ازاى بتتعامل مع جارك المشاكس؟

**amr011111** · 21-05-2014 12:33 PM

قولنا مشاكس فى ايه
ايه المواقف اللى بتحصل

**drcobra** · 10-06-2014 04:00 PM

يعنى مثلا بيركن ميكروباص قدام باب العمارة فى وسط الطريق علشان يمنع حد يعدى وينزل زى النطع يحرك الميكروباص

**drcobra** · 10-06-2014 04:01 PM

اكتشف انة مركب كهرباء شقتة على عدادى وبياخد منى كهرباء بقاله شهريين

**drcobra** · 10-06-2014 04:05 PM

الراجل دة هو صاحب الارض وانا بنيت دوريين واشتريت منة 3 شقق
شقتين فى الارضى وشقة فى التانى وهو هيسكن فى الشقة اللى قدامى

لسة معملش عداد خدمات بالرغم من انة واخد فلوسة كاملة
حافر خزان مياه جنب العمارة ولسة مغطهوش والناس كل شوية ترمى زباله والخزان يتملى وفضيتة مرتيين قبل كدة وهو ولا فى دماغة وانا لو عايز اعمل مشكلة كبيرة هبلغ البيئة يعملوا محضر

**بحار** · 10-06-2014 04:26 PM

هؤللك على حاجه حلوة قوى اكتشفتها الجار بيبقى حريص قوى من الجار اللى مواصفاته كالاتى : كلامه قليل - ميعرفش عنه حاجة ( وظيفته مثلا ) - لو تنك حبتين يبقى كويس قوى - احيانا كشر أو لابس وش خشب ..
اما الكارثة اللى تضيعك وأقوللك مع السلامة اشوف حقك بخير مع الجيران دول لو مواصفاتك كالتالى : على وشك ابتسامه دايما - متواضع - بترمى السلام على جار عدى جنبك قبل كده وطنشك - تتباسط مع الجميع فيسألوك عن شؤنك الخاصة وتجاوب .
أنا مش بقول ان ده الصح ولكن للأسف ده بيجيب نتيجه كويسة مع الناس اليومين دول !!!

**drcobra** · 10-06-2014 05:11 PM

المشاركة الأصلية كتبت بواسطة بحار

هؤللك على حاجه حلوة قوى اكتشفتها الجار بيبقى حريص قوى من الجار اللى مواصفاته كالاتى : كلامه قليل - ميعرفش عنه حاجة ( وظيفته مثلا ) - لو تنك حبتين يبقى كويس قوى - احيانا كشر أو لابس وش خشب ..
اما الكارثة اللى تضيعك وأقوللك مع السلامة اشوف حقك بخير مع الجيران دول لو مواصفاتك كالتالى : على وشك ابتسامه دايما - متواضع - بترمى السلام على جار عدى جنبك قبل كده وطنشك - تتباسط مع الجميع فيسألوك عن شؤنك الخاصة وتجاوب .
أنا مش بقول ان ده الصح ولكن للأسف ده بيجيب نتيجه كويسة مع الناس اليومين دول !!!

للاسف كلام حضرتك صحيح
والحمد لله انا اتربيت على التواضع وعملى علمنى الصبر

للاسف انا بتعامل كويس مع كل الناس ومبحبش احط نفسى فى مواقف بايخة
باحترم نفسى دائما

لكن هو دة النصيب واحد امنتلة واديتة فلوس بدون وصولات امانة او شيك طمع وافتكر ان الناس بتوزع فلوس

**megaman** · 10-06-2014 05:42 PM

حاول انك تعزل من شقتك لان شكله كده لبط وبلطجي وده مش حيمشي معاه الا العافيه وقلة الادب ودي شكلها مش بتاعتك يا اما باذوق تجمعو مجموعه من الجيران وتحددو معاه معا د وتشتكولو من اللى بيعملو بالعقل منفعش يبقى الحل التاني اللي هو قلة الادب والجعير بس ده متعملوش لوحدك يعني لازم تلم عليه لمة لا اله الا الله من الشارع وتحقوه وتمنعوه عن افعاله بالعقل. او بالعافيه او تبيع وتعزل لان العنف اخرته وحشه وما يضمنش وخاصه اذا كنت مش محترف

