استفسار في السيتي - رعشة في اول حركة العربية بين 20 و40

**semsem85** · 07-05-2014 06:55 PM

السلام عليكم يا شاباب دلوقتي انا غيرت شوية حاجات في العفشة وقعدتين ولسه عندي رجة او هزة او رعشة في اول حركة العربية بين 20 و 40 بعد كده بتختفي ثانيا : لما بشغل التكيف ولما اكون علي ال d ودايس فرامل في اشارة او زحمة العربية بتتهز او بتترج بشكل كبير ... هتجنن ممكن ايه تاني ابص عليه عشان زهقت لاني اخرتها اروح التوكيل وخلاص اشوف في ايه بص قولت يمكن حد مر بالموضوع ده قبل كده يفيدني

**Bukhari** · 07-05-2014 07:43 PM

لو مغير البوجيهات قريب ممكن تبقي المشكلة في واحدة من الموبينات...

أنا كان عندي مشكلة قريبة من دي جداً، كان عندي رجة بسيطة حوالين ٤٠ بتختفي بعد كدة لما ادوس بنزين، بس كنت لسة مغير البوجيهات ومجاش في بالي موضوع الموبينا ففكرت أنها شوائب بنزين، بعديها بفترة بسيطة بدأت العربية ترج جامد جداً علي السرعات القليلة ووانا واقف في الإشارات... رحت الميكانيكي بدأ يفك الموبينات واحدة واحدة لحد ما طلع واحدة شكلها ملسوع من الجنب، غيرتها الدنيا ظبطت تماماً...

**semsem85** · 07-05-2014 08:24 PM

ممكن اعرف مين الميكانيكي اللي غيرهالك وبكام سعرها

**semsem85** · 07-05-2014 08:27 PM

مع ان المكانيكي لما قولتله عليها قالي دي بسبب القاعدة الخلفية اللي عند القنطرة وغيرتها بعد يومين ظهرت تاني

**Bukhari** · 07-05-2014 09:45 PM

مش فاكر التكلفة والله... بس أعتقد الموضوع كله بالبوجيه بتاع الموبينا البايظة عمل 250 تقريبًا...

الميكانيكي قدام سور المدرسة اللي في شارع الحاج حفني اللي في السواح... اسمه خالد...

بص أنا مش هافتي بصراحة... بس هو الموضوع قريب من وصفك زي ما حكيتهولك كدة...