موضوغ محرج جدا جدا هل ممكن تساعد ارملة بتحرى على 3 اطفال بس للاسف زانية!!!!!!!!!!!!!!

**أسامه الحسيني** · 15-05-2014 10:26 AM

ربنا يهدينا جميعا
اولا ربنا يجزيك خيرا ويجعله فى ميزان حسناتك ويبارك فى اولادك علي الخير الى بتعمله
ثانيا :لازم تتأكد ان الفلوس الي بتاخدها بتروح لعيالها مش للبواب حتي لا تكون اعانه على المعصية وفى الحاله دي يبقي الفلوس تجيب بيها حاجات عينية او تشوف المصلحه فين وتعملها
ثالثا : الدين النصيحه بمعني ممكن من الوقت للتانى تنصحها انها تحافظ علي عيالها وخصوصا لو فيهم بنات وتقولها ربنا ان شاء الله هيكرمك فى عيالك وجزيك خير انك بتشقي علشان تربيهم كويس وكلام من دا
رابعا : بفكرك بحادثة الافك لأم المؤمنيين -السيده عائشه - ان الموضوع ممكن يكون اشاعه ولو انت متأكد بفكرك برده بموقف سيدنا ابو بكر لما قرر انه يقطع المعونه عن مسطح الى هوا سبب هذه الفتنه فنهاه الله تعالى عن ذلك وقال"وَلَا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُوْلِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ"
وربنا يهدينا جميعا لما فيه الخير

**abou-yahia** · 15-05-2014 10:58 AM

المشاركة الأصلية كتبت بواسطة أسامه الحسيني

ربنا يهدينا جميعا
اولا ربنا يجزيك خيرا ويجعله فى ميزان حسناتك ويبارك فى اولادك علي الخير الى بتعمله
ثانيا :لازم تتأكد ان الفلوس الي بتاخدها بتروح لعيالها مش للبواب حتي لا تكون اعانه على المعصية وفى الحاله دي يبقي الفلوس تجيب بيها حاجات عينية او تشوف المصلحه فين وتعملها
ثالثا : الدين النصيحه بمعني ممكن من الوقت للتانى تنصحها انها تحافظ علي عيالها وخصوصا لو فيهم بنات وتقولها ربنا ان شاء الله هيكرمك فى عيالك وجزيك خير انك بتشقي علشان تربيهم كويس وكلام من دا
رابعا : بفكرك بحادثة الافك لأم المؤمنيين -السيده عائشه - ان الموضوع ممكن يكون اشاعه ولو انت متأكد بفكرك برده بموقف سيدنا ابو بكر لما قرر انه يقطع المعونه عن مسطح الى هوا سبب هذه الفتنه فنهاه الله تعالى عن ذلك وقال"وَلَا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُوْلِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ"
وربنا يهدينا جميعا لما فيه الخير

يا مثبت العقل والدين يارب

طب حيتاكد اذاي من غير ما يتبع العوره

مين قال ان ربنا عايز منا كده ولا كلفنا بكده

**ayman20100** · 15-05-2014 12:46 PM

انا بقالي فترة عاوز اقول تعليق وكل شوية امسحه
ترددت في النصيحة بطرد البواب خوفاً من قطع عيشه
ترددت في النصيحة بالدعم العيني فقط دون النقدي فبعض المستلزمات صعب توفيرها يومياً مثل العيش بدون نقود
ترددت في النصيحة بمنع الصدقة فما ذنب الاطفال

خلاصة الكلام ان تستجمع قوتك ومع الكثير من الحكمة وتتتكلم مباشرة مع ام الاطفال وتحدثها بما علمت وانك لا تحب ان تلقى باموال تخرج لوجه الله في يد امرة لا تتقى الله
ربما تسمع منها انها متزوجة من البواب
ربما تسمع منها نيتها في التوبة
ربما تسمع منها انها كانت غلطة وانتهت
ربما تخشى لمعرفتك ان تكرر ما فعلت

المواجهة (( بالعقل والحكمة )) افضل وستصل لنتيجة

**abdulkhaleq** · 15-05-2014 12:57 PM

لأ هو حضرتك مهم تقول عرفت ازاي لأن لحد دلوقتي الفضيحه الوحيده انك بتتهم واحده ممكن تكون مابتعملش حاجه

وعموما انت بتعمل ده للولاد مش ليها

**banzai** · 15-05-2014 01:09 PM

انا معتش بخش القسم الاجتماعى انا شوفت عنوان الموضوع من الفرونت بيدج و الصراحه انا شايفه عنوان ظريف اوى
مقدرتش امنع نفسى من التعليق
بس للاسف زانيه .. يا لهول تلك الواقعه
حضرتك محسسنى اننا فى دوله اسلاميه و مواطنيها رجالا صدقوا ما عاهدوا الله عليه ههههههههه
يا استاذ مصر محيط من الموبقات و الفساد يسبح فيه ملايين النصابيين و الحراميه و عديمى الضمير
ياخى ده الفتنه اشد من القتل .. اشمعنى جت على الزنا يعنى !!!!!
اعمل اللى يمليه عليك ضميرك و ما تصيحش لحد لان الناس كلها وحشه الزانيه بقى زى الزانى زى الحرامى زى المنافق
ما تزعلش منى بس انت فكرتنى باللى بيقول مصر فوق الجميع و تحيا مصر
رغم ان مصر فى تصنيف الامم المتحده على موقعها الرسمى دوله عالم ثالث متخلفه شعبها جاهل

