الموضوع: فرحان ومحتار بسبب الكيا كارينز

المشاركة الأصلية كتبت بواسطة masryxt

بالمناسبة دة اللون اللي معايا
http://i1.ytimg.com/vi/nlhefunqcks/maxresdefault.jpg

ونفسي في الجنط اللي في الصورة

الله يبارك فحضرتك شكرا يا استاذ مصرى ....اختيارك موفق بالنسبة للون دة انا برضة شايفة جميل عليها ... والابيض و الاسود جميل عليها جدا ... خاصة الابيض بس خايف انة فعلا يغير مع الوقت ويصفر هتبقى تاكسى بمعنى الكلمة .... الاسود فعلا هيتبهدل بس انا مش حاسسها فالالوان التانية غير الابيض و البترولى ...فلاقيت الاسود كويس .. والى شجعنى انها هتقف فجراج تحت البيت عندى ومش هتخرج غير للمساوير العائلية فقط ... بس الواحد هيضطر اول متركن برة يغطيها على طول عشان الخدوش ،،،
استاذ مصرى هل النيو كارينز بيتركبلها درع امامى وخلفى ؟؟؟ وليها شماسات ولا لأ ؟؟

المشاركة الأصلية كتبت بواسطة إبراهيم المصرى

يا عمرو باشا قولتك من الاول بامانة الاسود ملك الالوان

الف مليون مبروك
عقبال الاستلام وتتمتع بيها ان شاء الله وربنا يكفيك شرها

الله يبارك فيك ويكرمك يا استاذ ابراهيم .. منتحرمش منك ابدا

رجعت للحيرة تانى ..... طيب اية رأى حضراتكم فى السيلفر والابيض ؟؟؟؟؟؟؟؟

المشاركة الأصلية كتبت بواسطة محمد بدر

طيب أنا حابب أقولك نصيحة بالنسبه لموضوع اللون. وأنا أسف إني ممكن إزيد من حيرتك شويه تاني.
أنا أشتريت كارينز اول نزولها مصر في 2009 والعربية كانت موديل 2010 ومكنش في تفكيري اللون الأسود علي الإطلاق وكنت إستقريت علي الفيراني أول نظرة علي اللون الأسود في المعرض والإضائه المبهره فعلا اللون ده خطف عيني ما شاء الله وخلصت فيها وأنا واقف واستلمتها في نفس الوقت .
ولاكن اللون الأسود له عيوب كثيره أوضح لك أهمها.
أولا ممنوع أستخدام الفوطه الزفره علي الإطلاق. ولاكن يجب إستخدام جلد غزال أو فوطه ناعمه وعكس ذلك هتلاقي العربية تعجز بسرعه اللون هيطفي بسرعة ده غير الدوريات إللي هتبقي ملحوظة جدا.
ثانيا بطانة العربية بيضاء ودي في حد ذاتها مشكله كبيره.
1- لو سافرت بالعربية أو لو من غير سفر حتي لو علي الدائري مثلا وعربية سن مشيت أمامك وتكرر الموضوع ده الكبوت والأكصدام شكلهم يزعلك من كتر التنقير يعمل نقط بيضاء بشعه.
2ـ لو شخص مسح السياره وريح عليها وهو بيمسحها حزام البنطلون أو حتي الزرار يترك علامات صعبه جدا علي اللون الأسود.
طبعا علاج الموضع ده بيبقي صعب جدا.
من الآخر اللون الأسود حلو في الأول ولاكن بعد كده مشاكله كثير
حاول خليك في الفيراني
وعلي فكره الكارينز الشكل القديم كانت بتحك في المطبات.
ولاكن هي السيارة العائليه الأولي في مصر بدون منافس أو منازع.
وطبعا السبورتاج أصغر حجما من الكارينز بس بصراحة قصه تانيه خالص خاصتا في موضوع المطبات وشوارع مصرنا الحبيبه.
و معلومه علي الماشي لي صديق اشترينا له سياره سبورتاج موديل 2012 عداد 7000كم الفئه الأولي بـ 192 ألف جنيه والعربية كانت فعلا زيرو .
وعلي كلا الكارينز صفقه رابحه .
وفقك الله فيما هو خير لك

متشكر لمتابعتك يا استاذ محمد >>>> كويس ان حضرتك عرفتنى بالعيوب دى انا كنت صابح اقولهم اوكى على اbسود >>>> حضرتك ترشحلى الوان اية ؟؟؟؟؟؟؟؟؟

أول حاجة خير أوى أنك استقريت على العربية لأني بصراحة شايفها رائعة وملهاش أى منافس في فئتها وإن شاء الله قريب نبارك لحضرتك عليها
ثانيا : اللون بالنسبة ليا أن بعشق الأزرق فلو كنت مكانك كنت هجيب البترولي من غير أى لحظة تفكير حتى لو كان عندى عشر عربيات أزرق!
وموش هتتخيل في الخليج ملك الألوان أيه بدون منازع؟؟؟....الأبيض

اللون الكريمي حلو جدا

المشاركة الأصلية كتبت بواسطة hazem osman

أول حاجة خير أوى أنك استقريت على العربية لأني بصراحة شايفها رائعة وملهاش أى منافس في فئتها وإن شاء الله قريب نبارك لحضرتك عليها
ثانيا : اللون بالنسبة ليا أن بعشق الأزرق فلو كنت مكانك كنت هجيب البترولي من غير أى لحظة تفكير حتى لو كان عندى عشر عربيات أزرق!
وموش هتتخيل في الخليج ملك الألوان أيه بدون منازع؟؟؟....الأبيض

الله يكرمك والله يااستاذ حازم انا عاجبنى برضة اللون البترولى .... انا كلمتهم انهاردة فى المبيعات قالولى هنجيب كل الالوان بكرة وان شاء الله هنزل على يوم السبت اشوفهم على الاقل كل الالوان هتبقى مرصوصة جمب بعض واقرر واللى فية الخير ربنا يكتبة ... حضرتك عارف ممكن تكون مقرر لون وانت نازل تشترى يعجبك حاجة مش فى الحسبان