موضوغ محرج جدا جدا هل ممكن تساعد ارملة بتحرى على 3 اطفال بس للاسف زانية!!!!!!!!!!!!!!

**shiko85** · 15-05-2014 10:23 PM

المشاركة الأصلية كتبت بواسطة الفجر

النقطة المهمة ومحدش اتكلم عليها
الناس اللى بروحلهم من المعارف والاصدقاء اللى بطلب منهم الصدقة ليها ماذا افعل معهم؟؟
انا قلت لحضرتك فالمشاركه رقم 5
حضرتك حر فــ فلوسك بس اعتقد ان لازم قرايبك يعرفوا الموضوع ده لانهم اعتمدوا على رأيك فيها و فظروفها و دلوقتى الظروف دى اختلفت و من حقهم يعرفوا "طبعا ده صعب جدا من باب الستر عليها"
حضرتك ممكن تقولهم اى حاجه
انا بقيت بطلب منهم الحاجة وانا وشى فى الارض من الكسوف وكانى سارق سريقة او عامل عملة سودة لانى بقلهم ان الست دى مكافحة وتستاهل وبتجرى على ايتام !!! وحاسس انى بكذب عليهم وبخدعهم وفى نفس الوقت مستحيل اقلهم على السر
انا مش عايز اخد ذنب انى اقولك بلاش الموضوع كله و شوف حد تانى محتاج اولى
سؤال بسيط, حضرتك بتعمل كل ده علشان الأولاد صح ؟؟ تضمن منين ان الفلوس دى بتروحلهم ؟؟؟ مش بتديها للبواب مثلا ؟؟
واخر مرة صديق ليا لما شاف نظراتى فى الارض الشيطان دخل قلبة وافتكر انى عامل عملة وباخد الفلوس لنفسى هو مقليش كدة صراحة بس حسيت من نظراتة انة شك فيا من علامات وشى لانى مش بعرف اخبى حاجة وساعتها قلتلة تعالى اوريك بيتها وروح بنفسك اعطيها انت منعا للشيطان يدخل بينا
طيب دا كلام ؟؟؟
انا بجد محتار جدا

عايز اقولك لو سمعت رأى الأعضاء اللى قالوا خلى واحده تكلمها و تنصحها هيكون غلط كبير
هتكشف عنها ستر الله غير ان اللى عرفت دى هتحكى فكل مكان و الموضوع هينتشر
الموضوع محير جدا خصوصا ان الحكم بأنها ---- ليه شروط و الشروط مش متوفره
حضرتك عندك حل من 2
تكمل كأنك معرفتش حاجه و تستحمل احساس الذنب انك بتكذب عليهم
او تصرف نظر عن الموضوع خالص و تشوف اسره تانيه محتاجه او مستشفى

**Astro BoY** · 16-05-2014 12:24 AM

انتا بتعمل للعيال مش ليها

**maka** · 16-05-2014 12:28 AM

الموضوع شائك و محتاج منك صبر و حكمة

بادئ ذى بدء لا يفتح باب الزنى عامة الا من خلال المراة و الا كان اكراها . لزم تتاكد من غير ما تفضح و تتحرى الصدق وليس السمع للغير, لاسباب منها ان البواب لو متزوج و احله له الحلال و اتجاه للحرام فاولى ان يمشى و يعمل غيره اولا و ثانيا الشخص اذا اصابه الحرام لم يتركه الا اذا اراد التوبة . يعنى هيعمل مع دى و مع غيرها . ثانيا الشخص اللى بيعمل حاجة غلط بيبقى عارف انه ملطوط و مهزوز و غلطان الا استحلى المعصية و قلبه مات و ده بيكون شديد الفجور , الزنى من العقوبات اللى بتخلف على الشخص الفقر و الحزن و ضيق الصدر و كره الناس و نبذهم للزانى و استصغار شأنه . لو تاكدت من ذلك لزم تنصحها بدون فضحها و خلى بالك لانها ممكن تكون ناكرة الجميل و تقلب عليك الاية . حضرتك اليد العالية لزم تتعلم تقول لا و ايوه . اللين قد يفسد , مش قصدى انك تجوع عيلها لكن لو تاكدت شد عليها حتى لا تفسد عيلها من بعدها و بصراحة المحترم العفيف اولى بالصدقة حتى ولو بالاقتسام فنحن فى زمن كثر فيه المحتاجين و مش معقول امنع عن الشخص اللذى يرعى حقوق ربه و ادى الباغى . البواب ده لو متزوج لزم يمشى و الحكمة انك تقوم عليه العمارة لسبب غير ما فى نفسك .

