الموضوع: أرجو ألمساعده لشراء كورولا٢٠١٤ الخليجي

المشاركة الأصلية كتبت بواسطة tamerfawzi

شكرًا علي مجهود حضرتك تعبتك
طاسات لا ا لا لا ادفع ١٧٧ الف جنيه في عربيه طاسات
أشكركم جميعا واشكرا أداره الموقع علي الخدمه الممتازة
شكلي وامري لله هشتري نيو سيراتو

المشاركة الأصلية كتبت بواسطة tamerfawzi

الموضوع مش ٥٠٠٠ جنيه الموضوع ١٨٠ الف فعربيه طاسات دا تهريج

المشاركة الأصلية كتبت بواسطة abofandy

مش تهريج ولا حاجة العربية بقى ب 178 الف
والفكرة مش طاسات او جنوط .. العربية تتبص ليها ع بعضها
انا مش بسبح بحمد تويوتا او بطبل ليها
ولكن
ولكن
ما فية موديلات تانية بتحطلك الجنوط وتشيلك مثلا abs
موديلات تانية تحطلك جنط وفرامل abs وتشيلك esp
موديلات تانية فيها كل حاجة وتوكيلها مضيعها ف الصيانات والمصنعيات وقطع الغيار
الخلاصة
بلاش تبص ع العربية من اتجاه واحد .. بص عليها كباكدج ع بعضة من نحية امان واعتمادية واعادة بيع وتوكيل وصيانات
اتمنى اكون وصلت وجهه نظرى

انا هنصحك بجد و لوجه الله ,
السيراتو الخليجي معظمها جنوط 17 و ده سئ جدا جدا في مصر بالتجربة و هقولك ليه .
انا بأكد انه سئ في مصر لكنه ممتاز في اي مكان تاني .
السيراتو المصري اللي فيها جنط سبور مقاس 16 فاضية تماما و منصحكش بيها بمنتهي الامانة , لو هتجيب سيراتو يبقي الفئة الاعلي .
طيب و ايه مشكلة الفئة الاعلي ؟ ان بينزل فيها جنط مقاس 17 , و مصيبة جنط 17 في مصر بينشف العفشة و بتحس بكل نقرة و حفرة في الشارع و لو اخدت حفرة بسرعة عالية لا قدر الله الكاوتش يأما هيتقطع او في الغالب هيعمل باللونة و هتغيره وسعره مش هيقل عن 1000 جنيه السنة اللي فاتت الله اعلم بكام دلوقتي و ده عشان سمك الكاوتش ال 17 بيبقي 45 و ده رقم قليل جدا جدا زي ماباين في الصورة :



تخيل بقي حضرتك اخدت حفرة بسرعة الكاوتش هينضغط و يقرص علي الجنط و يعمل بالونة او يتقطع انت و حظك و ده نتيجة ان السمك 45 قليل جدا بسبب كبر الجنط 17 .
مش عاوز احبطك بس انا واحد صديقي بيعاني من الموضوع ده و نزل في حفرة علي كوبرى اكتوبر و غير كاوتشتين ب 2200 جنيه .
القرار يرجع لحضرتك و بالتوفيق في اختيارك .