مشكلة بسبب الفتيس الأوتوماتيك

**ghost_hamdi** · 11-05-2014 10:28 PM

يا جماعة انا والله العظيم وصلت لمرحلة اني مش عارف انام بسبب العربية
انا عندي حاجة هاتجنني
انا معايا جولف 4 1800 وكانت مانيوال وكان في مشكلة في الفتيس ولما جيت اغيره قلبت العربية اتوماتيك
عارف ان في ناس هاتقولي ليه العك ده بس اهو ده اللي حصل المهم
العربية كانت ماشية تمام ومرة واحدة وانا بدور الصبح لقيتها مكتومه قوي
غيرت فلتر البنزين وكان فيها وساخة جواه
والعربية دارت ومشيت بس وانا ماشي بيها مرة واحدة بيتكتم ولا اري بي ام ولا سرعة بيتحركوا مهما دوست بنزين ومره واحده ترجع تاني عادية وصوت الماتور بيكون واطي ولما بتدوس بنزين بتفضل زي ما هي ومرة واحدة ترجع عادية

شوفتها علي الجهاز ولقيت الحاجتين دول
17841/P1433/005171 - Secondary Air Pump Relay (J299): Open Circuit

P1501 - Fuel Pump Relay Circuit Short To Ground

والميكانيكي مش بيعرف يشتغل علي الجهاز- واحنا لسه مغيرين طرمبه بنزين بس العوامه بتهيس شوية.
المهم انا خايف تكون المشكلة في الفتيس - ده لسه راكب ولسه مغيرتش الزيت ولا الفلتر مع ان الجهاز مش مطلع مشكله في الفتيس

اعمل ايه انا خلاص قرفت عمال اصرف ودمي محروق
انا عايز حد يدلني اعمل ايه لاني قرفت

**eng.salama93** · 11-05-2014 10:40 PM

الأعطال اللي طالعه دي ملهاش علاقه بالفتيس

**chiko** · 11-05-2014 10:44 PM

باشا لا مشكله و لا حاجه .. انت الدواسه عندك شغاله علي فاكم .. هتلقيه مش راكب او مسكور او فيه تسريب .. حاجه متتكلفش تلتين اربعين جنيه ..نفس العيب ده موجود عندي في a3

**ghost_hamdi** · 11-05-2014 11:01 PM

معلش يا باشا مش فاهم قصدك

**ghost_hamdi** · 11-05-2014 11:02 PM

لو مكسور او بيسرب ازاي بترجع تاني تسحب وشوية وتكتم؟؟

**chiko** · 12-05-2014 12:06 AM

عادي تشتغل و تفصل .. انت لما تبقي ماشي بالعربيه تيجي تدوس بنزين لتلقي الكفه بتنزل معاك لكن العربيه مش بتزيد .. صح ؟ نفس الشيئ كان موجود عندي في اودي اي 3 .. بعد تغير المشت و الكنترول و الطرومبه و الكفه و بعد لفه علي الورش و علي كل الناس اللي بيقولو عليهم ملوك الالماني ..لكن هما في الحقيقه تعبانين الالماني .. بحثت علي النت لحتي ما وصلت لواحد عنده نفس المشكله و بصت علي المضخه لقيتها مسكوره من النص .. روحت مشتري انبوبة امير من ابو جنيه و لحمته و شغاله زي القرد بقالها اكتر من شهرين

**ghost_hamdi** · 12-05-2014 12:42 AM

باشا ممكن رقمك علي الخاص ،

**chiko** · 12-05-2014 10:53 AM

اتفضل 01010088556

**Ahmed Saad** · 12-05-2014 07:30 PM

بص ياباشا من الاخر العطل المسجل تحت كود p1433 ده يافيوز ياما كتاوت مضخة الهواء ودول موجودين في التابلوه والعطل التاني اللي الكود بتاعه p1501 كتاوت طرمبة البنزين وبرضه هتلاقيها في علبه الكتاوت بتاعت العربيه وأبقى طمنا عملت ايه

**ghost_hamdi** · 12-05-2014 09:26 PM

وهل الكتاًوت بتاعت مضخة الهواء والتانية الخاصة بالبنزين هي السبب في كدة ، طيب لو هي اللي بايضة ليه العربية بترجع تاني طبيعية وشويه تاني وتكتم؟؟
طيب اروح لمين يشوفها وبلاش تامر رشاد لاني حالف ما اروح الحرفيين تاني