تقل في الغيار الأول

**abo_lamar** · 21-08-2009 01:44 AM

السلام عليكم ورحمه الله وبركاته
كل سنه وحضراتكو طيبين ورمضان كريم

من حوالي 5 أيام ظهرت عندي مشكلة في الغيار الأول بس انا ماادتش الموضوع اهميه افتكرت حاجة عارضة وحتعدي بس لقيتها مستمرة وبتذيد.
لما باجي ادي الغيار الأول بلاقي الفتيس جامد وناشف قوي ولازم اضغط عليه بقوه عشان اعرف اغير للأول .. انما باقى الغيارات مفيهاش مشكلة بتم بسهولة ويسر بما فيهم المارشيدير ..
انا حبيت اعرف من حضراتكو ايه ممكن يكون سبب المشكلة قبل ما أوديها للميكانيكي عشان اعرف اكلمه .

وشكرا و رمضان كريم

**samirayad** · 21-08-2009 07:50 AM

حاول تغير زيت الفتيس لزيت لزوجته خفيفه
وليكن زيت 90 وظبط مقاسك تمام وجرب
لوده مجبش نتيجه ....فغالبا ده عيب فى غويشة الأول والتانى
أو مجموعة الأول .................
وربنا يسهل وموضوع الزيت يجيب معاك نتيجه كويسه
على فكره يا أستاذ : محمد
أنا كان عندى نفس المشكله دى فى سياره سابقه ومحليتش الفتيس
وأستعملت زيت باور للفتيس (وده بيستخدم فى الفتايس الأوتو ) لأنه زيت خفيف جدا
أنا عارف أنه مش مخصص للفتايس المانيوال .....
بس حتعمل أيه ......المضطر يركب الصعاب
لأن ده أهون برضه من الشغل فى الفتيس .....
أنا قولتك كل اللى أعرفه فى الأحوال دى .....ولك القرار

**khalid9411** · 21-08-2009 10:19 AM

متابع معكم

**abo_lamar** · 21-08-2009 02:58 PM

شكرا لحضرتك يا باشمهندس سمير انا عملت بنصيحة حضرتك وغيرت زيت الفتيس كله النهاردة الصبح بس لقيت الفتيس مرة يبقى ناشف على الغيار الاول ومرة تانية بيدي غيار عادي .. تفتكر حضرتك اروح برضه للميكانيكي ولا اصبر شويه يمكن المشكلة تروح ؟؟
وكل سنه وحضرتك طيب وبصحه وسلامة ولكل اهل المنتدى

**E30power** · 21-08-2009 03:46 PM

المشاركة الأصلية كتبت بواسطة elakawy

شكرا لحضرتك يا باشمهندس سمير انا عملت بنصيحة حضرتك وغيرت زيت الفتيس كله النهاردة الصبح بس لقيت الفتيس مرة يبقى ناشف على الغيار الاول ومرة تانية بيدي غيار عادي .. تفتكر حضرتك اروح برضه للميكانيكي ولا اصبر شويه يمكن المشكلة تروح ؟؟
وكل سنه وحضرتك طيب وبصحه وسلامة ولكل اهل المنتدى

طبعا بعض مشورة الاستاذ سمير مفيش اى كائن يقدر يتكلم بعدية دة اكيد .......

انا كنت مستلم العربيةبتعتى وهىزيرو وفيها المشكلة بتاعت الاول انوا ساعات بيحجر فى النقلات وكنت كلما اكلم حد على الحكاية دية يقولى لسة زيرو وسبها تطبع معنفسها وغيرت زيت فتيش على 600 كيلو........
سورى على الاطالة ....الحل بقى رحت لواحد بتاع دبرياج وفرامل وعملى رجلاش من تحت الفرش والعربية رجعت - زيرو عذراء زى ما مفروض انها تكون....

و على ما اعتقد انك بتحس بتقل الغيار فى اول طلعة للعربية وبالذات لما تكون مسخنتش؟؟؟ .....دة بقى حلها انك وانتا بتدور كارك دبرياج 3 او 4 مرات وانتا واقف وبعد اول كيلو تمشية بهيا يعنى تكون سخنت شوية حاول كارك تانى .....دة ابسط حل واسرع حل سريع بس مش دايم...

دة لو الغويشة زى ما قلك الاستاذ سمير مفهاش حاجة .........

**abo_lamar** · 21-08-2009 04:15 PM

المشاركة الأصلية كتبت بواسطة ahmedtefagad

و على ما اعتقد انك بتحس بتقل الغيار فى اول طلعة للعربية وبالذات لما تكون مسخنتش؟؟؟

شكرا يا أستاذ أحمد على أهتمام حضرتك
لا ... تقل الغيار بيحصل في اي وقت سواء كنت لسه طالع بالعربية الصبح (مع العلم اني لازم اسخن العربية الاول ) أو حتى لو على فرض واقف في اشارة وبدي الغيار الاول عشان اطلع .. بس انا حاسس ان الغيار اتحسن شوية بعد ما غيرت زيت الفتيس كله مع انه برضه لسه في شوية خشونة .

**MMamdouh** · 21-08-2009 05:14 PM

اعتقد طالما الموضوع بيروح و يجى بالشكل دة يبقى مش مشكلة فى الفتيس شخصيا انما مشكلة فى الوصلات بين عصاية الفتيس و الفتيس نفسة

ممكن تكون الصامولة 12 بتاعت المشرشر مهوية او العقربة فيها بوش بيعمل معاك فرق فى النقلة و يصعب عملية تعشيق الغيار

انا شايف انك تخللى ميكانيكى يبص على الوصلات دى و يتاكد ان كل حاجة سليمة

و غير زيت الباور اللى فى الفتيس و حط زيت 90 لان زيت الباور مش مصمم لتزييت التروس و ممكن يتلف الفتيس

MMamdouh

**MMamdouh** · 21-08-2009 05:15 PM

المشاركة الأصلية كتبت بواسطة ahmedtefagad

طبعا بعض مشورة الاستاذ سمير مفيش اى كائن يقدر يتكلم بعدية دة اكيد .......

المشاركة الأصلية كتبت بواسطة MMamdouh

اعتقد طالما الموضوع بيروح و يجى بالشكل دة يبقى مش مشكلة فى الفتيس شخصيا انما مشكلة فى الوصلات بين عصاية الفتيس و الفتيس نفسة

ممكن تكون الصامولة 12 بتاعت المشرشر مهوية او العقربة فيها بوش بيعمل معاك فرق فى النقلة و يصعب عملية تعشيق الغيار

انا شايف انك تخللى ميكانيكى يبص على الوصلات دى و يتاكد ان كل حاجة سليمة

و غير زيت الباور اللى فى الفتيس و حط زيت 90 لان زيت الباور مش مصمم لتزييت التروس و ممكن يتلف الفتيس

MMamdouh

MMamdouh

**abo_lamar** · 21-08-2009 05:48 PM

شكرا لحضرتك يا باشمهندس ممدوح وانا فعلا رايح للميكانيكي بعد شويه

الموضوع: تقل في الغيار الأول

LinkBack

أدوات الموضوع

عرض

-

-

المواضيع المتشابهه

عضة فى الغيار الأول

الغيار الأول والسخونة

الغيار الأول

الغيار الأول وال Rpm

الكلمات الدلالية لهذا الموضوع

المفضلات

المفضلات

ضوابط المشاركة