بالشاهين عطل محير

**nabil246** · 09-10-2008 09:49 PM

لدى سيارة شاهين موديل 1996 - كربراتير......ظهر فجأة بها العيب الأتى: عندما تتعدى حرارة السيارة 92 درجة تقريبا تبقى السيارة مش عايزة تمشى وتنخفض سرعتها و قدرتها على السحب إلى الربع مثلا ...كما لو ان اسطوانة الدبرياش تلفت ....ويحدث هذا على كل النقلات ...الأول والثانى والثالث. لكن طول ما السيارة باردة فإنها تسير طبيعى جدا.
تم تسليك الرادياتير ....ومروحة الرادياتير سليمة وتعمل بدءا من درجة 92 وتم غسيل وضبط الكربراتير .
وتم ضبط الكهرباء(الإسبراتير) اكثر من مرة.....وانا استعمل بنزين 90
لكن مازال العطل يحيرنى.

**ahmedsrs** · 09-10-2008 10:47 PM

غير جوان وش السلندر ممكن يكون منفس ومع الحرارة العالية تبتدى تحصل المشاكل دية وضبط تاكيهات

**turkia** · 13-10-2008 12:50 AM

التاكيهات لما العربيه بتسخن بتحمل وتبقى مش مظبوطه خلى الميكانيكى يظبطهالك على الهوا على 20 والشكمان على 25:k4:

**pointer** · 13-10-2008 01:28 AM

شوف مشط الاسبراتير اخباره ايه لو كنت غيرته من شهر ولا حاجه هو اللي بيعمل العك ده وخصوصا النوع الانجليزي نصيحه اخ لو المشكله منه اشتري الاصلي من الوكيل وريح دماغك الباقي كله مضروب
ممكن تخلي الميكانيكي يجرب لك واحد وتشوفايه الاخبار
و92 في الشاهين حلو اوي يعني ما فيش جوان وش سلندر ولا حاجه

**ahmedfouad** · 13-10-2008 04:15 PM

لما العربية بتبرد-يعنى بعد ما مروحة الرياداتير بتقف-السحب بيزيد ولا بيستمر الضعف فى السحب حتى بعد انخفاض درجة حرارة المحرك؟
والمقصد من سؤالى ان ممكن ان بستم الفرامل ما بيردش بسبب عدم نظافته وبالتالى بيخنق العربية وبيبقا محمل على التيل ويسبب سخونتها وبالتالى هتلاقى العربية سخنة على طول وممكن نختبر دة بطريقتين اما متابعة الحرارة وانها ما بتنزلش
والتانية نعشق السرعة الاولى
ونتحرك حوالى متر بالعربية ونسيبها تقف بالقصور الذاتى-بدون فرمل-لو وقفت بنعومة يبقى مش الستم ولا التيل ولكن لو بالسنس كدة حسيت انها وقفت بقفشة يبقى لازم تعمل صيانة للفرامل وتغير كاوتش المساتر الفرعية
وفى جميع الحالات ما تظبتش تاكيهات و ما تلعبش فيه لان العطل ان شاء الله كدة كدة هيتحل وهتلاقى نفسك داخل فى مشاكل تانية لو لعبت فيها
وربنا يوفقك