الموضوع: لا تعليق وذهوووووووول !!

معلومات سريعة عن برج دبي:

يبلغ ارتفاعه 630 متر....يعني فوق النص كيلو....متفوق علي برج تايبيه 101 اللي كان أطول برج في العالم بطول 500 متر

فيه نظام امتصاص لقوة الرياح فريد من نوعه....الأدوار العليا مصممة بحيث انها تتحرك 1.5 متر في جميع الاتجاهات حسب اتجاه الريح....و الي هايقعدوا في الأدوار دي هايحسوا في بعض الأوقات انهم راكبين عربية من حيث التسارع و التباطؤ...بس طبعا مش محسوس أوي

الأدوار السفلية منه غير مستخدمة تماما....عشان الحيطان و أعمدة الخرسانة واخدة كل المساحة

المصعد بتاعه بيتحرك بسرعة 10 متر في الثانية :)

البرج ممكن رؤيته في يوم صافي تماما علي بعد 95 كيلو!!!

في البرج من تحت هايبقي فيه أكبر مول تجاري بالعالم....دبي مول

_______________________________________

من الأحلام اللي انا حاطتها لنفسي ان شاء الله ان أزور البرج ده و اطلع في المزار اللي فوق....اللي هو أعلي مزار في العالم برده :)

المشاركة الأصلية كتبت بواسطة MohabSaeed

الابراج و ناطحات السحاب و المنشئات السياحيه اكيد طبعا مش دليل على الحضاره , بس دليل على التحضر

يعنى احنا بلد الحضاره .. عندنا عشش بيقع عليها جبل و محدش بيعرف ينقذهم بسرعه علاشان مافيش طريق للمعدات انها تدخل .

احنا بلد الحضاره لما حضرتك تمشى فى اى مكان فى القاهرة ماتلاقيش اى نوع من التناسق المعمارى او الف

نشوف الفن المعمارى فين فى وسط البلد و مصر الجديده " الى صممها مهندسين اجانب "

دلوقتى لو مشيت فى اى مكان حتى المدن الجديده بلاقى عشوئيات مش مبانى و عمارات .


ياريت احنا بس نخطط و نجيب حد من بره ينفذ و القاهره تبقى فعلا مدينه حضاريه سياحيه .... مش عشوائيه

و حتى لما بنيجى نخطط و ننفذ مدن و مبانى فيها فن معمارى و نظام , بنهاجمها و نقول مين المجنون الى يشترى شقه ب 600 الف جنيه فى الصحراء . !

و لو اتكلمنا على التعليم و الصحه و الصناعه و الاختراعات " فحدث ولا حرج " .

انا عندى اعيش فى مكان زى دبى اهله كانو لغايه 30 سنه فاتت بيرعو الغنم , على انى اعيش فى مصرالى ليها اقدم حضاره فى العالم ,بوضعها الحالى .

كفايه ان شركه زى " موانى دبى " فازت بعقد تشغيل ميناء فى الولايات المتحده .... ده دليل على ايه ؟

محدش يقول ان " الفلوس بس " هى الى حولت الامارات لكده . لا الكلام ده غلط

لان السعوديه مثلا اكبر منتج للبترول فى العالم مش زى الامارات لا فى التحضر ولا فى السياحه ولا الاقتصاد و الصناعه . كلنا شايفين شركات البناء فى الامارات عامله ازاى ... اعمار و تعمير و غيرها و غيرها .

الموضوع موضوع قائد بيقود بلد و بيفكر و بيخطط و الاهم انه بينفذ .

+1000000000000000000000

الموضوع موضوع قائد بيقود بلد و بيفكر و بيخطط و الاهم انه بينفذ

المشاركة الأصلية كتبت بواسطة blazer

احنا علطول مش عاجبنا حال الدول العربيه
لازم نحس اننا احسن منهم
احنا يا جماعه منجيش 1 على الف مليار مليار من اللى وصلتله دبى و الامارات او حتى الكويت
مش فلوسهم بس هى اللى عملت كدا ما فى دول كتير معاها فلوس بس هما عاوزين يعملوا بلدهم و بيحبوها
مش زينا شاطرين نقول الاهرامات لغايه اما إن شاء الله يتهدوا و نقعد ساكتين

+1000000000000000000000
إحنا حتى بنصونهم غلط وفي الآخر نروح نجيب المانيا واليونسكو عشان يعملوا الصيانة ويغيروا الزيت ويكشفوا على العفشة

