صوت ترزيع جامد على الغيار الأول

**hafizahmad** · 09-05-2014 09:30 PM

السلام عليكم ورحمة الله وبركاتة

انا عربيتى فيات 131 1400 ولاحظت ان هيا لما بتسخن لو جبت الغيار الول بسمع صوت رعشة وترزيع جامد فى العربية من تحت فذهبت لميكانيكى وقالى عايز تغير ديسك واسطوانة ورحت لواحد تانى بس انا بثق فية بامانة الى حد كبير فقالى هى المشكلة فيهم فعلا بس هما لسة جداد وممكن تمشى عليهم 2 سنة كمان وقالى عشان تعرف اذا كان اسطوانة والديسك كويسين ولا لأ ارفع فرامل اليد وهات الغيار الأول وحاول تطلع بالعربية لو طلعت معاك يبقوا تمام وفعلا عملها والعربية طلعت معة وكنت قرات برضو انك تعمل نفس الموضع بس على الغيار الرابع وجربتها لواحدى ولققيت فعلا العربية ابتدت تتحرك معايا فهل كدة فعلا يبقى الديسك والسطوانة تمام ولا اية ولو تمام طيب لية صوت الترزيع دة بس هو مش بيحصل على طول اوقات واوقات ولو حبيت اغيرهم بطقم كامل ويكون كويس يتكلفوا اد اية

وشكرا ليكم واسف على الأطالة

**abokoko** · 09-05-2014 09:46 PM

كان عندى الاعراض بتاعته الديسك و الاسطوانه
وقالوا لى ممكن تمشي عليها فترة
وقبل ما اكمل الشهر سمعه صوت جامدعند مطب
فقولت مابدهاش
وحلينا
لقينا الديسك فيه ريشه مكسوره
وقلت الحمد لله

**hafizahmad** · 10-05-2014 01:17 AM

طيب ياباشا هو فية ضرر يعنى ولا ممكن امشى بيها عادة هى العربية هتقعد معايا سنة او سنة ونص بالكتيير فلو هتمشى سنتين فعلا زى الميكانيكى مابيقول يبقى ملهاش لازمة اغير ولا اية رايك؟

**abokoko** · 10-05-2014 02:33 AM

الله اعلم
لكن نصيحة لا تسافر بها
خليك جو البلد
علشان لو حصل حاجه تلاقي ميكانيكى قريب منك
ومن الان ابدأ اسال على الانواع و الاسعار

**hafizahmad** · 12-05-2014 11:57 PM

الف شكر على الرد والأهتمام

**carrier** · 13-05-2014 01:09 PM

المشاركة الأصلية كتبت بواسطة hafizahmad

طيب ياباشا هو فية ضرر يعنى ولا ممكن امشى بيها عادة هى العربية هتقعد معايا سنة او سنة ونص بالكتيير فلو هتمشى سنتين فعلا زى الميكانيكى مابيقول يبقى ملهاش لازمة اغير ولا اية رايك؟

وليه تعذب نفسك وتصبر على كده ولو فى حمل فى العربية مرة عالتانيه هتقف منك

انزل الوكالة او عزبة شلبى وهات طقم دبياج كامل من موتور
بلية - اسطوانة - ديسك
اصلى ورخيص

انا عملت كده مرتين بنجاح من الوكالة

**hafizahmad** · 14-05-2014 07:04 PM

المشاركة الأصلية كتبت بواسطة carrier

وليه تعذب نفسك وتصبر على كده ولو فى حمل فى العربية مرة عالتانيه هتقف منك

انزل الوكالة او عزبة شلبى وهات طقم دبياج كامل من موتور
بلية - اسطوانة - ديسك
اصلى ورخيص

انا عملت كده مرتين بنجاح من الوكالة

طيب لو سمحت ممكن تقولى هيكونوا فى حدود كام ولو فى واحد مضمون هناك واعرف اذاى انهم كويسين وهما يعنى بيبقوا مستعملين بس استعمال نظيف ؟؟