ناوي أشتري مولد كهرباء اسمه حلاوة

**megop6m** · 13-05-2014 07:40 PM

بعدت ما قمت بحساب كل الأحمال الخاصة باستخدامي نويت أشتري مولد كهرباء بيخرج 2.5 كيلو

عايز أسأل عن مولد اسمه حلاوة ومحدش يستغرب الإسم لأنه استيراد شركة حلاوة بتاعة الموتوسكلات وهو صيني وبيقولك انو بموصفات الياباني يعني فيه مثبت تيار وشكمان والملف نحاس وضمان سنة ضد عيوب الصناعة والشركة بتقول انها شركة قديمة ومش معقول تغامر بسمعتها في الموتوسكلات وتبيع مولد مش واثقة فيه وكدة.

وبصراحة انا مرتاح لهم نفسياً ومش عايز اشتري ياباني لأنه غالي جداً بالنسبالي ومعظم الصيني مفيهوش مثبت تيار وده فيه.

لو فيه حد جربه ياريت يقول تجربته لأني خلاص ناوي أشتريه

**ahmedsrs** · 13-05-2014 08:06 PM

سيبك من المولدات وخليك فى الانفرتر انضف واحسن وفى موضوع عن الانفرتر فى المنتدى اعمل بحث هتلاقيه

**atpo56a** · 14-05-2014 12:39 AM

الاستاذ صاحب الموضوع ممكن الفت نظرك الي انه لو ذهبت للصين وقلت لهم يصنعوا لك مولد وتكتب عليه اسمك megop6m الصيني كله واحد مع فرق الاستيكر اظن فاهمني

**megop6m** · 14-05-2014 02:52 AM

المشاركة الأصلية كتبت بواسطة ahmedsrs

سيبك من المولدات وخليك فى الانفرتر انضف واحسن وفى موضوع عن الانفرتر فى المنتدى اعمل بحث هتلاقيه

قريت الموضوع بتاع الإنفرتر وبصراحة الكلام مش عاجبني يعني عشان اوفر قدرة تشغيل حوالي 1000 وات لازم أشتري انفرتر وبطارية تمنهم حوالي 3500 جنيه.
بحسب الموصوع ده
http://www.nilemotors.net/Nile/40940...-inverter.html

فحين ان المولد الصيني 2500 وات سعره بيتراوح من 1800 جنيه لـ 2200 جنيه على حسب الموديل ، ناهيك عن ان البطارية اللي مش هتعمر لأن بطارية العربية مصممة بحيث مينزلش الشحن بتاعها عن 50% أو هتبوظ بسرعة وهتضطر تغيرها كل شوية.

**megop6m** · 14-05-2014 02:55 AM

المشاركة الأصلية كتبت بواسطة atpo56a

الاستاذ صاحب الموضوع ممكن الفت نظرك الي انه لو ذهبت للصين وقلت لهم يصنعوا لك مولد وتكتب عليه اسمك megop6m الصيني كله واحد مع فرق الاستيكر اظن فاهمني

تمام معاك 100% بس المولد ده مركبين عليه مثبت تيار وشكمان في الشركة هنا يعني إضافة من الشركة وبضمانها لمدة سنة.

**atpo56a** · 14-05-2014 08:29 AM

رابط الشركه علي الفيس بوك
https://www.facebook.com/halawagenerators

**atpo56a** · 14-05-2014 08:33 AM

يا ريت تتطلع علي الموضوعين
http://www.nilemotors.net/Nile/33878...والثاني
http://www.nilemotors.net/Nile/411407-a.html

**megop6m** · 14-05-2014 11:58 AM

شكراً atpo56a قرأتهم قبل كدة بس أنا عايز أعرف أي حد بكون جرب المولد ده بالذات

**drcobra** · 14-05-2014 12:32 PM

الصينى درجات
يعنى اللى جرب ماركة وكانت كويسة يبقى الواحد يتكل على الله ويشترى
اشهر ماركة مولد صينى لانتوب
بس ياريت لو السعر يوصل ل 2200 يبقى بص على هوندا برافا هو تقفيل مصرى بس مكونات يابانى وايطالى ونمساوى على ما افتكر
مولد هوندا برافا 2.7 كيلو صافى 3250 بشارع الجمهورية