مشكلة بسبب الفتيس الأوتوماتيك

**ghost_hamdi** · 13-05-2014 12:42 AM

انا تقريبا اتكتشفت ايه اللي حصل
العربية كانت زي الفل لحد ما البواب غسلها الصبح ، وانا لما دخلت العربية لقيت شوية ميه تحت الدواسة وفجاءة ظهرت المشكلة
وفعلا زي ما الاخ الفاضل قال ده عيب كتاوت ولما عملت بنصيحته وجيت ابص لقيت الكتاوت عليها اثار ميه وفيه واحد منهم شاكلة بايظ من المياه
المهم الكهربائي حاول يمسح الاخطاء بعد ما ركبنا واحد من. الكتاوت بس فضلت الاخطاء زي ما هي وهو بصل علي مكان علبه الكتاوت وقالي كلها لازم تنظف علشان اثار الميه لان العربية مش هتقراءهم صح وده ًسبب الكتمه لان الكتاوت بتدي اشاره لكنترول العربية والفتيس للتحكم باشارة كهربائيه معينة فلو حصل خلل فيها تلاقي العربية بطيئة في الاستجابه وتاخر في النقلات وده لان اشاره الكهرباء ضعيفة الي الكنترول
الكهربائي قالي تعال بكره علشان نشتغل فيها ، وكان عايز ٣٠ ثمن كشف بالجهاز مع اني انا اللي قايله علي الاخطاء فين
المهم انا عايز كهربائي فاهم صح ويكون متعلم مش صنايعي علشان اعرف اتعامل معه
انا في الهرم حد يعرف حد شاطر

**ghost_hamdi** · 13-05-2014 12:44 AM

ده غير ثمن واحد من الكتاوت ١٠٠ جنيه يعني سرقة رسمي
علشان كده عايز حد محترم وبيفهم

**sala7** · 14-05-2014 02:51 PM

المشاركة الأصلية كتبت بواسطة ghost_hamdi

يا جماعة انا والله العظيم وصلت لمرحلة اني مش عارف انام بسبب العربية
انا عندي حاجة هاتجنني
انا معايا جولف 4 1800 وكانت مانيوال وكان في مشكلة في الفتيس ولما جيت اغيره قلبت العربية اتوماتيك
عارف ان في ناس هاتقولي ليه العك ده بس اهو ده اللي حصل المهم
العربية كانت ماشية تمام ومرة واحدة وانا بدور الصبح لقيتها مكتومه قوي
غيرت فلتر البنزين وكان فيها وساخة جواه
والعربية دارت ومشيت بس وانا ماشي بيها مرة واحدة بيتكتم ولا اري بي ام ولا سرعة بيتحركوا مهما دوست بنزين ومره واحده ترجع تاني عادية وصوت الماتور بيكون واطي ولما بتدوس بنزين بتفضل زي ما هي ومرة واحدة ترجع عادية

شوفتها علي الجهاز ولقيت الحاجتين دول
17841/P1433/005171 - Secondary Air Pump Relay (J299): Open Circuit

P1501 - Fuel Pump Relay Circuit Short To Ground

والميكانيكي مش بيعرف يشتغل علي الجهاز- واحنا لسه مغيرين طرمبه بنزين بس العوامه بتهيس شوية.
المهم انا خايف تكون المشكلة في الفتيس - ده لسه راكب ولسه مغيرتش الزيت ولا الفلتر مع ان الجهاز مش مطلع مشكله في الفتيس

اعمل ايه انا خلاص قرفت عمال اصرف ودمي محروق
انا عايز حد يدلني اعمل ايه لاني قرفت

العطل الاولاني ده خاص بطلبة الهوا التانية اللي جاية اولا من علبه فلتر الهواء و ده موجوده بس في المواتير اللي فيها EGR زي عند حضرتك كدا .. دون الخوض في تفاصيل عن عمل الطرمبة التانية دي اللي هقدر اقوله دولقتي عنها مكانه و هي موجوده تحت المكنه في مقدمة OIL sumber او كرتيرة الزيت .
حل المشكلة دي ان فيه فيوز في علبه الفيوزات محروق .. للاسف الفيوز ده سعات مالوش دلاله للطلمبه مخصوص و بيكون مشبوك على حاجه تانيه في دفيرة المكنه ممكن تكون كلاكس او فوج او .. الخ يبقا هنشيك على الفيوزات
طيب لو الفيوزات سليمه يبقا هنشيك بقا على الكونيكتور و الفيشه اللي داخله على الطلمبة هل سليمة او سلك سايب او مقطوع .. المهم اننا هنفحص خط الكهربا اللي داخل عليها و نشف العطل فين .
طيب لو سليم .. اخر حاجه هتلاقي علبة فيوزات صغيرة كدا فوق سيرفوا الفرامل هتفتحها هتلاقي فيها 2 relay الاول لونه اسود مكتوب عليه 100 و التاني لونه رمادي و ده خاص بحماية الكمبيوتر
انت بقا هتغير ال 100 فقط و المشكله هتتحل في اول جزئية .

على فكرة نفس الريلاي ده بوقف طرمبة البنزين بردوا
اولا غير الريلاي الاول بواحد تاني بس ياريت يكون استيراد
بعد هنشوف لما تغيره العطل التاني هيختفي بعد مسحه على الاسكانر و العربية هتكون تمام اولا
انا متابع

**sala7** · 14-05-2014 02:54 PM

أسف رديت على الموضوع دون قراة باقي المشاركات
و يارب المشكلة تكون اتحلت صح

**Mado El-Feki** · 14-05-2014 05:32 PM

روح لخالد إسماعيل في الحي العاشر مدينة نصر متخصص فولكس وسكودا وكان مهندس في التوكيل وفاهم كويس قوي.
وهيحطها عالجهاز عنده وهيعرفلك المشكلة فين

**ghost_hamdi** · 14-05-2014 09:24 PM

انا رحت لرشاد وقالي هنشيل ال ١٠٠ لانه بايظ وبيخلي الطرمبة تشتغل علي طول وده غلط ورحت جبت واحد تاني تقريبا رقمها. ١٧٦
والحمد لله الخطأ بتاع طرمبة البنزين اتمسح لكن التاني بتاع طرمبة الهواء لسة موجود ورشاد قالي ده مش هيفرق معاك في حاجه وهو موجود لان حساس الشكمان عندك مش راكب
المشكله ان العربية بقيت احسن بس حاسس ان سحبها بقي ضعيف فهل الطرمبة دي ليها دور في الموضوع ده ؟؟؟