اخيرا استحضرتنى هذان الاياتان لما قريت موضوعك

1- { وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا } الاية لا تنطبق مع هذه الحالة لكن تقوى الله تعم بالبركة على الشخص و اهله

2- وَلْيَسْتَعْفِفِ الَّذِينَ لا يَجِدُونَ نِكَاحًا حَتَّى يُغْنِيَهُمُ اللَّهُ مِنْ فَضْلِهِ

**hnh_75** · 16-05-2014 05:19 AM

من يفعل شئ يبتغي رضي الله فل يفعله ولينظر الي حاجة الاطفال بغض النظر عن فعل الام وربنا يستر نساء المسلمين

**محمود السيد** · 18-05-2014 08:55 AM

ان الله تعالى لايقطع عنها رزقها بمعصيتها فلا تحرم أنت نفسك من أجر الصدقة وكفالة اليتيم لذنب غيرك

**أسامه الحسيني** · 18-05-2014 02:16 PM

المشاركة الأصلية كتبت بواسطة abou-yahia

يا مثبت العقل والدين يارب

طب حيتاكد اذاي من غير ما يتبع العوره

مين قال ان ربنا عايز منا كده ولا كلفنا بكده

انا ما قصدتش انة يتبع العوره واعوز بالله من تتبع العورات الى قصدته انه يكون عرف عن طريق حد ثقه

hh · 18-05-2014 03:55 PM

لو كنت اكتشفت انها مش بتصلي كنت حتعمل ايه؟؟؟

انا بصراحة مش شايفة اي علاقة ما بين شكوكك و بين الخير اللي انت بتعمله و لا عمر في حاجة في ديننا بتقول ان نمنع الخير عن شخص لأنه عاصي او بيرتكب ذنب.

أعتقد ان المشكلة عندك و عند بقية الاخوة اللي بيردوا نوع الذنب نفسه و انها واحدة ست, يعني اغلبية الناس رأيها كان حيختلف لو كان البواب هو اللي انت بتعطف عليه.

عموما انت المفروض اساسا بتساعد عشان يكون ليك نصيب من ثواب كفالة الايتام المساكين دول, فربنا يقدرك و تستمر و متخليش الشيطان يقنعك تتخلى عن الثواب العظيم ده عشان حاجة متخصش حد.

**ahmedtohamy** · 20-05-2014 01:25 PM

استاذى الفاضل ساعد الاطفال بالى تقدر علية بس حاجات عينية زى الاساتذة ما قالو وخلية نيتك بانك تساعد الاطفال ودى اكيد ثوابها كبير عند ربنا

**aif** · 20-05-2014 01:38 PM

ده حديث من صحيح البخاري قد يكون فيه اجابة عن سؤالك .... والله اعلى واعلم

1355 حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة رضي الله عنه أن رسول الله صلى الله عليه وسلم قال قال رجل لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية فقال اللهم لك الحمد على زانية لأتصدقن بصدقة فخرج بصدقته فوضعها في يدي غني فأصبحوا يتحدثون تصدق على غني فقال اللهم لك الحمد على سارق وعلى زانية وعلى غني فأتي فقيل له أما صدقتك على
سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله

**aif** · 20-05-2014 02:02 PM

اسف جدا للتكرار انا كتبت الرد والحديث قبل ما اقرأ ان احد الزملاء كتب نفس الحديث

الموضوع: موضوغ محرج جدا جدا هل ممكن تساعد ارملة بتحرى على 3 اطفال بس للاسف زانية!!!!!!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

محتاجه دكتور سلوكيه اطفال او طبيب نفسى اطفال

موضوغ الغاز وكل مشتملاته

ارملة تتزوج عرفيا ثم تتطلق وتتزوج رسميا فماذا يكتب فى عقد الزواج ؟

الكلمات الدلالية لهذا الموضوع

المفضلات

المفضلات

ضوابط المشاركة