هوه لازم العريس يرقص يوم فرحه !

**a raafat** · 12-05-2014 11:32 PM

السلام عليكم

ايه رأيكوا يا جماعه فى اللى بنشوفه فى الأفراح اليومين دول وهل لازم العريس يقوم ويقعد يرقص ويهز طول الفرح !
انا لسه مرتبطش أصلا بس من اكتر الحاجات اللى قرفانى وبفكر فيها هيا لما أرتبط وأجى اتجوز واعمل فرح انا أصلا معرفش أرقص ومش قادر أتخيل نفسى عمال أرقص على أغنيه شعبى ولا على الوباء اللى طالع جديد و اللى بيسموه مهرجانات ده
الواحد لما بيروح فرح ويلاقى العريس عمال يرقص ويتنطط بيقول فى سره ايه ده ؟ هوه انا المفروض انى هعمل كده ؟ :o
يعنى لو على رقص سلو على أغنيه هاديه فماشى ممكن معنديش مانع انما رقص شعبى بقى وهيصه والشغل ده مستحيييييييييل والمشكله لو مرقصتش وفضلت قاعد الناس بقى تتكلم عليك كلام مش ولابد
ده أصلا لو ملقتش بتاع دي جي رخم قومك ترقص بالعافيه -_- ولا طلعلك واحد سقيل من المعازيم يرقصك بالعافيه مأساه :(

الواحد نفسه أصلا ميعملش فرح ويطلع شهر عسل بره وبيدعى ربنا يوقعه فى عروسه متفاهمه كده او تكون معقده ومش عايزه فرح ههههههه وطبعا ده كمان مستخيل :)

**Shocky** · 12-05-2014 11:39 PM

لا مش لازم والمفروض إن مفيش راجل يرقص ولا فى فرح ولا فى غيرة
أما اللى بتشوفة فى الأفراح دة ... ربنا يهديهم

**wrY** · 12-05-2014 11:43 PM

في مقولة شهيرة بتقول الرجل اذا رقص نقص

**wrY** · 12-05-2014 11:44 PM

مفيش حاجة بتودي الانسان في داهية الا كلمة الناس والناس تقول ايه وعشان خاطر الناس وفي الاخر محدش بيعجبه حد فالافضل الواحد يعمل اللي شايفه (صح) واللي مش عاجبه يخبط دماغه في الحيط

**besso** · 13-05-2014 12:34 AM

والله الفرح من اوله لأخره مالوش لازمه اصلا

**sherif_84** · 13-05-2014 12:36 AM

سلام عليكم بص ياباشا فى فكرة حلوة قوى عجبتنى شوفتها فى فرح أختى لان جوزها برضو مالوش فى الرقص و الكلام ده عملوا فى مجمع النسور فى مساكن شيراتون - طريق المطار بعد مول صن سيتى بشوية
عبارة عن زفة نص ساعة بس جميلة جدا انت وعروستك بعد كده تدخل قاعة شبه السينما بالظبط عشان كتب الكتاب لمدة ساعة و تبقى انت و عروستك و والدها و المأذون على المسرح و الناس كلها قاعدة شايفاكم و التكلفة مش أوفر قوى زى الافراح اللى بتتكلف 15000 و 20000 والاسعار المبالغ فيها دى .. وعقبالك ياباشا

**AboELsoud** · 13-05-2014 12:45 AM

بص هوه اولا مش لازم اغاني المهراجانات دي اللي تشتغل

انت هتتفق مع الدي جي على اللي عايزه و ممكن تنبه عليه و تقوله مش عايز الاغاني دي

بالنسبه للرقص انت ممكن تكون مش بتعرف ترقص ولا بتحب

بس هتلاقي كل اللي حواليك صحابك و قرايبك و فرحانين و قاعدين يرقصوا فبتلاقي نفسك مندمج معاهم

و الموضوع مش عيب عادي

هوه اللي بيبقى عيب الصراحه الرجاله اللي بتهز وسطها :)

انما الواحد ممكن يرقص عادي من غير ما يهز وسطه :)

**blazer** · 13-05-2014 01:01 AM

انا مش ناوى اعمل فرح من اساسه ان شاء الله هعمل كتب كتاب و لو ربنا قدرنى هعمله وليمة العرس و خلاص على كدا
انما الرقص و المسخره دى انا ملبش فيها و مش عارف ازاى الى بيرضى على مراته اول يوم جوازهم ترقص قدام القريب والغريب! فين النخوه؟