الموضوع: ممكن تسعبر عربيتي الفيكنرا

سلام عليكم اهل الاوبل

حابب من حضراتكم تقييم وتسعير العربية دي

اوبل فيكترا بي ١٩٩٦
استيراد الخارج تقفيل اوروبي
موتور ايكوتك ١٦٠٠
مانيوال

المواصفات
باور
تكييف يعمل بكفاءة والحمد لله والحرارة ماشاء الله مظبوطة
مرايات كهرباء وضم
سنتر لوك
التحكم في ارتفاع وانخفاض كرسي الساءق وفيه ٤ تحكمات تانية للكرسي
تحكم في اضاء الطابلوه وارتفاع وانخفاض مستوي ضوء الفوانيس بس الفوانيس مش الاصلية لذلك الخاصية متوقفة

عوامل الامان
٢ايرباج
فرامل abs وتعمل الحمد لله
احزمة امان للركاب الخلفيين ٣

الحالة والموتور
ميكانيكا وكهرباء بدون اي مشاكل الحمد لله ومعظم القطع والاغطية جي ام
الحرارة مظبوطة الحمد لله صيف وشتاء وبتكيف وبدون

السيارة ماشية ٣٢٨ الف كم او حسب العداد كاسرة ٢٠٠ الف ميل

العيوب
عداد السرعة ولفات الموتور احيانا بيعلق ولكن باقي الموشرات شغالة بدون مشاكل

تحتاج الي دهان خارجي بسبب التجاريح بسبب جمال السواقة في مصر


ارجو تسعير السيارة حسب التفاصيل المعروضة

وهرفع صور بس مش دلوقتي عشان فاتح موبايل