تنزله على 1
عموما التكيف جميل
انا جربته مره واحده بس

هو الصبح محتاج تستني 20 دقيقة علشان التكيف يبرد العربية؟
يعني مجرد مابتفتح التكيف بيبرد في قد ايه بالظبط وتبدا تحس بيه؟ اصل 20 دقيقة شايفها كتير بصراحة