الموضوع: تجربة شخصية ونصيحة هامة لراغبي شراء ال بيچو ٥٠٨ من الخليج

الله ينور عليك يا باشا
انا معايا 3008 فى السعودية اشتريتها علشان ابقى انزلها مصر وانا نازل نهائى وكنت بدأت اندم على الفكرة دى لكن موضوعك صحى فيا الامل تانى

بس ماتعرفش بقى سعر ال 3008 العالمى كام؟ او حتى تفيدنى لو هو اغلى من ال 508 ولا اقل؟

وكمان فى سؤال بالنسبة لصديقك هو طبعا بالسعر ده كان شاريها قسط او ايجار منتهى بالتمليك....هل فى اى مشكلة واجهته وهو منزلها؟

اخر سؤال واسف على الاطالة ...هل تخفيض الجمارك على السيارات الاوروبية يشمل السيارات اللى جايه عن طريق الخليج؟ ولا اللى جاى من اوروبا مباشرة بس؟

وجزاك الله خير

المشاركة الأصلية كتبت بواسطة pop2000

mmohiey باشا انا في السعودية كمان وكنت بفكر اخد 3008 عشان انزلها فقولي ليه انت ندمان

والله ياباشا الاسباب كتير زى عدم انتشار العربية فى مصر وضعف الوكيل على ما سمعت من الناس هنا فى الموقع وكمان كل ما اسأل حد فى مصر ينصحنى انى ما انزلهاش علشان هى تعتبر عربية تقيلة فى اعادة البيع وانت عارف ان العربية فى مصر تعتبر فلوس لو اتزنقت فى يوم من الايام ممكن تبيعها وتمسك فلوس
وبعدين كمان انا كنت عامل حسابى انزلها بعد ما اكون خلصت اقساطها وقعدت بيها هنا خمس ولا ست سنين واستفيد بنسبة الخصم لكن فى ظل قوانين السعودة الجديدة بواجه مشكلة انى ممكن انزل الايام دى والعربية لسه ماكملتش 3 سنين معايا وعليها اقساط فجيت حسبتها لو دفعت الباقى عليا كاش ونزلتها وجمركتها هابقى دفعت مبلغ محترم حوالى 160 الف جنيه وطبعا انا مش محتاج اقولك ان المبلغ ده يركبنى عربية محترمة فى مصر من غير وجع دماغ الجمارك وتخليص الاوراق والروتين بتاع الحكومة المصرية ده غير كمان انى لما عملت بحث فى موقه كونتاكت كارز لقيتها بتتباع مستعملة بنفس السعر ده تقريبا
اسف على الاطالة لكن باختصار عايز اقولك فكر فى الموضوع كويس جدا واحسبها من كل النواحى قبل ما تعمل الخطوة الجريئة دى علشان انا تقريبا استقريت بنسبة 85% انى مانزلهاش بالرغم من انى هاخسر كل اللى دفعته فيها لحد دلوقتى
وياريت لو حد فى المنتدى هنا عنده نصيحة او تعقيب على كلامى يفيدنى

وشكرا