**S O P H O S** · 15-05-2014 01:33 PM

أنا مع راي استاذ ابو آسر
خلي بدئل الفلوس بحاجات الاطفال تكون محتجاها

**FAR!D** · 15-05-2014 01:55 PM

المشاركة الأصلية كتبت بواسطة محمود السيد

كان فى قبل كدة قصة والله اعلم مفاده
من صحيح القصص النبوي، وهي: «قَالَ رَجُلٌ: لَأَتَصَدَّقَنَّ اللَّيْلَةَ بِصَدَقَةٍ، فَخَرَجَ بِصَدَقَتِهِ فَوَضَعَهَا فِي يَدِ سَارِقٍ، فَأَصْبَحُوا يَتَحَدَّثُونَ: تُصُدِّقَ اللَّيْلَةَ عَلَى سَارِقٍ. فَقَالَ: اللهُمَّ لَكَ الْحَمْدُ، عَلَى سَارِقٍ!! لَأَتَصَدَّقَنَّ اللَّيْلَةَ بِصَدَقَةٍ، فَخَرَجَ بِصَدَقَتِهِ، فَوَضَعَهَا فِي يَدِ زَانِيَةٍ!. فَأَصْبَحُوا يَقُولُونَ: تُصُدِّقَ اللَّيْلَةَ عَلَى زَانِيَةٍ، فَقَالَ: اللهُمَّ لَكَ الْحَمْدُ عَلَى زَانِيَةٍ!. لَأَتَصَدَّقَنَّ اللَّيْلَةَ بِصَدَقَةٍ. فَخَرَجَ بِصَدَقَتِهِ، فَوَضَعَهَا فِي يَدِ غَنِيٍّ, فَأَصْبَحُوا يَتَحَدَّثُونَ: تَصَدَّقَ اللَّيْلَةَ عَلَى غَنِيٍّ, فَقَالَ: اللَّهُمَّ لَكَ الْحَمْدُ عَلَى سَارِقٍ، وَعَلَى زَانِيَةٍ، وَعَلَى غَنِيٍّ. فَأُتِيَ، فَقِيلَ لَهُ: أَمَّا صَدَقَتُكَ عَلَى سَارِقٍ، فَلَعَلَّهُ أَنْ يَسْتَعِفَّ عَنْ سَرِقَتِهِ وَأَمَّا الزَّانِيَةُ فَلَعَلَّهَا أَنْ تَسْتَعِفُّ عَنْ زِنَاهَا, وَأَمَّا الْغَنِيُّ فَلَعَلَّهُ أَنْ يَعْتَبِرُ فَيُنْفِقُ مِمَّا أَعْطَاهُ اللَّهُ».
لعلها تفيدك
وبالنسبة لرائ الشخصى انك طلما تفعل ذلك لله فلا تتوقف وانما لا تكثر من تواجدك معها خشية الشبهة وممكن تلمح لها بانك بتخاف على سمعتها خصوص والظروف التى هى فيها وباسلوب غير مباش( اسلوب الساذج ) عرفها انها علشان كويسة الناس بتساعده عشان مبتعملش حاجة غلط وحياته فى النور وبتسعى على اولادها اما لو بتعمل غلط فالناس مش هتقف جنبها و الله هو الى هيعينك ويسرك الحال

الله يفتح عليك

**أبو آسر** · 15-05-2014 03:24 PM

أشكر كل إخواني اللي عقبوا على رأيي
ولكن أحب أوضح إني لم أقل أنه لا يجوز إعطاء هذه المرأة للصدقة - طبعا بعد أن يتأكد أخي الحبيب من انها عياذا بالله تفعل هذه الفعلة الشنيعة - هو من ناحية الجواز فهو يجوز ولكن هناك من أهم أولى بها من هذه الصدقة وهم أهل الصلاح أو على الأقل لا يرتكبون الكبائر مثلها فليس من العقل أن نعين أهل الكبائر وننفق عليهم ونترك الصالحين المحتاجين يمدون أيديهم للناس ، ولكن أولاد هذه المرأة ينبغي ألا يعاقبوا بجريمة أمهم فالأولى أن تعطيهم هم ما ينفعهم لأنك لا تدري لعلك لو أعطيتها مالا في يدها لأنفقته على ما يعينها على فعل هذا المنكر العظيم من شراء ملابس وما شابه تفعل بها الفاحشة أما إعطاءها ملابس لأطفالها أو كتب مدرسية أو طعام لهم حتى لو أكلت هي منه فهكذا تضمن أن المال سوف يسير في طريقه الصحيح حتى تأخذ أجرك كاملا عليه ، وأنا شخصيا لو أعلم أن رجلا مدخنا مثلا ولكنه فقير فأفضل ألا أعطيه مالا في يده ولكن أعطيه أشياء عينية طعام أو ملابس وما شابه لأنك لا تدري لعلك لو أعطيته مالا لأنفقه على الدخان وتجاهل جوع أسرته فأنت هكذا تعينه على المعصية من حيث لا تدري والله أعلم