المشاركة الأصلية كتبت بواسطة wawoo

هو اية الفكرة اساسا من بناء ناطحات سحاب فى الصحراء , يعنى هل من قلة الاراضى الصحراوية
دة الدول الاوروبية بطلت تبنى ناطحات سحاب من سنين , بالرغم ان اسعار الارضى اغلى بكثير فى اوروبا .
و المانيا نفسها اللى هى يتبنى هذة الاناطحات فى دبى, بتسخر فى دخلها من اصحاب هذة الابراج ,و دة فى برنامج كنت شوفتة فى قناة المانية .
و بيتسائلو عن سبب البناء بهذة الطريقة المكلفة جدا فى الصحراء ,
و قد كان من الممكن بناء مدينة كاملة بنصف ثمن هذة الابراج .
والعجيب بقة ان ممكن جدا فعلا ميقدروش يكملو هذة الابراج من موجة الكساد العقارى القادمة

لكن هوة اكيد انها من علامات الساعة , التطاول فى البنيان من علمات الساعة الصغرى .

بصراحة انا مش شايف ان ده غلط لأن اللى اتصرف على بناء البرج ده هايرجع من السياحة اللى هاتجيب دخل رهيب لدبي أكتر من اللى هية فيه ده حتى وده كله بتخطيط وتفكير ابنائها حتى لو استعانوا بتكنولوجي أجنبي أو إقتبسوا بعض الأفكار من هنا أو هنا

الولايات المتحدة الأمريكية كانت مصدعة دماغ العالم بمركز التجارة العالمي وبتفتخر بإنه أعلى بناء في العالم ... وكان يدر عليها من مجرد السياحة والزيارات التي لا تنقطع له مبلغا خياليا ... وكان جزء لا يتجزأ من الإقتصاد الأمريكي (أمال همة اتحرقوا عليه قوي كده ليه لما وقع لأن فعلا الضربة جت في مقتل

وماليزيا (أهي مسلمة أهي) بقت هية اللى بتفتخر بامتلاكها لأعلى بناء في العالم بعد هدم مركز التجارة العالمي وبرضه البناء ده بيدر دخل مالي ضخم جدا من السياحة والمعاملات المالية من خلاله والى كل دول العالم لدرجة انه بقى من أكتر المباني تأمينا في العالم خشية حدوث مكروه له

إشمعنى غير العرب لما يعملوا ويفتخروا يبقى عادي وننبهر باللى بيعملوه واحنا لما نعمل يبقى سفه وتبذير

دبي مدينة واخده دلوقتي أكبر معدلات نمو وتطور ومن أكبر مدن العالم تخطيطا وتنظيما من فم غير العرب انفسهم ... وقت مقصد أثرى أثرياء العالم لينفقوا أموالهم فيها وهو الأمر الذي عاد على الإمارات العربية كلها بالنفع ومصادر دخلها القومي مابقتش شوية بترول وخلاص لأ بقى فيه صناعة وفي انتاج وفي سياحة وكل حاجة ده حتى بقى فيه زرااااااااااااااااااااااا اااااااااااااعة في وسط الصحراء من غير نيل ولا حاجة وبقوا بيصدروا لمصر كمان

إفتكرت لما المهندس اللى قام بتصميم وبناء مبنى شركة بترول إنبي (اللى في ذاكر حسين في مدينة نصر) اتحاكم واتفصل من قيادة الشركة لأنه سفيه وأهدر أموالها فيما لا داع له (وان كان إحنا في مصر في جزء فعلا من الكلام ده صحيح لأن الأولى الفلوس تتصرف على أمور حيوية أكتر من كده في البلد) ... لكن شوفوا دلوقتي المبنى جايب لشركة انبي مبلغ قد ايه وعرفت كمان ان في عروض كتير جاتلها من شركات أجنبية لشراء المبنى وبملايين

المشاركة الأصلية كتبت بواسطة PRO-DRIVE

حد فكر قبل كدا يقارن ارقام السائحين اللي بيروحوا "اماره" دبي و جمهوريه مصر العربيه ؟؟

مصر بيخشلها من السياحة ما يقارب 2 مليار دولار (مش متأكد قوي) وهية فيها ثلثي آثار العالم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انا معرفش دبي قد إيه

بس خد عندك دي

أسبانيا (اللى مافيهاش غير الآثار الإسلامية القديمة بالإضافة لدولة حديثة نظيفة ومتطورة) بيدخلها من السياحة 60 مليار دولار

