الموضوع: والدي يريد الانتحار ، ماذا أفعل؟

السلام عليكم ورحمة الله وبركاته

لأول مرة في حياتي أتعرض لهذا الموقف الخطير ... القصة طويلة جدا لكن مختصرها ، أن والدي يئس من الحياة لأنه فقد بصره بسبب السكر ، بالرغم من إنه عمل عملية في عينيه ومحتاج شوية وقت عشان يشوف تاني ، لكنه لا يريد أن يصبر ... للأسف إيمانه ضعيف ، فقرر ينتحر ، حاولنا معاه بالكلام ، وهو رافض أي كلام ، وخد شريط برشام كامل من ورانا منوم ، بس ربنا ما قدرلهوش يموت ... رافض يتعالج نفسيا أو يشوف أي دكتور .. ضحكت عليه وقلت له تعالى معايا عشان أرميك تحت القطر ، وفرح ونزل معايا ، وخدناه على مستشفى جمال أبو العزائم ، وللأسف ، حكينالهم الحالة ، وقلنالهم إحنا جيبناه بالعافية ، وممكن ينتحر في أي وقت ، للأسف الاستقبال كان زي الزفت ، ودخلونا في إجراءات روتينية بالرغم من إن الحالة لا يمكنها الانتظار ... وقالولنا في الآخر يعمل آشعة مقطعية على دماغه ونجيبه تاني ، بالرغم إنه رافض يروح لأي دكتور ولا ياخد أي علاج..

هل فيه حل؟؟؟ هل فيه مستشفى كويسة ، ممكن تبعت عربية تاخده من البيت؟