الموضوع: اول مره اتخنق من الجين 2

مع احترامي ليك وللجين 2

انا ابيزا 94 وموتور 1300 سي سي وكمان نظام الحقن عندي هاف انجكشن

جبت بيها قبل كده 160

ومحمد ابيزا برضه معانا في عصابة السيتاوية معاه نفس عربيتي بس نظام الحقن كربراتير وجاب بيها 170

ممكن يكون فيه حاجة عندك مش مظبوطة والله اعلم

المشاركة الأصلية كتبت بواسطة gashe3

ياجماعه انا بجد انهارده كنت مخنوق اوي من عربيتي عارفين ليه
انهارده اخويا معاه اوكتافيا 2006 طلعت انا وهو وكان بيغظني وبيتريق على عربيتي انا في دماغي مفكر اني هطلع منه المهم بدانا سوا الطريق تقريبا 55 كيلو المهم انا حرقت على العربيه وهو كمان هو فرق وبعدين بحكم خبرتي الاكبر منه عشر سنين خبره في الملفات كنت بقرب منه بس عربيتي كان اخره 170 وهو فاتح على 190 طبعا في نهايه الطريق كان فارق عني تقريبا 8 كيلو تخيلوا مع العلم عربيته بيحطلها بنزين 90 وانا 92 يا جماعه حسيت بالعجز الشديد مع اني حاولت لما اتقطع قلبي قفلت التكييف وسقط الغيار للتالت عربيتي اتوماتك ووصلت تقريبا 6000 وعربيتي عامله 3000 كيلو بس المهم في النهايه رحت داخل من شارع تاني ورحت مشوار علشان ما اشوفوش وهحاول ما اقبلوش انهارده علشان عارف كم التريقه اللي هاخدها معقوله العربيه اخرها 170؟؟؟؟؟؟؟؟؟؟؟؟؟؟

طبعاً الاوكتافيا ملهاش حل و انا بحبها جداً جداً
بس في حاجة حضرتك عربيتك او توماتيك و عربيت اخوك اتوماتيك و لا مانيوال دا اولاً
ثانياً العربية بتاعت حضرتك خلصت ال 5000 كيلو الاولنين و لا لا و عربيت اخو حضرتك اكيد عاملة اكتر من كدا يعني الموتور عنده عامل تلين من زمان
فعلشان المقارنة تبقي صح لازم اعرف اجابة الاسئلة دي
و شكراً و متزعلش اوي

المشاركة الأصلية كتبت بواسطة gashe3

اخويا عربيته مانيوال عامله 70000 كيلوا انا عربيتي اتوماتك عامله 3000 كيلو

اولاً طبعاً انا كنت متوقع الاجابة دي
استحاله عربية اوماتيك تقدر تعدي عربية منيوال و دي حاجة مفروغ منها ( نفس الاداء المحرك )
ثانياً حضرتك زي منتا عارف ان اداء الجين 2 بيتحسن لغيت ال 5000
و حاجة كمان مش ممكن بعد كدا العربية حتسبق الاوكتافيا لان العزم للمنيوال اعلي من عزم الاتوماتيك مهما كانت ماركة العربية ( طبعاً لازم يكونوا في نفس الفئه يعني 1600 مقابل ل 1600 )
و ربنا يوفقك