لادا 2107 مصري & روسي وفارق السعر بينهما

**galallada2105** · 17-10-2008 01:05 AM

اللادا الروسى معايا من 1992 ولغاية دلوقتى مغيرتش فيها غير طقم شنبر والكاربيراتير والبطارية والكاوتش وطبعاً العفشة مع الوقت بتتغير كل فترة والحمدالله ماعملتش عمرة كاملة وبتسحب على الطريق وبتجيب 145 كم ودواخلها زى ما هيا المصرى بقاله سنتين من 2006 منقدرش نحكم عليها الا لما يمر عليها من 5 ل 7 سنين . واللادا المصرى لوغيرتلها عفشة اكيد هتبقى ناعمة عن الروسى بس الصاج هيفرق طبعاً لان اكيد فى علاقة بين وزنها وثباتها وفى اللادا الروسى الجديد الصاج مش زى القديم بس مش ورق زى المصرى ولو عايز تحس بالفرق اركب اللادا الروسى اوالمصرى الـ full option هتعرف انا قصدى ايه وخالص تحياتى .

**galallada2105** · 17-10-2008 01:12 AM

اضافة صغيرة كماليات اللادا بتتقفل تقفيل ممتاز سواء للمصرى او للروسى
(الروسى بتيجى فاضية ماعدا الباور وبيركبلها الباقى هنا) وشكراً

**abomarim** · 23-10-2008 06:21 PM

المشاركة الأصلية كتبت بواسطة galallada2105

اضافة صغيرة كماليات اللادا بتتقفل تقفيل ممتاز سواء للمصرى او للروسى
(الروسى بتيجى فاضية ماعدا الباور وبيركبلها الباقى هنا) وشكراً

شكرا علي المرور والافادة لكن هل التقفيل المصري يبقي جيد المستوي زي ما حضرتك ذكرت ومين احسن مكان ممكن اقفل فية

**galallada2105** · 24-10-2008 03:26 AM

حتى الان تركيب الكماليات مشفتش حد اشتكى منه (سنتر - تكييف - باور) حمدى لادا قديم وعنده ناس بتفهم كويس وهو الافضل التوكيل للاسف بحالات العربية اللادا بدأت تنتشر بدرجة كويسة والتوكيل مش مهتم بخدمة مابعد البيع بيكتفى انه يدفعك زيادة ويخبى العيب مش بيعالجه . وشكراً لمداخلتك ويارب مايحرمنا منها .
صور جامدة للادا على ال link ده :
http://www.nilemotors.net/Nile/showthread.php?t=27897