بريدجستون تورانزا gr90 ب 640 جنيه مقاس 14 ليييييييييييه

**ahmednabeah** · 04-05-2014 05:10 PM

انا لقيت فى المقاس ده لاسا بس مش عارف قلقت منه وقولت حاستنى لغايه لما اشوف تجربتك معاه
,معاه شكلى حستنى كتير قوى

**mohabelnegm** · 04-05-2014 09:38 PM

المشاركة الأصلية كتبت بواسطة m6r1282

الكومهو الفيتنامي غير الكوري تماما في الجودة، وده كلام بياعين الكاوتش نفسهم

وربينا يباركلك فيه، وفعلا الكاوتشات نصيب.

الفيتنامى كويس جدا عن تجربة سابقة قبل البريدجستون , الفرد ألأربعة اللى أنا ركبتهم مرضيين جدا فى أدائهم و مش بيلموا ظلط و فيهم طراوة كويسة جدا . و انتاج حديث قى 2014. فى ألأجمال راضى جدا عن الفيتنامى . فيتنام دولة محترمة فى صناعاتها, فى أوروبا منتجات كتير محترمة تلاقيها صنع فيتنام.

**hossam_elwani** · 05-05-2014 01:33 AM

كله ركب موجة الغلاء

**ahmed_elshafey** · 05-05-2014 02:54 AM

على فكرة أنا مش شايف أى مشاكل فى الأسعار دي لأ و بالعكس حلو أوى. هو لما يكون كاوتش بريدجستون 14 طبيعى فيه أوى السعر ده. طبعا فى بدائل كتير تانية و تعيش معاك برضه بس هتفرق جامد فى الأداء. أنا عن نفسى مركب بريدجستون قدام عشان ناشفة و بتساعد فى الفرملة و السحب و ميشيلين ورا. كنت جايب البريدجستون ب 600 عشان كانت عدتلها شهرين و الميشيلين ب 720. أى نعم طبعا دى مش حاجة كويسة لأن الكاوتش لو حصل فيه حاجة يبقى اتخرمت خالص بس عشان العربية على طول سفر رايح جاى و بعملى 300 كيلو فى الأسبوع, عارف D: جنان بس هى دى لزوم الحياة.
طبعا لو الاستخدام عادى و فى المدينة ما انصحكش خالص تجيب غالى لأن مش محتاح الفرق فى الأداء و فى نفس الوقت ممكن بحصل حاجة للفردة و تندم فتجيب حاجة لو اتصابت ما يتزعلش عليها طبعا. فدور فى الحاجات التانية زى Nexen أو Kumho. و الكومهو اللى ركبته هيعيش معاك حلو جدا و مش هيتعبك خالص على فكرة, و ألف مبروك.

**ahmed_swealam** · 01-06-2014 12:18 AM

طب يا جماعة انا معايا لانسر 1300cc موديل 2007 الكاوتش 14 طبعا تنصحونى بأفضل كاوتش ايه لانى ناوى اغير فى خلال الاسبوع دة ولو كومهو اجيب موديل ايه داخل كومهو

**the lawyer** · 01-06-2014 01:32 PM

هات يوكوهاما سي درايف .. فردة يباني محترمة جدا وسعرها حيقل 200 جنيه عن سعر البريدجستون

**carrier** · 01-06-2014 06:10 PM

تسمحوا لى اعلق

الاخ اللى قلقان من اللاسا متقلقش دى من السته الكبار

الكومهو كاوتش قديم مقامه بلالين للعيال والفيتنامى منه كناسة الكاوتش فى العالم

كاوتش ملوك الاحترام كالاتى

دانلوب اليابانى فقط
البريدجستون اليابانى فقط
التويو اليابانى فقط
الميشلان الفرنساوى فقط
الفالكون اليابانى فقط
اللاسا التركى من مصنع بريدجستون غبور

مع شديد احترامى ل س درايف والكونتنتال والجوديير مش للطرق المصرية خالص

**ahmad--ezzat** · 01-06-2014 07:15 PM

المشاركة الأصلية كتبت بواسطة carrier

تسمحوا لى اعلق

الاخ اللى قلقان من اللاسا متقلقش دى من السته الكبار

الكومهو كاوتش قديم مقامه بلالين للعيال والفيتنامى منه كناسة الكاوتش فى العالم

كاوتش ملوك الاحترام كالاتى

دانلوب اليابانى فقط
البريدجستون اليابانى فقط
التويو اليابانى فقط
الميشلان الفرنساوى فقط
الفالكون اليابانى فقط
اللاسا التركى من مصنع بريدجستون غبور

مع شديد احترامى ل س درايف والكونتنتال والجوديير مش للطرق المصرية خالص

مع احترامي انا بقي
كلامك ملوش دعوه بارض الواقع

يعني الكومهو مش كناسه كاوتش ولا حاجه

ياما قعد معايا 60 و 70 الف كيلو وحمال قاسيه

ال bmw بتنزل ب جوود يير وكونتيننتال

الكومهو فرده محترمة بس للاسف خدت سمعه البلالين دي من السيراتو ام جنوط 17 اللي اصلا من وجهت نظري تصميم سازج للفرده واي فرده علي 45 هطلع بلالين

**carrier** · 01-06-2014 08:38 PM

المشاركة الأصلية كتبت بواسطة ahmad--ezzat

مع احترامي انا بقي
كلامك ملوش دعوه بارض الواقع

يعني الكومهو مش كناسه كاوتش ولا حاجه رايك لانك ادبست فيه

ال bmw بتنزل ب جوود يير وكونتيننتال هما كده صح عندهم و = صفر فى الطرق المصرية

الكومهو فرده محترمة بس للاسف خدت سمعه البلالين دي من السيراتو ام جنوط 17 وركبتها علشان صعبت عليك يعنى

انا احترم حضرتك وكمان رايك اكيد .... بدليل انك سبت الفالكون ورحت جبت كاوتش اقل ما يقال عنه

انه دون المستوى

انت فعلا استاذ فى تقييمك لارض الواقع

تحياتى