**drcobra** · 10-06-2014 06:38 PM

المشاركة الأصلية كتبت بواسطة megaman

حاول انك تعزل من شقتك لان شكله كده لبط وبلطجي وده مش حيمشي معاه الا العافيه وقلة الادب ودي شكلها مش بتاعتك يا اما باذوق تجمعو مجموعه من الجيران وتحددو معاه معا د وتشتكولو من اللى بيعملو بالعقل منفعش يبقى الحل التاني اللي هو قلة الادب والجعير بس ده متعملوش لوحدك يعني لازم تلم عليه لمة لا اله الا الله من الشارع وتحقوه وتمنعوه عن افعاله بالعقل. او بالعافيه او تبيع وتعزل لان العنف اخرته وحشه وما يضمنش وخاصه اذا كنت مش محترف

تسلم يا باشا واحلى حتة بتاعه مش محترف هههه جامدة
والله لو على قلة الادب اسهل حاجة بس فى الاخر الكل بيخسر

وصعب انى اسيب بيتى ومركزى اللى دافع فيهم دم قلبى علشان واحد حقود
ان شاء الله هيلبس بمزاجة او غصب عنة فى شر اعماله

وانا بحب افضفض واخد رأى الاخوة
وشكرا لردودك المتميزة

**بحار** · 10-06-2014 09:00 PM

المشاركة الأصلية كتبت بواسطة drcobra

للاسف كلام حضرتك صحيح
والحمد لله انا اتربيت على التواضع وعملى علمنى الصبر

للاسف انا بتعامل كويس مع كل الناس ومبحبش احط نفسى فى مواقف بايخة
باحترم نفسى دائما

لكن هو دة النصيب واحد امنتلة واديتة فلوس بدون وصولات امانة او شيك طمع وافتكر ان الناس بتوزع فلوس

شوف يادكتور واضح من الحركات اللى الراجل ده عملها معاك انه ( كشف ورقك ) بمعنى انك راجل محترم ومش بتاع مشاكل . ومعنى كده ان اى حاجه هاتعملها او هتقولها بنفسك مش هاتخيل علية فأنا رأيى انك تجيب كام راجل 5-6 عارفهم وواثق فيهم وياسلاااااام لو فيهم 2 شكلهم وحش وصوتهم عالى حتى فى الكلام العادى ( فيه مواصفات كده ) يندهو علية ويعرفوه انك بتشتكى منه من كذا وكذا وانك قريبهم ومش هايسبوه لو اشتكيت منه تانى . وصدقنى لو الموضوع اتعمل صح هايجيب ورا الاصناف دى تخاف ماتختشيش .. وكل مافوتله هايزيد اكتر

**fepsceasar** · 10-06-2014 11:40 PM

طب انا ليا جار مركب حديدتين تحت البيت بيركن فيهم عربيته وحاجز مكان حتى لو عربيته مش موجودة يا عم يهديك يرضيك ما يصحش ..مش عاوز

الموضوع: ازاى بتتعامل مع جارك المشاكس؟

LinkBack

أدوات الموضوع

عرض

-

-

-

المواضيع المتشابهه

تعمل إيه لو جارك مضايقك؟

هو فين ؟{ الرأي والرأي الأخر} - والاتجاه المشاكس ؟

حق الجار ....لو جارك رزل

سؤال للى مركبين الفلتر الاسبور بتتعامل ازاى مع المياه الى بتيجى عليه ؟

سؤال انت بتتعامل ازاى مع المنتدى

الكلمات الدلالية لهذا الموضوع

المفضلات

المفضلات

ضوابط المشاركة