يعني المفروض ان احنا نقفل السياحة عندنا ونولع في الآثار دي وطظ في الأتنين مليار دولار دول اللى بيزللونا بيهم وكل ماتيجي رايح الحسين ولا داخل الهرم ولا تشوف الأقصر ولا أسوان ولا تروح شرم ولا الغردقة ولا تدخل معبد فيلة ولا رمسيس يطلع عين أهلك عشان تجيب تصريح وتضرب بالجزمة وتتفتش وتتبهدل وفي الآخر يمكن متعرفش تدخل لمجرد ان انت مصررررررررررررررررررررررر رري والسياح داخلين طالعين قدامك لمجرد انهم سياح ييجوا البلد يسكروا ويرتكبوا كل أنواع الموبقات فيها وقدام عنيك والحكومة ساكتالهم عشان اتنين مليار دولار

وعلى فكرة هما بييجوا مصر لأنها من أرخص الدول دلوقتي للسياحة بالنسبة للأجانب (نتيجة للسياسة الحكيمة بتاعة وزارة السياحة والحكومة من وراها) يعني اللى بيجولنا هما المعفنين البخلا اللى مابيصرفوش أساسا

ده كل عربية سياحة معفنة بتلاتة مليم مافيهاش غير أربع سياح مثلا بيمشي وراها عربية شرطة واتنين عساكر وأمين شرطة تأمين جوة العربية غير السواق ولما انت تتصل بالنجدة ابقى قابلني لو جت

البرج ده مبني لمين بالظبط؟؟؟
ده لو جمعوا الاماراتيين كلهم على بعض مش هايملوا البرج كله!!!!!!!

المشاركة الأصلية كتبت بواسطة wawoo

صدق الله العظيم ,
هو اية الفكرة اساسا من بناء ناطحات سحاب فى الصحراء , يعنى هل من قلة الاراضى الصحراوية
دة الدول الاوروبية بطلت تبنى ناطحات سحاب من سنين , بالرغم ان اسعار الارضى اغلى بكثير فى اوروبا .

و المانيا نفسها اللى هى يتبنى هذة الاناطحات فى دبى, بتسخر فى دخلها من اصحاب هذة الابراج ,و دة فى برنامج كنت شوفتة فى قناة المانية .
و بيتسائلو عن سبب البناء بهذة الطريقة المكلفة جدا فى الصحراء ,
و قد كان من الممكن بناء مدينة كاملة بنصف ثمن هذة الابراج .
والعجيب بقة ان ممكن جدا فعلا ميقدروش يكملو هذة الابراج من موجة الكساد العقارى القادمة

لكن هوة اكيد انها من علامات الساعة , التطاول فى البنيان من علمات الساعة الصغرى .

فعلا من علامات الساعة اللي هي الحفاة العراة رعاة الشاة يتتطاولون في البنبيان
وده مقصده اهل الجزيرة العربية وده فعلا اللي حصل ربنا يستر

المشاركة الأصلية كتبت بواسطة NYSMA

مصر بيخشلها من السياحة ما يقارب 2 مليار دولار (مش متأكد قوي) وهية فيها ثلثي آثار العالم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انا معرفش دبي قد إيه

بس خد عندك دي

أسبانيا (اللى مافيهاش غير الآثار الإسلامية القديمة بالإضافة لدولة حديثة نظيفة ومتطورة) بيدخلها من السياحة 60 مليار دولار

يعني المفروض ان احنا نقفل السياحة عندنا ونولع في الآثار دي وطظ في الأتنين مليار دولار دول اللى بيزللونا بيهم وكل ماتيجي رايح الحسين ولا داخل الهرم ولا تشوف الأقصر ولا أسوان ولا تروح شرم ولا الغردقة ولا تدخل معبد فيلة ولا رمسيس يطلع عين أهلك عشان تجيب تصريح وتضرب بالجزمة وتتفتش وتتبهدل وفي الآخر يمكن متعرفش تدخل لمجرد ان انت مصررررررررررررررررررررررر رري والسياح داخلين طالعين قدامك لمجرد انهم سياح ييجوا البلد يسكروا ويرتكبوا كل أنواع الموبقات فيها وقدام عنيك والحكومة ساكتالهم عشان اتنين مليار دولار

وعلى فكرة هما بييجوا مصر لأنها من أرخص الدول دلوقتي للسياحة بالنسبة للأجانب (نتيجة للسياسة الحكيمة بتاعة وزارة السياحة والحكومة من وراها) يعني اللى بيجولنا هما المعفنين البخلا اللى مابيصرفوش أساسا

ده كل عربية سياحة معفنة بتلاتة مليم مافيهاش غير أربع سياح مثلا بيمشي وراها عربية شرطة واتنين عساكر وأمين شرطة تأمين جوة العربية غير السواق ولما انت تتصل بالنجدة ابقى قابلني لو جت

الفلوس مستخبية دي تريكة وبتتقسم على مزاجه كلنا فاهمين الفلوس بتروح فين
حسبي الله ونعم الوكيل